|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
جيتكم بشكي وحــــالي فيه حـــــال = قصّـــتـي قِـــــصّه وطرفي ما يـبات
قبل مدّه رحت في سوق الشـــــمال = ودّي اشري لي شماغ ومرفــــــقات يوم جيت السوق شفت احلى غزال = واقفٍ بين الجـــموع الــــــــناطرات اشّر بـــطرفه وقال اقرب تــــــعال = قلت يالله طــــــالبٍ مـــنك الثــــبات لابـــسٍ برقع وبجــــفونه ظـــــلال = في عيـــــونه سحر وبرمشه ســـماة حاجبـــــــينه مثل تقويس الــــهلال = وجنــــــتينه حــــمر توهن يافـــعات ناظر بعـــينه يمـــــينٍ في شــــمال = قال هات الـــــرقم سرعه هات هات قلت هاك الرقم يا ســـــــيد الجمال = واحذر عــيونٍ تــناظر حاســـــــدات ثمّ قفى والنــــــظر يمـــــــــّه توال = واثق الخـــــطوه ومـشدود الــــــعباة احــــتريت ايّام ما جاني اتــــصال = طال صـبري والـهواجس حاضرات صرت احــسّب إحتــمال وإحتمال = ضـــاع منه الرقــــم والاّ الزين مات اتصل فيني عقــــــب شـــهرٍ وقال = انت خـــــالد قلت هاتي لي الصـفات قال شفتك قبل فتره في الشمــــــال = مير ظرفي ماسمحلي والحيــــــــــاة قلــــت حيّ الله حبّــــــــاس الدلال = ياهلا والفين مرحب ياغنــــــــــــات قلت شسمك يامذوّقنــــــــي الهوال = ردّ لي بضحكه وقال اسمي نجـــــاة قلت اشوفك؟ قال لا هــــــذا محال = خلّ عندك صبر وابشر بالعطـــــــاة قلت نصبر دام فالـصبر اعتــــدال = ودّي بشوفة عيـــــــــــونٍ ساحـرات واستمر الصبر لشهورٍ طـــــــوال = والوصوف الّي تجيــــــني مدهشات قال زيــــــــني ما تلاقي له مــثال = لو تلف الأرض ما مــثلي فتـــــــــاة زاد فينـي الشوق واكثرت السؤال = والنظر محـــــروم وش هذي السواة ثمّ جا الموعد عقب طول احتــمال = من ثلاث سنين واحلامـــــي شتــات يوم شفته صـابني مثل الهبـــــــال = لا خدود ولا جمال ولا شفــــــــــــاة انصدمت وقلت يالله فالــــــــحلال = قبل لا تغدي بنـــــــــــا الدنيا فــتات اثر هالبرقع عذابٍ يــــــــــارجال = زيّن الـــــــشينه وحنـــــــا في غــناة خلّوا المـــــــستور والّي في كمال = وبطلوا لبس البراقع يا بنــــــــــــات |
||
![]() |
![]() |
رقم المشاركة : 2 | ||
|
اثـر هالبرقـع عـذابٍ يارجـال=زيّن الشينـه وحنـا فـي غنـاة خلّوا المستور والّـي فـي كمـال=وبطلوا لبس البراقـع يـا بنـات الله الله يا اخ خالد.. عز الله انك جبتها بمركز الدائره.. صح السانك ولا هنت يا الغالي. آخر تعديل عبدالله الشويمان يوم 21-11-2006 في 02:35 PM.
|
||
![]() |
![]() |
رقم المشاركة : 3 | ||
|
صح لساااانك يالقرم |
||
![]() |
![]() |
رقم المشاركة : 4 | ||
|
هههههههههههههههههههههههههههههه هههههههههههه |
||
![]() |
![]() |
رقم المشاركة : 5 | ||
|
هنا جمال حرف |
||
![]() |
![]() |
رقم المشاركة : 6 | ||
|
يوم شفته صابنـي مثـل الهبـال |
||
![]() |
![]() |
رقم المشاركة : 7 | ||
|
صح لسانك ...... |
||
![]() |
![]() |
رقم المشاركة : 8 | ||
|
يوم شفته صابنـي مثـل الهبـال |
||
![]() |
![]() |
رقم المشاركة : 9 | ||
|
ناظر بعينـه يميـنٍ فـي شمـال |
||
![]() |
![]() |
رقم المشاركة : 10 | |||
|
اقتباس:
خالد بن منشار صحححححححححححح لساااااانك قصيده جزله والحقيقه اني حافظ بعض ابياتها قد قريتها بس مادري بالضبط وين رائعه رائعه لاهنت لاهنت تقديري واحترامي |
|||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|