فتل ووووووووووو نقض

[نجم الإبداع]

حاولت انام وماتهيا لي النوم=مادري علامه حارب النوم عيني
اشوف مضنوني جفاواسهج اليوم=طيفه يزور وهو نوى مايجيني
محروم قلبي من لقى الخل محروم=طال الغياب وطاولتني سنيني
ياهل الهوى لن كان به طب مصروم=يشفي جروح الروح والخافقيني
تكفون جيبوها ولا تكثرو السوم = من قبل يقتلني لخلي حنيني
ياهل الهوى ماللجفاءسر معلوم =الا ان من خذ قلبي ابقى انيني
كني كما قيس وكثيّر على الدوم=عيني تناظر والحشى به كنيني
وين الطبيب الي له القول ملزوم=يعطيني الوصفه ووصفة اميني

[شجون القصيد]

صح لسااانك نجم الابداااع رااائعه

بس ممكن يقدم الوصفه احد ماعنده سالفه

ههههههههههههههه

تحياااتي

[شجون القصيد]

من صد عنك لا تقرب له الحوم = خله يولي واعسى الله يعيني
ومن يطرد المقفين يتحمل اللوم = لاتطرد المقفي ولو كان زيني
من لايعدك تاج راسه مع القوم = احذر توجّه له ولو هو فطيني
واللي شرا بالدر دايم لك يروم = تغليه لو جرحه بقلبك دفيني
الفرق واضح بين مبني ومهدوم = ومثلك يفرّق بين غث وسميني
خله يولي دام تجري به حلوم = وتلقى العوض في صاحبٍ لك رزيني
ان غبت عنه يشكي الوجد مغموم = وان جيت يمه قال لك ياضنيني
هذي هي الوصفه من يدين خانوم = تعطيك علمٍ ماوصله الخميني

[نجم الإبداع]

الله الله

صح لسانك ياشجون

وصفه وافيه من شاعره متمكنه

لاهنتي شاعرتنا

لاهنتي

[ترانيم المطر]

الله الله

إبداع ×إبداع

صوت وصدى رائعيين

دمت ودام إبداعكم

ودمتم بود

[زهرة اللوتس]

صحت السنتكم
مبدعين
تحياتي

[داعي الشوق]

رائع جدا

صح لسانك يا نجم الابداع

وصح لسانك يا شجوون

أبدعتوا

،،،،،،،،،

[الطامي]

فلاح × شجون
صح السانتكم جميع
فتل ونقض رائيعين
لاهنتو

[نجم الإبداع]

ليت الهوى بالكيف واقول مقسوم=وابيع واشري به بحاضر وديني
لكن ذاك احساس بالقلب مختوم=بالشمع الاحمر حول حبل الوتيني
وصفتْك للي عاش بالفُرْس والروم=اما العرب فالعشق فيهم مكيني
انتي وصفتي وصفتك كنها لوم = ماتنفع الصب العليل الحزيني
حاولت نسيانه ولي قلب مكلوم=تنقض جروحه كل هبة تجيني
اخفي هواه بداخل الروح واشوم=واحس طيفه دايما يعتريني
حبه سكني ملتبسني وموسوم =وامواج بحره فوقها تحتويني
والمشكله قلبه من الحب مصدوم=لاهو رحم قلبه ولا حس فيني

[عبدالله مذكر العقيلي]

صحت السنتكم

والله لايهينكم