قالت من انت؟

[الطائر المهاجر]

قالت من انت؟ وقلت ياليتي ادري = ولو كان لي اسم وهويه وعنوان
كلش تعلمته أبي فهم عصري = لكن زود العلم يرجع بنقصان
بوقت تغيّر زاد همي وقهري = ما يعتبرني غير من جملة الضان
والمشكل إنّي فاهم الوضع بدري = ويا ليتني كالبعض اصقه وعميان
وقت يبي ممسوخ من كل فكري= اصم وأبكم واغلب الوقت خدران
له اسم والمظهر يغرك وتحري= تظنّه انسانٍ ولا هوب بإنسان
بضاعته بشتٍ وكشخه ونظري= وعنده بيانٍ بالمهمين بالشان
ومعها نفاق وكذب في كل مكري= ولو كان اسمه دون غيّره بإعلان
تلقاه في الطابور والصبح بدري= يبي يسلّم في خشوعٍ وخذلان
يخدع ولي الشان يحسبه ظفري= شكله مناسب ما درى الفكر تعبان
وفجأة يصدّر به قرار وجهري= بثوبٍ طويل ساترٍ قصر كرعان
ويبدا الحصيني ينتفخ كل شهري =يرجع لعاداته على مر الازمان
سرق الأرانب بالجهر او بستري= ومن سمع حكيه قال مليان إيمان
يلقى الحصانه دام هالطبع يسري =على الذي مثله ولا قيل غلطان
يقرّب ضفاع بين بوم وخكري = واللي أصيل ينذفه قلع ودران
هذا هو الحاصل بوقتي ويسري =اللي بليا عقل لاشك ربحان
ونقول وش فينا ندحدر لحدري= ونكذب على انفسنا بزورٍ وبهتان
هذا السبب لا قلت ياناس مدري= الرابح اللي ما افتهم ويش ما كان

[الطائر المهاجر]

تنقل لهمس القوافي

[منيع]

اجدت واصبت يادكتور
شكرا لك
تحياتي

[داعي الشوق]

الله الله صح لساااك

ابداعك لاحدود له

ولاهنت

[الطامي]

صح السانك دكتور
ابداع متجدد
لاهنت