|
الشعر المنقول(خاص بالشعر النبطي) يشترط كتابة اسم صاحب القصيدة الصريح |
![]() |
|
أدوات الموضوع |
![]() |
رقم المشاركة : 1 | ||
|
هذه القصيدة للشاعر : راضي الربوض الشمري ... رحــمه الله
مـن قلـب يشكـي ليـه ياعيـن تبكيـن=اللـي كـواك مـن المحـبـه كـوانـي كـي اللحـام بمرهـفـات السكاكـيـن=يامـا وهـج حـر اكسجينـه صـلانـي لبيـك ياقلـب شكـا دمـعـة العـيـن=تلبـاة راعــي عـمـرةً برمضـانـي قـوك عــدد مايرجـحـن الميـازيـن=وعـد االنجـوم وعـد مـا هـل ثانـي وقوك عـدد مـا بـان نجـم الحجازيـن=وقـوك عـدد مـا غـاب نجـمٍ وبانـي وقـوك عـدد مـا يركـون المصلـيـن=يرجـون فضـل الواحـد المستعـانـي أنا علـى رجـواك لـو غبـت عاميـن=يكفيـك مـا بيـن الضلـوع المحـانـي اخترت مر البعـد عـن قربـك الشيـن=ارجيـك تسمـح يارهـيـف الثمـانـي ياصاحبـي كملـت حـولٍ وشهـريـن=وزادن مـن الثالـث بعشـر وثمـانـي ماضـال اشوفـك ياعـذاب المحبـيـن=عـاذ المعافـا عـن غديـرك حـدانـي وردٍ على جالـه مـن الشـوك زافيـن=اذل لا وطـيـت رجـلـي كـلانــي عـود السفـا يفـرح بجـر الخلاقـيـن=ومـن مـر حولـه ينقلـب مشبهـانـي جمة غديـر حـال مـن دونـه الطيـن=كوثـر مطـر بمغـمـضٍ بصفيـانـي واذل من وطـي الطبـع طبعهـا شيـن=اصـد لـو ناشـن صديـده صـدانـي ثوبـي بيـاض وعـارفٍ قيمتـه زيـن=ونـاسٍ يديهـم بالدنـس مـا تخفـانـي يشوفه اللي شوفـه مـن القـاع شبريـن=مـا يفـرق الحنظـل مـن الزعفرانـي سلطـان لا جيـت الرجـال السلاطيـن=لـي عنـد شهميـن الشـوارب مكانـي والعشـق مـا عيـب شيـوخٍ مسمـيـن=يـوم العنـان ويـوم طعـن السنـانـي لهـم بغـضـات الصبـايـا دواويــن=تنشـر لهـم عنـد المكاتـب عـلانـي ياللـي تجاهـل بالهـوا ذاك مسكـيـن=لونـاس قـاروص المشـارب ينـانـي اخـف مـا بالقـاع نـمـل الشياطـيـن=ثـور مـن المبـرك جمـال الصخانـي يا صاحبـي مـا جيتـك اول وهالحيـن=مـادام جـوك مـا صفالـك وزانــي نرجي مثـل رجـوا الفـرج للمساجيـن=نـوبٍ سنيـن ونـوب ياخـذ ثـوانـي وان طولـت علـى المواثيـق باقـيـن=ولا بـد مـا تبـرم حـبـال الزمـانـي عنـدي وعـنـدك للـمـوده براهـيـن=اللـي كفـاك مـن الـدلايـل كفـانـي تصـورك يــوم المخالـيـق نيمـيـن=معفـيـن وانــا الله بحـبـك بـلانـي ذكـراك عنـدي مـع زهـور البساتيـن=وردٍ مـن الريـحـان عــوده ليـانـي لاهـب ذعـذاع الهـوا ذكــن زيــن=يشـم مكـسـور العـضـام المتـانـي ان كان في بحـر الهـوا مـوج تسعيـن=يـا صاحبـي ذاروف طرقـه غطانـي يـاورد ياريـحـان ياكـامـل الـزيـن=يـا در قبـل اجنيـه غـاص وجنـانـي من وصف ريحان الزهر فيـه وصفيـن=ريحـه وعـودٍ غـض مابـه مثـانـي وبه وصف شمس القيض لا اعطت بلونين=ما شـح عنهـا الثـوب حـول القرانـي وبه وصف مـن حمـرا تكـد المياديـن=اللي خـذت فكسـار عنـد ابـن ثانـي وبه وصف من شرد المها شبحـة العيـن=شمت نقيـض الملـح بـارضٍ طمانـي وبه وصف من بعـد النظـر للشياهيـن=اومـا لهـا الملـواح واللـيـل دانــي وبه وصف من ريش النعامـه برمشيـن=لا سلهمـت يضفـي لحـد الوجـانـي وبه وصف من غـرة قمـر عشرواثنيـن=خالـط مـزونٍ برقهـن لـه ضيـانـي البرق مع نـور القمـر صـار نوريـن=وتخالطـن فـي منحـره يـوم جـانـي مافـاد لويضفـي علـيـه الحجابـيـن=النـور مـن صافـي جبينـه دعـانـي وبه وصف تفاحٍ ركـز بيـن شطيـن=هايـف عـلـى ميهـافـة البردهـانـي وبه وصف من بلق السيـوف المسانيـن=سلـة ذبـاب مصقـلٍ عـنـد جـانـي وبه وصف من صاف العسـل بالشفاتيـن=ومـن بينـهـن نــوارة القحويـانـي وبه وصف من صاف الذهب بالميازيـن=صوتـه ليـا حطـوا عليـه الضمانـي وبه وصف من حمر الجنيهات وصفيـن=كفـه وغـوق حجيجـه يـوم جـانـي وبـه وصف مهـرة فـارسٍ جــوه ناخـيـن=تنثـر سبيـب مثـل سـيـل المتـانـي علـى جبينـه لاوضـح النـور تاجيـن=تحـط فـي قلـب المشقـا امتحـانـي حيـاة روح مشـاهـده بـيـن سيفـيـن=خطـرٍ ولاهـو فـي دريكـه مـدانـي وسلامتكم ...... |
||
![]() |
![]() |
رقم المشاركة : 2 | ||
|
من قلـب يشكـي ليـه ياعيـن تبكيـن --------اللـي كـواك مـن المحبـه كـوانـي |
||
![]() |
![]() |
رقم المشاركة : 3 | ||
|
|
||
![]() |
![]() |
رقم المشاركة : 4 | ||
|
نقل رائع |
||
![]() |
![]() |
رقم المشاركة : 5 | ||
|
احسنت |
||
![]() |
![]() |
رقم المشاركة : 6 | ||
|
شكراً لك |
||
![]() |
![]() |
رقم المشاركة : 7 | ||
|
شكراً لك |
||
![]() |
![]() |
رقم المشاركة : 8 | ||
|
شكرا لك |
||
![]() |
![]() |
رقم المشاركة : 9 | ||
|
مشكور |
||
![]() |
![]() |
رقم المشاركة : 10 | ||
|
جزاك الله خيراً |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
مقارنات بين الشعر القديم والشعر الحر وقصيدة النثر | مازن حجازي | مرآة الأدب العربي | 15 | 16-12-2010 06:50 AM |
حـسان بن ثابت : شاعر الرسول صلى الله عليه وسلم | مازن حجازي | منقول الأدب العربي | 15 | 16-12-2010 06:50 AM |
قصيدة شاعر العرب.. | ضعيان البدرانى | الشعر المنقول(خاص بالشعر النبطي) | 15 | 16-12-2010 06:50 AM |
ممدوح المسطاح الشمري وموقفه في شاعر الشعراء | مهدي الحبابي | همس القوافي للشعر النبطي | 35 | 06-12-2010 10:42 AM |
شاعر آه واويلاه من عمٍ ظلوم | ياسر عبدالرحمن الخالدي | الشعر المنقول(خاص بالشعر النبطي) | 25 | 07-07-2010 03:37 AM |