( سم الذي خلف...المحاجي تفافيق )

[ثواب زيدالحارثي]

قصيده ورساله شعريه لسيدي خادم الحرمين الشريفين الملك \ عبدالله بن عبدالعزيز حفظه الله ورعاه.

يسعدني أن اصافح بها منتديات الفطاحله التي يشرفني التواصل معها وارجو ان تشفع لنا بعد طول غيبه ...والقصيده نشرت يوم الاثنين

الموافق21 \ 5 \1429بجريدة الرياض..وللأطلاع عليها على الرابط التالي \





----------------------------------------------------

	اليا نوا لي والي العرش توفيق = بابن من الرحمن شفت انفجاجه. اللي خلق كل الملا دون تفريق = ويلقى التقي عند الحساب انبهاجه. قالو شدايد...قلت من دونها طويق = عبدالله الكايد...ذراه وسياجه. أنت المليك اللي ملكت المخاليق = فايض وفاكم والعدل من نتاجه. في نظرتك حكمة زعامه وتدقيق = بعد المدا فيها صواب انتهاجه. نظرة تأني... في مداها التوافيق = ولا هنت ياعدلن رفضت ازدواجه. فضايل الرحمن في ذاتك اتليق = الحق طبعك... والتصنع سماجه. شمس الوفا منكم شعاع ومشاريق = تغنيك عن ليلن شعاعه سراجه. والكايدات المبهمات المغاليق = اللي بها العارف يزيد انزعاجه. تمسي مماليكن... وتصبح معاتيق = وردت قراح الما ... وعافت هماجه. يغسل عناها وابلن نوه امويق = تسمع وحيف السيل.. قبل اندراجه. هذاك ابومتعب زبون المطاليق = طب الجريح اللي تعذر علاجه. سم الذي خلف المحاجي تفافيق = قومن تبي تنزع عن الراس تاجه. وانت الملك عز الخوي ساعة الضيق = ولايرسم اوسوم الجفا في حجاجه. ترجح موازينك على الصدق....تصديق = والصادق اليا جاك عندك خراجه. القلب من دونه ضلوع ومعاليق = والنور ما غط السحاب انبلاجه. وانا بعد طوقني الحمل تطويق = منصاي من يصمل نهار المواجه. أمظلل المشراف....راس الشواهيق = أتعب محيطه من مشابه وداجه. امشرع ابواب الحظوظ المواثيق = ومن شاف عبدالله يشوف انفراجه ----------------------------------------------- شعر \ ثواب بن زيد بن نجا الحارثي

[النهر الخالد]

الاخ الشاعر القدير

ثواب بن زيد الحارثي

بيض الله وجهك وصح لسانك مدد مدد بلا عدد

يسعدني ان اكون اول المتصفحين لهذا الصرح الشامخ

وتستاهل الخير من وين ما وجهت وجهك يا زيد

وخادم البيتين الملك عبدالله بن عبدالعزيز ال سعود

يستاهل الطيب والمدح بمشاعره الجياشه اتجاه شعبه واتجاه وطنه

الله يحفظ المملكه واهلها من كل شر

ويجعل الخير في كل واحدٍ منهم




تقبل تحياتي وتقديري لك

[الطامي]

ثواب ابن نجا
صح السانك واعتلا شانك
نظم فحل من فحل
قصيدة من كريم لمستحقها
ويستاهل ملك الأنسانيه
لاهنت وشكرا لك

[ابراهيم عبدالحميد]

أهلا بك و مرحبا/ ثواب زيدالحارثي

خادم الحرمين الملك عبدالله بن عبدالعزيز له فى قلوبنا حباً كبيراً
و تقديرا عظيماً و إجلالاً لشخصه الكريم العظيم و نرجوا من الله
سبحانه و تعالى أن ينعم عليه بالصحه و العافيه و أن يحفظه و يرعاه لكم و لنا ووطنه الحبيب
و حفظ الله المملكه واهلها بالعزة و الخير

[الطائر المهاجر]

صح لسانك واعتلى شأنك ياثواب
جزلة من راس جزل
ارجو مراعاة تعليمات النشر في الفطاحلة
والتي تمنع من وضع عناوين او روابط مواقع اخرى
او ايميل الشاعر في توقيعه او على صورته
وقد تم ازالة المخالفة
تحياتي

[حي الضمير]

الشاعر المبدع ثواب صح لسانك
قصيده جزله وابدعت بارك الله فيك

[صوت الإحساس]

حياك الله



وصح صح صح لسانك


وبيض الله وجهك


حضور موفق


لك الود والتقدير

الشاعرثواب بن زيد الحارثي

وفاء وشموخ يعتلي صهوة البوح عبر هذا المتصفح

من الرائع ان يكون لرموز الوطن حيز من رسالة كل

شاعر أدبيه- لتجسيد روح الانتماء للوطن ورموزه

صح لسانك يالحارثي-

[علي محمد العتيبي]

وانـا بعـد طوقنـي الحمـل تطويـق
منصاي من يصمـل نهـار المواجـه.
أمظلل المشـراف....راس الشواهيـق
أتعب محيطـه مـن مشابـه وداجـه.
امشـرع ابـواب الحظـوظ المواثيـق
ومن شاف عبدالله يشـوف انفراجـه.


ثواب بن زيد بن نجا الحارثي
ياهلا بك والله
وحياك الله بين اخوانك وربعك

وصح لسانك مليوون على هالقصيده الطيبه
والابيات الرائعه


اعجابي واحترامي

[الخنساء]

صح لسانك اخي الشاعر ثواب
لاهان را سك قصيدة رائعه
سلمت وسلم شعرك
دمت بخير