بعض العرب .. للشاعرة/ الذاهبه بصوت روض الغلااا

[حمد العيد]

بعض العرب يسوى عداله ملايين = مثل الذهب يشبه جديده قديمه
ماهو من اللي رفقته يوم يومين = هذا الرفيق اللي عسى الله يديمه
للطيب خوّه ترفع الراس والعين = ولا الردي فرقاه عيد وغنيمه
اللي على كسب الجمايل حريصين = دامت شموخ اهل القلوب السليمه
وليا تخلوا عنك ناس(ن) قريبين = يجلي همومك والدموع اليتيمه
تنسى في قربه مامضى لك من سنين = كل الهموم الحاضره والقديمه
وبعض العرب يسكت على الزين والشين = امثال شخصه يستحق الحشيمه
شكله ماهوب زين لاكنه زوين = في داخله بعض الصفا ة الوسيمه
وبعض العرب حسنه اخذ كامل الزين = زينن على مثله حرام وضليمه
في نضرته ينهب قلوب المحبين = يسلب عقل اهل العقول الرخيمه
ترى الرسايل تنقري من العناوين = لاتدنفع بعض العواقب وخيمه
والبعض الاخر كشخته للمزايين= يخدع بها ذيك البنات العضيمه
يقول انا شيخ ورصيدي ملايين = والفلس ماله عندي اليوم قيمه
مسكين قضى عيشته دين في دين = والكذب الاقشر جارين في دميمه
ومع الفقر عنده عجوز وبزارين = وديانته وقت الرواتب مقيمه
تطرق ابوابه تجعله بين أمرين = اما السجن ولا حياة الهزيمه
وبعض العرب من شافها قال مسكين = مسكين طيب والمضاهر سليمه
يقتل ويركع مع صفوف المصلين = ولاكنه اللي قام دور الجريمه
وفي داخله خبث وجنون وشياطين = يصبح صديقك والنهايه أليمه
وبعض العرب ودك على الخد كفين = يتوب عن ضلم البشر والنميمه
كنه صديق وبالضهر ألف سكين = معدوم ذمه والمشاعر عديمه
اقولها مره وعشره وعشرين = ولابغى شهادة قولة انتي عضيمه
اعطيك كلمه حطها بين(قوسين)= خذ الحكم من ناس قبلك حكيمه
واختامها مني ورود ورياحين = عطر يفوح اطياب مسك الختيمه

للتـحـمـيل

روض الغلااا

[ابومياس]

صوت شجي

نستمتع به دائما اخي حمد العيد

دمت بخير

[محمدحزام بن فاهد]

مليووووووووووووووون صح لسانها ودام ابداعك

[نجم الإبداع]

يسلم صوتك الشجي
وقلبك

وصح لسان اختنا الذاهبه

فائق الاحترام

[محمد بن عبدالله السلمان]

الذاهبة
أذهبت عقولنا بالأمثال والحكم الرزينه
الله يحفظها ونتمنى أن نقرا لها الكثير بصوتك يا أخي حمد العيد
والحق يقال أنك مبدع متميز أثبت جدارتك بكل المقاييس الله يحفظك لنا في المنتدى ويعلي شانك

[صعبة المنال]

الرابط ما فتح
بس الكلمات رووعة


صعووب

[الهميم]

شكرا لك
وبارك الله فيك
تحياتي

[المؤذن]

بارك الله فيك
على ما تقوم به
احترامي

[البتار]

شكرا لك
على الجهد الطيب
تحياتي

[الحويطي]

بارك الله فيك
كتبت فقرأت فاستفدنا
تحياتي واحترامي