اول لغز في حياتي

[سعود النداح]

سلام مربع للجدعان

شخباركم؟ طيبين؟

اول مره في حياتي اكتب قصيده لغز بشوف انا خطير فالالغاز والا لا

يا جماعه جيت فازع بذكر اللي قض نومـي=شخصاٌ اصغير في حجمه يلتهم مـا يشتهيـه
ما ترك يابس ولا اخضر شغلته يا ناس يومي=لامشى في درب غيره ضيع اجره هالسفيـه
ظالم لغيره وعادل لا بغـى درب السلومـي=لـو بقيسـه بالانامـل مـا تعـدا قايسـيـه
يقرضك من دون وجهه المهم يقرض لهومي=اخطر امن اللي صهدهم صاحب القرنين؟(ايه)

يالله يا حبايبي ابي اشوف الذكي منكم


سلاااااااااااااااااااااااااااا اااااااااااااااااااا ام

[سناعيس]

أحاسيسي
هذا لغز شاعر مبدع وجزل
هذا وهو أول مره .. أجل مع الخبره راح تكون متخصص بالألغاز الشعريه إن شاءالله
عموما أنا عندي محاوله ولو أن حلوله ربما تكون كثيره ولكن أتوقع ( المقص ) رمعة طيبه
شكرا لك

تحياتي

[شموخ سدير]

انا اتوقع



لحد يضحك طيب





اتوقع الباعوضه ( الناموسه )

[الطائر المهاجر]

"الجراده" يا رفيقي طعمها فوق الطعومي = والمكن بالخص اطعم من حمام تشتريه

[سعود النداح]

يا مرحبا سناعيس

وجزاك الله خير على هالكلمات الداعمه لي

بس مالك لو يا الامير

حاول مره ثانيه

[سعود النداح]

هلا شموخ سدير

وليش نضحك؟؟

الدعوه محاول وجداً جميله

بس عاد خطاء

حاولي يمكن الثانيه تصيب

[سعود النداح]

الخطاء وارد وجعله ما يكرر يا الرحومي=ما اصبت اللي في بالي ما جلبت اللي ابيه

الثانيه بأذن الله تصيب يا الطائر المهاجر

دمت للافضل

[الطائر المهاجر]

ب "القلم" اكتب وسجل رمعتي راحت وهومي = لكن الكيبورد يكفي في زمانك يالنبيه

[سعود النداح]

مرحبا بك يا هلا بك مرحبا يا ابن القرومي=للاسف حضك تعدى رمعتك واللي تبيه

[اسير الله في ارضه]

الحب بلوهـ وكلن له بلاهـ
وكلن بهالدنيا مبتلا