في هالزمن ياكثر الاصحاب

[الطامي]

ياقلب ليتك تعوِد شاب = وليت الزمن نوه بنوِك
ماكان في هالزمان اغرَاب = ولاشفت محزون ومشوِك
دربك دروب مفتل اشناب = والدرب متعولم مكوِك
لوتكوي الحيد بالمشهاب = ماجاك طايع على لوِك
في هالزمن ياكثر الاصحاب = لاكن جوهم ماهو جوِك
البعض وده تجيك حراب = والبعض يمدحك محلوِك
والبعض ينعق نعيق غراب = يدعي المطافي على ضوِك
كنه بحلالك طليب رقاب = حمّاه في عينه غنوِك
تصير في ذا الزمن مرتاب = اعمى ومضروب بعصوِك
وتشك في اقرب الأقراب = خلفك حواليك من توك
قال المثل والمثل قد صاب = لاتبوق وتامن اعدوِك
تبغي الفرج لازم المحراب = اضبط صلاتك مع وضوِك
ولخالقك تجعل الاسباب = وترفع يدينك مع حنوِك
يجي الفرج من رب الارباب = ويغفر ذنوبك مع سوِك
ويفتح لك مغلّق الابواب = ومن كل خيرات وشهوِك

[عبدالعزيز العمار]

صح لسانك يالطامي

جزل ومبدع كالعاده

لاهنت ولاهان فكرك

تحياتي لك

[حوريه]

أبدعت يا الطامي وامتعت
صح لسانك واحساسك
دام نبضك وحرفك
تقديري

[داعي الشوق]

صح لسانك يا بو محمد

و اعتلا شانك

ولاهنت

[الطائر المهاجر]

يارجال لاتزال شاب
الشيب شيب القلب ماهوب الراس= كم من شبابٍ شاب من قبل حله
اعقلها وتوكل كمل النصاب
لاهنت
تحياتي

[منيع]

مبدع وجزل
تسلم ياالطامي
تحياتي لكم

[الطامي]

ع العمار
صح بدنك
وشكرا لمرورك
لاهنت

[الطامي]

حوريه
صح بدنك
وشكرا لمرورك
لاهنتي

[الطامي]

داعي
صح بدنك
وشكرا لمرورك
لاهنت

[الطامي]

الطائر
صح بدنك
وشكرا لمرورك
والله المستعان الشيب شيب القلب وانا قلبي شباب ولله الحمد
لاهنت