قصيدة للشاعر خالد سعود سحلي

[شادي الحربي]

الادمــي لاكف خيـــره وشـــره,,, لاتراقــبه مــن عــيــــن ديره بديـــره

لاصــد خــــله لـــوتبيله مبـــره,,, قله عســى بالامــر خيــــــر وخـــيره

ياراكب اللي مع نجوم المجـره ,,,بين الكواكب بالسمــــاء مسـتنــــيره

مجالهــا بالارض ميقـاع جـــــره,,, تقلع وتهــبط بالخــطوط الشــهيــــره

كبتـــن يحركهـــــا بروس الازره,,, صقـــار جواً عـــارفِ نفــــس طيـــــره

تشبة قطاميِاً بعيد مقـــــــــره ,,, علــى جبال افرســـت مافيه غيــــره

منه الجوارح لاحقتها مضــــره ,,, مثل القطا اللي بالمسارب فريــــــره

ماجت مكانِ هابط ِفي مجــره ,,, ولا اســـــتدارت بالبـــــحور الغزيــــره

مدفدفت متعطلة وســط حره,,, ملاحـــــها ماقــــام يطــــرد بعـــــيـــره

ماجــــت نفودِ كل نسناس ذره,,, فــوق الــهبوب العاتيـــــه و المثـــيره

مع المزون اللي يتباها بغــره,,, ودهم السحاب اللي كما الليل سيره

الليل كنه صبح في وجــه دره,,, و كنك تشوف الليل وقــــت الظهــيره

كن المدن في كبرهاحجم ذره,,,تصغر بشوف العين لو هــــي كبيـــره

تطيـــر مـــن جواً يمشيك حره,,,وتهبــط بثـلجِ فـي نحـــرهـــــا ذريـــره

لا تراقب اللي ماعطى الناس سره,,, من الجزيره ناصـــي لــــــه جزيره

[كظيم]

ياسلااام
صح لسـان الشاعر / خالد بن سعود
كلمـات في غاية الروعـه والابداع
لاهنت أخي شادي الحربي على هالنقل الجزل
ينطيك العافيـــه
كل ودي وتقديري

[شادي الحربي]

الروووعه في مروركم الجميل ووودي وتقديري

[الخنساء]

صح لسان الشاعر

ولاهنت لنقلك

دام حرفك

[داعي الشوق]

صح لسان الشاعر

ولاهنت اخي الحربي

[عطر الياسمين]

صح لسان الشاعر ونقل رائع الله يعطيك العافيه
احترامي

[الطامي]

شادي
صح السان الشاعر
ولاهان من نقل
شكرا لك

[عبدالعزيز العمار]

صح لسان الشاعر سعود

ولاهنت على النقل ياشادي

تحياتي لك

[نفحات حساسة]

يعطيك العافيه

وصح السان شاعرهاااا