على قبره وقفت (بالصوت)

[الطائر المهاجر]

ربابه


القاء

على قبره وقفت وقوف غادي= اطالع قبل ماهم يدفنونه
وفي لحظه تلاقفه الأيادي= بوسط اللحد حطوه بسكونه
وصفوا سبع لبناتٍ جدادي= على طول اللحد تمسك بمونه
وبدى يدفنه شبّانٍ شدادي= وذكر الله بصوتٍ يرفعونه
وانا مذهول في وسط العبادي= ينادوني ولا ادري من يبونه
يعزوني ولا ادري بالوكادي= وش اللي قلت من هرج الرعونه
سليم الجسم في وضع اعتيادي= رحل من قبل ماهله يدركونه
الا يامسندي محزم شدادي= تركت القلب ينزف من طعونه
انا ويّا اليتامى في سهادي= نحاول نفهم الدنيا الخؤونه
الاحظهم بوضعٍ غير عادي= وكل يخفي الحزن بعيونه
احاول قد مقدر باجتهادي = اسليهم وقلبي في سجونه
واحاول اظهر اني من عنادي= قوي العزم ما بي من ليونه
واذا من صرت وحدي بانفرادي= تهاوى الصرح من عالي حصونه
تناوبني هجوسي بالطرادي = الى الماضي اراجع في شجونه
انا وياك من قبل الرشادي = نسابق للطموح بكل لونه
وجانا يوم في جوره تمادي= خذك مني بشربه من منونه
وزاد الكون في عيني سوادي= اصارع وقت طاغي في مجونه
الا يالله يارب العبادي = بلا عونك فلا لي من معونه
وتغفر للذي ما يوم حادي= عن دروب الفضيله في شئونه

[الطامي]

الطائر
مصافحة اولى لهذه الشامخه
فعلا انها حالة من الذهول والترقب والموت الفجاه
الله يحسن خاتمتنا جميعاً
صح السانك وبنانك وفكرك
جزلة وهادفه وموعضة لمن اراد الله له ان يتعض بها وبمثلها
لاهنت

[داعي الشوق]

صح لسانك يالطائر

وصف مبكي جدا

الله يصبرك و يعينك يا بو عبدالله

والله يرحمه ،

( أوصيك بالدعاء له و الصدقة )

و صح لسانك

[جلال ابراهيم الصبيح]

الطائر المهاجر


صح لساااااانك


مرثية رااااااائعة جدا....والموت يا سيدي حق علينا جميعا لا مفر منه

وكلنا ذائقون الموت يوما ما....أبيات مليئة بالعضة والعبرة.....خرجت من أخ

مخلص.....وشاعر جزل ومبدع....لك مني خالث الاحترام والتقدير...وصح صح صح

الله لسااااانك....لاهنت....دمت بألف خير.


عاشق دمشق

[محمد العسكر]

اسال الله بمنه وكرمه ان يعظم لكم الاجر

ويجبر مصابكم ويلهمكم الصبر والسلوان

لله ما اخذ وله ما اعطى وكل شي عنده باجل مسمى


ابو عبدالله .............................. ...... كتبت فاجدت وابكيتنا معك

قصيدة صورت الاحداث والحيثيات بكل تفاصيلها


رثائية كتبت بالدموع

دائما تاتي بالجزل لانك تختزنه



قصائدك لا تقييييم بل هي مراجع

في كل ما تحتويه من مواضيع



رحم الله الميت وجعل مآآآآله للفردوس الاعلى

من الجنه اللهم امين

[حوريه]

الله يرحمه وجميع موتى المسلمين

مرثيه مؤثره جدا ومميزه بالحكمه والموعظه

صح لسانك يا بو عبدالله

ودمت بكل خير

[صعبة المنال]

رحمه الله واسكنه فسيح الجنان


الله الله عليك يا ابو عبدالله ابكيتنا وانت توصف الحال .....

ربى يكون بكونك ويأجرك فى مصاابك وكان الله بعونك

صح لسانك وقلبك


صعووووب

[عذب القوافي]

اللهم تجاوز عنه وأغفر له وأرحمه

أبدعت ابوعبدالله وما خرج من القلب حتما ً سيصل

وهذه حال الدنيا

كلّن مسافر على دربه يروح=مايخلّد يارجل وسـطه أحد

صح لسانك .

[حي الضمير]

رحماااااااك ياربي
اسال الله ان يجعل قبره روضه من رياض الجنه
والله يمد في عمرك يابوعبدالله على الطاعه
وعيشتنا في جو الحدث بهذه المرثيه الصادقه

[منيع]

رحم الله الفقيد
المراثي تسمى جراحات القلوب وهي من اجزل القصائد واوقعها على القلب حزنا والما
نسئل من الله له العفو والمغفرة
والشاعر يقول
أُشدُد حَيازيمَكَ لِلمَوتِ
فِإِنَّ المَوتَ لاقيكَ
وَلا تَجزَع مِنَ المَوتِ
إِذا حَلَّ بِواديكَ

000000000
وهذي حال الدنيا وكلنا على الدرب سائرون
نسئل من الله لنا ولكم حسن الخاتمة