فراشه

[شاكـر محمـد]

كذا...فراشه تحوم بغمرة اوهامي= قلبي عليها تميّل فكري الشارد
تلاعبه لعب .....وانا عنه متعامي=وهو معاها يؤلف قصة المارد
زاروا عجايب وفكوا لغز الاهرامي=وقاسوا الفرق بين الشمس وعطارد
وانا بليلي بعدني اليّن عظامي=ولاحسبنا *وش الصادر من الوارد
بنى لها بيت كنّه شفة انغامي=فراوله تندلق من غصنها الجارد
ما بين جوريتينن لونهن دامي=تباعدن يوم *هب الذعذع الصارد
ياصدر عنقا عناقه باللوع حامي= شابه لشيهان حوّل للهدد فارد
خذته جوله من الصمّان للشامي= عدوا المرابع وذاقوا فتة الثارد
وساقوا البارحة من حمر وجهامي=على عجل بين ذا هارب وذا طارد
وروحوا *يوم أنا قرّبت مرسامي= ابكتب أبيات جاني وحيها سارد
*يقلي الفكر بكره وعد الاحلامي =باروح مع *هالفراشه اجيبها و ارد
قلت انتظركم وما دمت انت قدامي =تكفى اسقني من حليب البكره البارد

[داعي الشوق]

جزل يا بو محمد و مبدع

صح لساانك و طاب حالك و فالك

فراشه و شيهانه و عنقا و بكره

ما خليت من الوصف شي ،،

ما فيك حيله

ولاهنت

[الراقي]

صح لساانك و قلبك

جمـآل أحرفك تجبرنـآ ع آلتصفيق لك وبحـرآره ,

متعه وحضورا دائم ان شاء الله وصح السانك

[عبدالله راشد الثويني]

صح لسانك يابعدي ولا هنت

رغم صعوبه القافيه إلا ان شاعر متمكن مثلك لا يصعب عليه شي

قمّه العذوبه والجمال

كل الشكر وتقبل تحيتي

[الـزلـزال]

شاكر محمد

نص مميز ورائع
من شاعر متميز ورائع في كل حروفه
أبدعت وأمتعت شاعرنا
دمت بخير ودام لنا حرفك
صح لسانك ملايين ملايين
ولك فائق تحياتي وتقديري

[عبدالإله]

صح فكرك

صح بيانك

جزل يا شاعرها

و صح لسانك مداد

[شاكـر محمـد]

لكل من شارك او قرأ
شكرًا على جميل الحضور وروعة التعليق
يسلموااااا

[الطيف المسافر]

نص مميز وصور شعريه رائعه
صح لسانك مدد

[الطائر المهاجر]

امتعتنا بهذه الرائعه
صح لسانك
ولاهنت
تحية وتقدير

[الغافل]

جزل ومبدع
صح لسانك
ولاهان راسك
تحيتي واحترامي