قصيده ومجاراتي لها غزل

[محمد مطر المطرفي]

بسم الله الرحمن الرحيم


سمعت قصيدة للشاعر / عوض بن خيران الرشيدي


فجاريته بالابيات التى تلي ابيات قصيدته


ارجو أن تحوز على رضاكم
يقول

غيرت لي عن طرق وإخترت لي طرق = طرق الهنوف اللي ذبحني بطرقه
إما يحرقني حرق وإلا أحرقه حرق = وإن ما حرقته له نظام (ن) يحرقه
ولا عشت بالحيله ولا عشت بالدرق = ولا إتهمت في درقه ولا جيت درقه
يا ضلع وين الورق ما مرك الورق = اللي عيونه تسرق النوم سرقه
اللي يخيل البرق لو ما برق برق = وين السحاب وين غيمه وبرقه
عنا بحر غربي وعنا بحر شرق = وخفر السواحل بين غربه وشرقه
على قوارب بيض وإعيونها زرق = متوقعين إنه تجي فيه غرقه
الرب واحد والبشر بينها فرق = يبين في دينه ودنياه فرقه
والطيب زرقة رمح وإن ما رقيت إرق = قبل تموت وسبة الموت شرقه

وسلامتكم


مجاراتي

الطرق ما به فرق ولا أغير الطرق = يوم إن ابن خيران غير بطرقه
ما ألوم حاله بالهوي محترق حرق = قطعة وصال الزين تحرقه حرقه
زين (ن) درق عينه سرق نومها سرق = خلى إعيونه ساهره تخاف درقه
حالي مثل حاله ولا بينهن فرق = مثله ذبحني الزين بعيون زرقه
اللي زرقني برمح من حاجره زرق = قطع خفوقي بكم زرقه وزرقه
كنت أتمشى غرب وميلت للشرق = ولا عدت أفرق بين غربه وشرقه
قلت اترك الموضوع لا ينفجر عرق = في وسط راسي سلم الله عرقه
وأترك طرق الحب ومطارد الورق = وكم عفت بين الورق طرقه وطرقه
تركتهن لله ما همني القرق = وحكي البشر ما همني بزود قرقه
لو إجتمعنا بالهوى حاصل(ن) فرق = ومهما إقتربنا بعدها تصير فرقه
وكم واحد (ن) خاض البحر ما خشى الغرق = هو ما دري بموته سبايبه غرقه
خطوى الولد طيبه كما لايح البرق = يرقى بمعالي الطيب في لمح برقه
وبعض البشر لده عن الطيبه عرق = خايب ... قطعه الله يقطع معرقه
بنت الردي بنت العفن بنت الاخرق = كرته ... لزوم ولازم إنك تحرقه
مهما إتزين بالخلاقين وإخرق = جمالها كلته تواليه خرقه

وسلامتكم / اخوكم ابوسلطان
محمد مطر المطرفي

[الطائر المهاجر]

صح لسانك
مجارتك طيبه
ويفضل عدم تكرار القافيه التي استخدمها
وأترك طـرق الحـب ومطـارد الـورق
واترك طروق .....
خطوى الولد طيبـه كمـا لايـح البـرق
خطو ....

ماعليك شاعر
ننتظر حتى تاخذ الأوله كفايتها من الردود في الهمس
وننقل هذي هناك
تحياتي

[بنت النور]

اسعدني كثيير ان اكون هنا
بصفحتك الرائعه
كروعة...كلماتك
تلألأ النجوم في ليله مقمره
تعلمت منك ولازلت اتعلم واستفيد
ربي يسعدك
دنيا واخره " محمد مطر

[محمد مطر المطرفي]

أسعدك الله ... ابو عبدالله كما أسعدتني برأيك وردك

الاخت بنت النور نور الله قلبك بالإيمان.... الله لا يهينك


أرجو تصحيح البيت ....

وأترك طـرق الحـب ومطـارد الـورق @@ وكم عفت بيـن الـورق طرقـه وطرقـه

الى طريق أو طاروق حيث أنه خطأ إملائي

دمتم بخير وعلي خير

[محمد مطر المطرفي]

الووووو دكتور ما عالجت النص لي

[الطائر المهاجر]

حط البيت اللي تبي تبدله بالتعديل

[الطامي]

المطرفي
صح السانك والسان الشاعر الأخر
مجاراة طيبة ومميزه
لاهنتو جميع

[محمد مطر المطرفي]

الأخ الطامي

صح الله بدنك

شرفني واسعدني مرورك

دمت بخير