حول التعدد

[الطائر المهاجر]

الى منك بغيتَ تنهبل فاعرس ولو مسيار = والى منك بغيتَ شهار دور لك على ثنتين
لأنّك تصبح القده وهن بيدينهن المنشار = ولو تلقى الحلا كله ترى تحته تلاقي الشين

كملوا ياشباب

تقوله يالمهاجر يوم ماتقدر على المشوار=انا بتبع طريق ٍ كافله ربي بشرع ودين
ترى سنة نبيك حثت المسلم على التكرار=يقول انه مفاخر بامته من حاصل الثقلين

==========

[منيع]

الى منك بغيت الحق ودرب الدين والاخيار=عليك بسنة الهادي وخل اللي بأاذنه طين
لاان الشرع هو القدوه وخل ايمين وخل ايسار=وكلام الشعر وتروجيه بها المعنى ترى تخمين

[الطائر المهاجر]

زعيم قبل ما تعرس ولا تدري عن الاخبار= عسى تقدر على وحده وتصمد من بعد عامين
ومن يسمع منيع الشيخ يقول انه طويل اشبار= وهو مقصورة اشباره ومنتفوف الجناحين

[منيع]

يارجل لاتاخذك عزة النفس بالاثام والاشعار=ترى الحق يبقى والتصنف ابد توهين
وخل منيع في حاله بلاها سيرة الشطار=وانا ماجبت من جيبي ولازورة كله دين

[الطائر المهاجر]

انا ما جيت ضد الدين ولا اتبع منهج الكفار = ورب البيت خالقنا امرنا بالفكر تمعين
ومن لايعرف الأوضاع نبينها بكل اصرار = نناقش مشكله اصبح ضررها واضح للعين
ودين الله مبني على ان لا ضرر واضرار= ومعظم ما نشوفه في التعدد همه الدنيا بليا دين
حريم مطلقه وبيوت تتهدم بلا انكار = وتشريد وضياع للعيال ابني او حتى الوراعين

اسعد الله صباحكم برضاه

مشاركة متواضعه .. وسامحونا على التقصير ..

سلامي للرجال الغانمين / اكبارهم واصغار=سلامي سنة الهادي ومنهاجه/ وردّه َدين
فقولوا لي : سلام الله عليك / اصغاركم وكبار=عشان الراي من راسي يطيح/ وتفهمونه زين
(الى منك بغيتَ تنهبل فاعرس ولو مسيـار)=ومن جرّب/ يعاف التجربه لو ذاق مر البين
(والى منك بغيت الحق ودرب الدين والاخيـار)=فاعدل / وان ماقدرت العدل فاحذر حوبة الثنتين
(وترى سنة نبيك حثت المسلم على التكرار)=صحيح / وحذّرت من واحدن يلعب على الحبلين
(ودين الله بنيانه متين فلا ضـرر واضـرار)=وانت بعقلك ودينك تخيّر اهون الضّرين

[نجم الإبداع]

انا بدلي بدلوي والحلول الزاهيات اكثار= اشوف ان التعدد خير لو تقدر ولك بيتين
يقولون النساء اكثر من عددنا ثن لاتحتار = تنق من العوانس والمهر لايزيد عن الفين
حمايه للفظيله والحقيقه سنة المختار = تحل المشكله لو دققت حواء امور الدين
ترى كثر الطلاق اسبابه الي يتبع من شار= وكم حاله سببها البنت والرجال طبعه زين
ورى بنت العرب لامن سترها الله تهد الدار= انا ماعم غير البعض تشعلها على البنزين
تطاوع امها وبنفسها يتصاغر المقدار = يثور من الغضب في زوجها لاشاهد الوجهين
ولكن العداله واجبه بالمستطاع ان صار = والى ماصار راحه من مشاكلهن ودمع العين

[منيع]

المشاركة الأصلية كتبت بواسطة المشرف العام

انا ما جيت ضد الدين ولا اتبع منهج الكفار = ورب البيت خالقنا امرنا بالفكر تمعين
ومن لايعرف الأوضاع نبينها بكل اصرار = نناقش مشكله اصبح ضررها واضح للعين
ودين الله مبني على ان لا ضرر واضرار= ومعظم ما نشوفه في التعدد همه الدنيا بليا دين
حريم مطلقه وبيوت تتهدم بلا انكار = وتشريد وضياع للعيال ابني او حتى الوراعين

لاتحمل المعنى فوق مالايطاق يابيطار=مادام الشرع حللها علامك تخلط التلوين
ترى المشكل مع الوحده تقول ا حيان ياستار=وتلقى لك مع التعداد نفس مالحقها شين
وهذي لاتمررها علينا وتعكس الاخبار=وجود المشكله وارد ولاكن فيه شين وزين

[الطائر المهاجر]

مدام الشرع حللها فحللها على مقدار = ولكن العدل كايد على دق الموازين
وربك يعلم بعدلك فهو من يعلم الأسرار= اذا انته عادل فغيرك ميوله واضحه للعين