تغيرتي مع الأيام(بالصوت)

[الطائر المهاجر]

تغيرتي مع الأيام وصرتي ضمن عدواني= اواجه مين والاّ مين/ هموم الوقت وإلا انتي
كفاني من الزمن ظلمه/ كفاني منك ماجاني = تحطّم كل شي فيني/ ولا تدرين/ لاهنتي
اطالع صورتي مدري/ اهي لي/ او لاحد ثاني= نحيل العود مجروح الفؤاد وفيه اثخنتي
وهم والاّ حقيقه تبعدي وابقى على احزاني= ولا غيرك سكن قلبي ومن نبضه تمكّنتي
تعاهدنا فكيف العهد تلاشى كن ما كاني= ونا باقي عليه اطرد سرابك وين ما كنتي
حرام اللي يصير ولا دريتي ويش اضناني= حرام إنك حرمتيني ولا لبعض العهد صنتي
تنامي ما تحسين السهر والسهد باوجاني = افكر وش حصل حتى بتعذيبي تفننتي
تركتيني مع النسيان اعاني مر حرماني= وسليتي ما كأنك عن يقين الحب آمنتي
انا ماعاد فيني حيل تهاوت كل اركاني = احاول انتهض مقدر مدامك بعد ما اذنتي
تعالي نفهم اللي صار ونعرف منهو الجاني = تلاقي قلبي المتهم بريٍ ولا تفطنتي
تعالي وامسحي جرحه بنبضة قلبك الحاني= تعود له الحياة ويبتسم حظه الى لنتي
عتب يوقظ حروف الصمت من اعماق وجداني= تكسّر في جدار الصدّ والإنقاذ منك انتي

[الأموره]

الله يالمهاجر ،،

قصيده روعه ،،

صح لسانك و علا شانك ،،

الف شكر لك ،،

دمت برعاية الخالق ،،

ملاحظه :

انا ماعاد فيني حيـل تهـاوت كـل اركانـي >> سرقته نك نيم بعد اذنك يعني ،،

[الطائر المهاجر]

مشكورة اختي الفاضلة
على كريم الحضور والتفاعل الجميل
انا مدري وش النك ، لكن سوي اللي تشوفين
تحياتي الطيبة

[الأموره]

هذا مثل المعرف ينحط في الماسنجر ،،

و عادي يكون طويل اشعار او حكم ،،

[النهر الخالد]

كفاني من الزمن ظلمه/ كفاني منـك ماجانـي
تحطّم كل شي فينـي/ ولا تدريـن/ لاهنتـي
اطالع صورتي مدري/ اهي لي/ او لاحد ثاني
نحيل العود مجروح الفـؤاد وفيـه اثخنتـي
وهم والاّ حقيقه تبعدي وابقى علـى احزانـي
ولا غيرك سكن قلبي ومـن نبضـه تمكّنتـي
تعاهدنا فكيف العهد تلاشـى كـن مـا كانـي
ونا باقي عليه اطرد سرابك وين مـا كنتـي


صح لساانك مليااار الطائر المهاجر

رائع في جملة المعنى من شفاياك واحساسك العذب

سجل اعجابي الشديد وتقبل تحياتي لشخصك الكريم

[عبدالعزيز العقيدي]

دكتور
صح السانك
تعاهدنا فكيف العهد تلاشـى كـن مـا كانـي
ونا باقي عليه اطرد سرابك وين مـا كنتـي
حرام اللي يصير ولا دريتي ويـش اضنانـي
حرام إنك حرمتيني ولا لبعض العهد صنتـي
تنامي ما تحسين السهر والسهـد باوجانـي
افكـر وش حصـل حتـى بتعذيبـي تفننتـي
تركتيني مع النسيان اعانـي مـر حرمانـي
وسليتي ما كأنك عن يقيـن الحـب آمنتـي

دائما حضورك بروعة ابداعك
تحياتي لك

[بارقةأمل]

عتب يوقظ حروف الصمت من اعماق وجداني
تكسّر في جدار الصدّ والإنقـاذ منـك انتـي

ياسلام عليك يا أبو عبد الله
صح لسانك
هطول رائع وحساس
دام نبض حرفك ونزف قلمك
وبوحك الراقي

[ماجد المهدي]

عتب يوقظ حروف الصمت من اعماق وجداني
تكسّر في جدار الصدّ والإنقـاذ منـك انتـي

ابو عبدالله

صح لسانك وكلك يا القرم

قصيدة ما يختلف فيها اثنان والابداع هو وسامك



تغيرتي مع الأيام وصرتـي ضمـن عدوانـي
اواجه مين والاّ مين/ هموم الوقت وإلا انتـي

يا الطائر ما تشوف ان الواو في (وصرتي ) زائده عن التفعيله مفاعيلن وانه لو حذفناها لا يختلف المعنى والبيت يصبح سلس

تحياتي القلبيه

ماجد المهدي

[ابومياس]

كفاني من الزمن ظلمه/ كفاني منك ماجانـي
00000000تحطّم كل شي فينـي/ ولا تدريـن/ لاهنتـي

كبير يابو عبدالله

قمة الهرم تعتليها

صح لسانك ودام بوحك

دمت بخير وعافية

صح لسانك مبدع دائما الطائرر المهاجررر بالتوفيق