الفطاحله

[ماجد الراشد الهيري]

ياقاف وقف واستعد بمراحلك =واكتب على الاحساس فيها مراحله
لو كنت متعب جاهد اليوم كاحلك=والا ارتجل فيها تشافى كواحله
اما على قاف ن صعب لك ويبحلك=والا على شي ن سهل لك تباحله
الموج فيها معتلي في سواحلك=كل ن علاها وارتمى في سواحله
او صرّها في وسط مخبا براوحلك=خف المشي و وزن عليها رواحله
يامنتدى ذوق المعاني بفطاحلك =اكيد مغرم لادخلت الفطاحله
ان غبت عنها نفسك اللي تناحلك=كن العسل فيها تكاثر نواحله

شعرومشاركة
ماجد الراشد الهيري
كل عام والجميع بخير تقبل الله طاعاتكم

[الطائر المهاجر]

هلا بك
والعيد مبارك
وكل عام وانتم بخير
ولا هنت على هالجزلة
وافية من وافي
تحياتي

[حسن الوطري]

ماجد

صح السانك ولاهنت

قصيده رائعه من رائع وقافيه مميزه

لك تحياتي

[الـزلـزال]

ماجد الهيري

نص رائع وجميل
من شاعر متميز ورائع في كل مايقدمه لنا
أبدعت وأمتعت شاعرنا رعاك الله
كل عام وانت بخير وبصحه
صح لسانك ملايين ملايين
ولك فائق تحياتي وتقديري

[منيع]

ياسلام عليك
ابداع وتميز
وكل عام وانت طيب
تحياتي لكم

[عبدالعزيز العمار]

ياهلابك وكل عام وانت بخير ياماجد

وافيه وجزله وصح لسانك وسلم منطوقك

تحياتي لك

[داعي الشوق]

صح لسانك يا بو راشد

و كل عام و انت بخير

و عيدك مبروووووووك

و لاهنت يا مبدع

[الراقي]

نص اكثر من راائع

لا هان بوحك الجميل

و صح السانكـ شاعرنا القدير

[بنت النور]

صح السانك ملايين
رائعة جدا
لاهنت

يعطيك العافيه

[ماجد الراشد الهيري]

الله لايهينكم اخواني
على راسي كلكم ماقصرتوا ومهما كتبت ماراح اوصل لجزء بسيط في حق هذا الصرح الشامخ