عيون المها يانجد (هلالي ، بالصوت)

[الطائر المهاجر]

عيون المها يا نجد بالسحر صوّبن = غريبٍ بدرب الحب تاهن ركايبه
رمته الليالي في بحور من الهوى = ولا صار يدري مدّها من جذايبه
وموجٍ ورى موجٍ بها الموت والبلا= تحطّم حنايا القلب تشعل لهايبه
يدوّر بدربه من يشيله من العنا = ولا حدٍ عطاه البال حتى قرايبه
يقولون وش ودّاك يالطير للمها= مدامك رهيف القلب .. هذي تبايبه
الا يا سبب بلواي والحزن والشقا = علامك تركتِ الجرح والروح ذايبه
حلالٍ بشرعك طعنة الروح بالقنا = وحرامٍ على قلبي يعاتب حبايبه
حرامٍ عليك احرم وفي عطفك الدوا = نزيفي يتزايد كيف تاقف شخايبه
سقى الله زمانٍ راح بالسعد والهنا= فحلو الليالي ساقها مع هبايبه
ولا عاد باقي غير ما سبب العمى = عجاجٍ كتم نفسٍ شكت من مصايبه
إذا ضاق صدري ارفع الطرف للسما = ونادي الهٍ يدري الحال عايبه
اناجيه وادعي يفرح القلب بالمنى = ولو لحظةٍ بالعمر فالشمس غايبه
واذا ما تهيّا لي اوصيّك يالمها = تقولي يحطوا فوق قبري نصايبه
لعلك تذكريني اذا ذعذع الهوا = شمالي بنجدٍ والحيا في سحايبه
وزان الربيع وشفتي القبر بالضحى= فصلّي على من راح وانتي سبايبه

[هاجس نجد]

هذة قصيده رائعه من رائع يا دكتور ويسعدني ان اكون اول واحد يمر على هذه القصيده
النابعه من قلبك الطاهر
قصيده في قمة الجمال والروعه جزله بمعانيها وبمبدعها
وجزله بحسها الصادق
الى الامام ونحن ننتظر جديدك
وانا من اشد المتابعين لك

إحترامي وتقديري لك يا غالي


((((هــــــــاجـــــــــس H نـــــــــجـــــــــــــــــــ ـــــد))))

بصرااااااااااااااااااااااااحة
كلمة راااااائعة قليلة في حقها
صحة لسااااانك
وعلاشااااااانك

[الطائر المهاجر]

شكرا هاجس
على كريم المرور والتفاعل الطيب
تحياتي الطيبة

[الــذاهبه]

مشرفنا الكبير

نص متميز وراقي

دام لنا بوحك الرااااائع

صح لسانك وقلبك ولاهنت

ودمت بهذا الابداع

[نجم الإبداع]

الله الله

ياسلالالالالالالالالالالالالام

صح لسانك وقلبك يابو عبدالله

هذا القصيد والا بلالالالالاش

لاهنت


تحياتي وودي

الله الله

الطائر المهاجر

يعود بنا الى ايام التحليق معه هناك وهناك وهناك وهنااااااااا


يا دكتور

أسمح لي بأن اضع شريط فسفوري وردي اللون على يمين الشطر الاول وشريط فسفوري اخر
على يسار الشطر الثاني .......





واكتب
من هنا بوابة الاحتراف .....
حيث تنقل الشاعر الهاوي من ميدان الهواة الى ميادين المحترفين







دكتور تعلم أنني لا اقولها مجاملة لانك لست بحاجة الى مجاملتي..



تحية عطره ياغالي

[منيع]

نص راقي
شعر يحلق بك الى فطاحلة الشعر امثال الامير محمد الاحمد السديري
هكذا هم الشعراء الذين يملكون بيدهم ناصيه الشعر تاتي اليهم القوافي بكل اريج المعاني العذبه الناصعه
ابوعبدالله
لازال الشعر بخير بكم وباأمثالكم
تحياتي وتقديري

[سناعيس]

لعلك تذكريني اذا ذعـذع الهـوى 000 شمالي بنجدٍ والحيا فـي سحايبـه
وزان الربيع وشفتي القبر بالضحى 000فصلّي على من راح وانتي سبايبـه

لاأدري كيف خذلني النظر عن عدم معانقة هذه الشاهقه
قصيدة أكثر من رائعه وتحفها الجزاله من جمميع النواحي
تذكرني بأسلوب أبو زيد الهلالي
ولا أستطيع الا أن أقول سلم الله قلبك وصح لسانك
تحياتي

[الخنساء]

عيون المها يا نجد بالسحر صوّبن
غريبٍ بدرب الحب تاهـن ركايبـه
رمته الليالي في بحور من الهـوى
ولا صار يدري مدّها مـن جذايبـه
وموجٍ ورى موجٍ بها الموت والبلا
تحطّم حنايا القلب تشعـل لهايبـه
يدوّر بدربه من يشيله مـن العنـا
ولا حدٍ عطاه البال حتـى قرايبـه
يقولون وش ودّاك يالطيـر للمهـا
صح لسانك اخي الشاعر مشرفنا
قصيدة رااائعه تترجم جميل المعاني
لاهان راسك
سلمت وسلم شعرك
دمت بخير