لا من جفاك اللي تحبه..شيلة ع.العمار

[الطائر المهاجر]

بصوت عبدالعزيز العمار

لا من جفاك اللي تحبه وتغليه= حاول تفهّم ليش يجفى حبيبه
كانه لعوبٍ فالكذب ما يخليه= لو وقع عهودٍ بحبك مريبه
يدور على قلبٍ رهيفٍ يخاويه= ولا حصل المطلوب لحظه يسيبه
حتى ولو دمعك على الخد مرهيه= لا من لقى بك ضعف اكبر مصيبه
فاللي وطى قلبك فلاعاد ترجيه= ولا تطرد المقفي ولا تنتخي به
وكانه من اللي ياخذ بهرج يوحيه= من كل عاذل بين كذبٍ وغيبه
لو كنت رجالٍ ولا شي يدنيه= حر اصيلٍ ما به احدٍ يعيبه
تلقاه مثل الغصن ماشٍ يرسيه= ولا يدري العادي ولا من صحيبه
فحاول معه في كل نصحٍ وتوجيه= وبدد بإثباتك شكوكٍ تريبه
والبعض طيّب مايبين الخلل فيه= درعٍ حصينٍ لليالي العصيبه
لو هو تحمل يوم لا بد يأتيه= يجفاك غصب ولا يبيّن نحيبه
حاول تفهم ليش قلبك يجافيه= يمكن سبايبه انت وانت المصيبه

[حي الضمير]

ابدعت يادكتور وعوااايدك استاذي
ومدد بلا عدد صح لساااانك

[عبدالله مذكر العقيلي]

جزله من شاعر جزل

صح لسانك

وبيض الله وجهك

دمت متميز


تحياتي

[حلا نجد]

الطائر
صح لسانك مليون ولا يكفون
قصيده رائعه ولاهنت
ويعطيك العافيه

[زهرة اللوتس]

صح لسانك
جزلة وهادفة
لله درك ولافض فوك
تحية طيبة

[الطائر المهاجر]

شكرا حي الضمير
على كريم الحضور والتفاعل
لاهنت
تحياتي

[صعبة المنال]

صح لسانك
للذائقة عدنا

صعووووووووووب

[عبدالله مذكر العقيلي]

ابداع متجدد

صح لسانك

ولاهان مغليك


دمت بود

[الراقي]

نص اكثر من راائع

وحضور جميل يالشاعر

صح لسانك

كل الشكر لك

^^^^^^^^

[محمد العسكر]

والبعض طيّب مايبين الخلل فيه

درعٍ حصينٍ لليالـي العصيبـه

لو هو تحمل يوم لا بـد يأتيـه

يجفاك غصب ولا يبيّـن نحيبـه

حاول تفهم ليش قلبـك يجافيـه

يمكن سبايبه انت وانت المصيبه

الله الله

ابداعك يتجدد

مع كل نص

هكذا انت دائما

لا ترضى الا ان تدهشنا مع

كل نص