البنت لامن خاب ظنه بهلهل

[احمد الجريفاني]

من يسمح إن إخته يهينه بعلها=يا عنك هذا الشخص ماهوب رجال
لو نترك الفرصه لوآطي سفلها=تفاخرت بفعولها كل الأنذال
البنت لامن خاب ظنه بهلها=من تنتخي به لأقبل الدمع همال
البنت أمانه حظ منهو حملها=ماهي بضاعه تشترونه با الأموال
إن ما قدرت تعزها في جهلها=ما إنته مدلعها ليا جابت إعيال
كان إنت دايم ما تثمن زعلها=عزالله إنك شخص ناقص ودجال
قبل تزوجها تموت إبغزلها=ولو ما عطوك إياه بين بك إهبال
المهرة اللي مابه أحدٍ وصلها=خذيتها حيله ولا زلت تحتال
مدحت نفسك صدقت من هبلها=وإنته رخمتٍ عقبوك ألف فنجال
رح دور أللي ترقص بكل ملهى=ماعمرها لبست فنيله وسروال
با العار والخيبه تحني قذلها=لا خلصت بين المداميغ تجتال
ما حصلت غير الرقص من فشلها=مثل الذبيحه بين شاري ودلال

[الريم]

بنـت لامــن خــاب ظـنـه بهلـهـا من تنتخي به لأقبل الدمـع همـال
البنـت أمانـه حـظ منـهـو حملـهـا ماهي بضاعه تشترونه با الأمـوال
إن مـا قـدرت تعزهـا فــي جهلـهـا ما إنتـه مدلعهـا ليـا جابـت إعيـال

صح الله لسانك
قصيده جزله من شاعر مبدع
لاهنت
احترامي وتقديري

[الريم]

صح السانك
قصيده جزله من شاعر مبدع
لاهنت
احترامي وتقديري

[منيع]

كل الروعه والابداع
تحياتي لكم

[عبدالعزيز البليهد]

الأخت امانه ويقولون العرب شعرت الوجه ومايمسه يمس اهلها وإن قدرها زوجها فهذا طيب منه وردا للمعروف

وتقديرا لأخوتها وان اهانها فهذه قلة شيمه من الزوج ،، ومعظم الرجال ينتخون بأخواتهم لرفعة قدرها بين القبائل

الشاعر مرآة المجتمع وشاعرنا العذب ابو فراس لمس هذا الجرح وشخص الحاله التي تمر بها كثير من اخواتنا المغلوب

على امرهن واللا تي رضين بالنصيب وتحملن اذا بعض الازواج من اجل الحفاظ على ابنائهن .

لله درك شاعرنا وصح لسانك ولاهنت

[عبدالرحمن بن زهير]

صح الله لسانك هذي قصيده كلاشنكوفيه بعيدة مدى الله يصلح احوال المسلمين وتحياتي لك على هذا النص الاكثر من رائع.

[ماجد الزيد]

البنت أمانه حـظ منهـو حملهـا

ماهي بضاعه تشترونه با الأموال

إن ما قدرت تعزها فـي جهلهـا

ما إنته مدلعها ليا جابـت إعيـال

كان إنت دايم مـا تثمـن زعلهـا

عزالله إنك شخص ناقص ودجـال

قبـل تزوجهـا تمـوت إبغزلهـا

ولو ما عطوك إياه بين بك إهبال

المهرة اللي مابه أحـدٍ وصلهـا

خذيتها حيلـه ولا زلـت تحتـال

صح الله لسانك ملايين عزالله انه قاف جزل وحكم ومليئ بنبل الاخلاق الأصيلة
احترامي يالقرم

[داعي الشوق]

أثابك الله يالشاعر الجريفاني

قصيدة جميلة و هادفه

ناقشت مشكلة يعاني منها الكثير

صح لسانك مدد

و لاهنت

شاعر كبير و تحمل رسالة جميلة

لك كل الشكر و التقدير

*********

[عيدالماجد]

صح لسانك وعلا شانك قصيده طيبه وجميله وذات هدف سامي صح لسانك وتقبل تحياتي

[مشعل السلمان]

الله الله عليك شاعرنا
نص اجتماعي جميل
مااجمل الشعر حينما
يكون بهذا الشكل
لله درك ولنا دررك
فائق الود والتقدير