لاتامن الوقت يقلب فيه اقرب قريب

[الطائر المهاجر]

لاتامن الوقت يقلب فيه اقرب قريب=ويصير ضدك لأنك ف الجهل ما تطيعه
يقول قالوا ويلعب فيه هرجٍ غريب= ويجيك هايج وينسى انك حماه وربيعه
من بعد ما كنت درعه انتبز كالحريب= ولو كان عاقل تفكّر بالمكر والخديعه
ثورٍ يغبر على قرنه بعال الخنيب = يحسبك ترتاع لامن هاج واقبل جميعه
للثور قفٍّ اذا من هاج برا الزريب = ما يرهب الرجل دامه ف الجبال الرفيعه
واللي يطاوع غشيمٍ يلحقه بالمعيب = في وقت جيلٍ تحزم بالردى والهزيعه
الكل همه بنفسه في مداه القريب = ولا له بغيره وحتى والده لو يبيعه
جيلٍ من "النت" يدرس كل امرٍ مريب = حتى تخرج واصبح بارعٍ باللكيعه
من طاوعه ما نجى ما بين نار ولهيب=يحسبه عاقل وهو من دهوره ف الوقيعه
عقلك ليا من عطيت الغير مالك نصيب= محدٍ يناظر لحالك لو تحسّ الوجيعه

[روح الشعر]

صح لسانك يابوعبدالله

ابدعت وانت من طبعك الابداع

ودي واحترامي

[حرف وشعر]

نص حكيم من شاعر حكيم لاحرمنا الله من ابداعك

تقبل الاحترام والتوقبر لشخصك الكريم

[الطامي]

الطائر
صح السانك ملايين
رائعة وهادفه × ابداع ودفن
لاهنت دكتور
وشكرالك

[عبدالله الدخيل]

الله الله يابو عبدالله

صح لسااااانك ملايين على هذه القذيفه المتورده

واقبل
ودي واحترامي

[الآكيد]

صح لسانك



جزله من شاعر عذب

[فارس القوافي]

مبببببببببببدع دائما

صح لسانك ولاهنت

وصلت وصلت

يعطيك العافية

دمت بخير

[كظيم]

الله الله الله

الطائر المهـاجر
صح لسانك وفكرك على هالباذخه المحكمـه
قصيده في قمة الروعـه
ابدعت فيها يالغـلا
لله درك
تقبلني وتقبل مروري المتواضع لاهنت
ودي وتقديري

[منيع]

اكثر من رائعة
ودي وتقديري

[عطر الياسمين]

قصيده راائعه

و قافيه جميله

ابدعت