محاورة جماعية من الشات الصوتي

[الطائر المهاجر]

تمت المحاورة بين الساعة الواحده وحتى الثانيه من صباح 4 رمضان

[الطائر] =
من يبي يلعب ترى الملعب ينادي=من يسل السيف في قافٍ يراه
[محمد البدراني] =
مرحبا والشعر هو شربي وزادي = ومن تحداني يبا ينزح وراه
[الطائر] =
ماتخلي عنك فخرك والعنادي= تحسبنك شاعرٍ شعره شراه
[محمد البدراني] =
والله اني بينكم مثل المهادي = صابراً والصبر حالي كم بررررراه
[الطائر]=
انت دلالٍ بسوق التمر حادي= عارفينه لو يغطي ما وراه
[ابومياس] =
والله اني بينكم ماضن غادي=مثل واحد مونسٍِ حصل دواه
[الطائر] =
تونس اللي تونسه وقت القعادي= اكشف المستور ندري وش خفاه
[محمد البدراني]=
حسب طبعك شفتنا هذا وكادي = والمحرج لو يحرج من بغاه
[الطائر] =
تمرك المسروق باير في البرادي= انتظر للصيف ياصل من نواه
[محمد البدراني]=
مير ياطير الندم وقت الهدادي = من يهدك مفلس واللي قناه
[ابومياس] =
وانت يالاقشر على القاله تنادي=مثل واحد شري ٍينقل عصاه
[الطائر] =
لو تحرج ما تحرج بالجرادي= فاشل بيعك ولاني من هواه
[الطائر] =
كاني اقشر فانت في دربي احادي= شوف خوي لك يساعد في عماه
[محمد البدراني] =
مير كب الشعر ياراع الدوادي = قبل لاواديك انا يم الصفاه
[الطائر]=
الصفاه اللي بخبرك صار نادي= شف حلول لمشلك قبل المساه
[الطائر] =
لا اجتمع اثنين لو هم لي اعادي= انتفض كالذيب يبحث عن غداه
[محمد البدراني] =
ارجم الشيطان باكبار الهوادي = واقهرك بالبسمله واللي وارجي دواه
[الطائر]=
قاشط ومقشوط في درب الغوادي= لاانتهض طير مهاجر من غفاه
[محمد البدراني] =
عودنا ياربعنا ماهو بعادي = عود جن ومفلسن من هو شراه
[ابومياس] =
راح عمرك وانتظر وقت الحصادي=هاتوا المخلب نبي نقطع بلاه
[الطائر] =
وين ابو مياس ما يدري الزنادي= يوم جاك الرمي تهرب في الفلاه
[الطائر] =
مخلبك عندي مثل لحس الزبادي= وفرستي لك طير ما يبغى الحداه
[محمد البدراني] =
في قديم ايامنا وايضا الجدادي =ياهل المعروف من يشبه سواه
[الطائر] =
ما اهاب ولو تماسكتو الايادي= سيفي البتار يقطع من عصاه
[ابومياس] =
خل عنك البربسه يابو عبادي=وانت عود ما احترى حتى عشاه
[محمد البدراني] =
سيفك اللي قلت مصدي وانت صادي= ماعلينا منك ياراع الرهاه
محمد البدراني] =
سيفك اللي قلت مصدي وانت صادي= ماعلينا منك ياراع الرهاه
[الطائر]=
العشاء لحمك وشحمك يالقرادي= ما ابيه ولا ابي قرب يباه
[الطائر]=
سيفي اللي لاضرب فيه السنادي= خاسر من ينطحه يبتر قفاه
[عبدالعزيز بن عمار]=
الله يعين اللي عليكم يعادي = ضيع الدرب وصوابه مالقاه
[محمد البدراني]=
انصحو هالعود لايطول التمادي = ثم ننتف ريشه اللي في قفاه
[الطائر] =
كان خاويت المهاجر بالحيادي= مرحبا بك ياصديقي في لقاه
[الطائر] =
ماخبرت ان الحبارى في السوادي= تنتف الشيهان ياغادي جداه
[محمد البدراني]=
انصحوا هالعود لايطول التمادي= يارجال العرف قبل انتف جناه
[ابومياس] =
صاح صياح الضحى وجاك المنادي=بمخلبي اقطع جناح ٍ لك تراه
[الطائر] =
كان تبغى النصح رايي بالسدادي= اترك الميدان منته من فداه
[الطائر] =
مخلبك من غصن رطب في سمادي= لاتحاول فانت عندي كالحداه
[محمد البدراني]=
العن الشيطان ياراع المبادي= العنه والا ترى بالعن ثووووواه
[الطائر]=
كيف تلعن من ترافق كالجوادي= خلني اقضي عليكم لا علاه
[عبدالعزيز بن عمار]=
يالمخاوي خاويت الليث المعادي = مثلكم يامسندي غاية مناه
[محمد البدراني]=
لك مثل ماله من قيود وصفادي =صفدت مثلك شيطان الغواه
[الطائر] =
البس اللامه وقرب لاتهادي= واضرب القيطون واللي هو معاه
[بن منشااااااار]=
يابعيرن بيننا ذا الليل عادي = ودي اكتفه ماودي سواه
[الطائر] =
وانت شيطانك فلا صفد بوادي= كيف ما صفدك يا تابع غواه
[ابومياس] =
طير ٍ منتف يفكر بالهدادي=وين ريش وانتف باخرسماه
[الطائر] =
ماهو اللي مثل من يضيع بالسهادي= عينه اللي ما تبي نومٍ لفاه
[ابومياس] =
طير ٍ منتف واحذر لاتصادي=وين ريشك انتف باخر سماه
[محمد البدراني]=
وانت ياراع البعير اليوم غادي = منقطع منجوم مانته في حماه
[بن منشااااااار] =
القوافي نزلوها بالمزادي = ناظر البراني الي فك فاه
[محمد البدراني]=
القوافي لبسوها بالحدادي = دام ابن منشار جانا في غثاه
[بن منشااااااار] =
لو تجي ياصاحبي نحسبك غادي = جيم الماطور ياراعي السلاه
ابومياس] =
راكب الحاشي ترى جيت بجوادي= ابتعد عن درب ماتاصل مداه
[محمد البدراني]=
انت لامن جيت جابك للنفادي = حظك المقرود صلك في رشاه
[بن منشااااااار] =
لاتحسبني معك بحبيل نادي = بالحديد اضرب وصليت الصلاه
[عبدالعزيز بن عمار] =
ابشر يالطير المهاجر يالمنادي = بس الكثره للشجاعه محتواه
[الطائر] =
راكب الجحاشي ترى درب البوادي= ما يبي الغربان او بعض البزاه
[محمد البدراني]=
ول يالمنشار نششار البرادي = من برادت نشرك المنشور تاه
[بن منشااااااار] =
شوفو البدراني الليله يجادي = والله اني لاكتفه واعرف دواه
[محمد البدراني]=
ان كتفت اخوك نلبسك السوادي= ياوسيع العرف عقلك وش دهاه
[محمد البدراني] =
ليه اشوفك صرت ترعى بالعرادي = يالبعير الهرش في يدينك حفاه
[الطائر] =
شايف المنشار ينشر بازديادي= لين ما هشم عظامك كالأداه
[الطائر] =
تظهر انك صامدٍ بين العبادي= وانت في داخلك تصرخ آه آه
[محمد البدراني]=
ياخو فلحا يافلاح امحق هجادي= من هجدت الله يعينه في بلاه
[ابومياس]=
شفت انا المنتوف في وسط البلادي =خايف ومتلحف ٍ تحت العباه
[الطائر] =
يافلاح ارفق بلا زود القدادي= صاحبك منشور قبلك من غباه
[ابومياس] =
والبعير اللي فزع من غير زادي=ياجماعه خبروني وش بلاه
[الطائر] =
شوفتك للذيب يالحصني وبادي= خلتك تنحاش ما تدري السواه
[محمد البدراني]=
انت ياطوير الفلا مافيك بادي = بادين للعين للو زاد بثغاه
[الطائر] =
شغلتي انتف من الثور القرادي=واضرب المقرود مع قرد يباه
[بن منشااااااار] =
قرب البدراني الي به عرادي= باضربه مثل المصاري في قفاه
[محمد البدراني] =
من نتف ريشك عسا عمره يزادي =مقدين بك ياشبيهن للسحاه
[محمد البدراني] =
افلح افلح يافلاح ولاتفادي = في عميرك كان تبغى للنجاه
[ابومياس]=
الطوير منتف ٍ والجو هادي= والبعير بنجزره قبل الصلاه
[الطائر] =
قاطع ذيلك بكفخه ما توادي= لين ماضيعت دربٍ للغزاه
[بن منشااااااار]=
انقلب شد العرب وش له تفادي= مامعك غير المصايح والغواه
الطائر] =
من نظر ذيل انقطع يحسبه عادي= من عرف لك قال هذا وش دهاه
[محمد البدراني]=
العرب لو شدو بظهرك توادي = مانت هادي لين نربطك بحصاه
[بن منشااااااار] =
الرصاص الي معك جاه النفادي= يابعيرن بيننا نسمع رغاه
[محمد البدراني]=
طيرنا حرن وظربه بالثنادي = يدمي المخلاب ويحصل عشاه
[ابومياس]=
البعير اللي على ضهره شدادي=ماقدر ينهض بحمله من رداه
[بن منشااااااار]=
مرسدس توه حمي ياجيب صادي= البراري والمدن ملت صداه
[الطائر] =
قول حق جا من اللي يعادي= يعترف باني نتفته عن هواه
[الطائر]=
البعير اللي ذكرته بالمدادي= شايل حمله وياطى في العداه
[محمد البدراني] =
واحدن منا غدا موتر ومادي = ضيع الدربه وضيع في خطاه
[بن منشااااااار] =
لاتحاول تستفز اهل الزنادي= من يعادينا تمرغ في عناه
[الطائر] =
ذاك ابن منشار لاحق عهد عادي=من بقاياهم وظهره قد حناه
[ابومياس]=
انت عصفور ٍ يدور له برادي=نازل في طلحة ٍ وسط الفلاه
[الطائر] =
مثل ابو مياس مايل بالوتادي= يعدله طير يعرفه ما غباه
[محمد البدراني]=
انت خالص مستفز ولاتحادي = يافلاح وطبعك بكل الحياه
[الطائر] =
دوك ابو مياس لابس بالقلادي= وين من يسحبه لقدور الطهاه
[الطائر]=
لحمته ما تنضهم مثل القدادي= بس انكل فيه ما ارحم جداه
[محمد البدراني] =
شمخت طالت وكل القاف ااادي = وقافنا الاخر رسى من فوق واه

[حوريه]

الطائر المهاجر


ابوميااااس


البدراااني

بيض الله وجيهكم,,,,محاوره في منتهى الروعة


أبدااااااااع ..... وأمتاااااااع


دمتم بخير

[محمد عبدالله البدراني]

العزيز الغالي الطائر المهاجر سلمه الله



تسلم تسلم يابو عبدالله

لاعدمناك وبيض الله وجهك


تحياتي

[داعي الشوق]

يا سلام عليكم ،،

إبداع و إمتاع الى النخاع ،،

صح لسانك يالطائر

صح لسانك يالبدراني ، صح لسانك يا فلاح ، صح لسانك يا بو مياس ،

وما فيكم حيله ،،،

[الطامي]

ابدعتو ياعمالقة المحاوره الصوتيه الشاتية الرمضانيه
لاهنتو جميعا وشكرا لكم
(( انتو بالليل وانا ازهلو المنتدى بالنهار الى الساعه 2 بعد الظهر وبكذا نتصالح ))
هههههههههههههههههههههههههههه

[ابومياس]

شكرا ابو عبدالله على هذا الجهد


وصح بدنك حورية وصح بدنك المري


دمتم بخير

[راجي الحاج]

الطائر المهاجر

ابو مياس

محمد البدراني

فلاح بن منشار

عبد العزيز العمار

صح السنتكم جميعا

أستمتعنا معكم في سهرة الشات الصوتي الشعريه

وهذه المحاورة الرائعه

جميعكم جهابذه ما شاء الله عليكم

[نجم الإبداع]

صحت السنتكم جميعا ياشعار

ولولا انني معكم لقلت انها اروع محاوره للفطاحله

لاهنت يابو عبدالله على نقلها

وشكرا لكل من مر وسيمر من هنا


وكل عام وانتم بخير

لاعدمناكم

[حي الضمير]

الله يبيض وجيهكم بالفعل عمالقه مافيه الا ضرب مدافع

قسم بالله استمتعت بقرائتها
لاهنتوا يالنشاما

[اللويحق]

كتبت فاجزلت
جزيت خيراً
تحياتي