محاورة في حركة السوق

[الطائر المهاجر]

ابو انس وقد افتتخ المحاورة :

السوق دحدر ونا مهموم =خسارتي فيه مضمونه

[نجم الإبداع]

اصبر ترى بالعلوم اعلوم= هذا هو السوق وجنونه

[الطائر المهاجر]

مجهول ما ظنتي معلوم = تمشي الرجل تخدع عيونه

[ابو زياد]

اللي نشب ينطرالمقسوم=واللي خسريحسب ديونه

[الغريب]

الله يعوضنا باربح (ن) دسوم = ولايعيد السوق ولا من يجونه

ادري رايح فيها بس من حر ما اونس

[ابو زياد]

الله كريم يجبر المغموم =الرزق شح وقصرت ردونه
جينا بناكل واكلهم مسموم=والقلب عقبه زادت طعونه

[ابو أنس]

ما عرفت احوال تثبت دوم= واللي مريضن يداوونه
لاسلمت الحال زان العوم=وممارس الغطس وفنونه

[الطائر المهاجر]

اللي خسر ما عليه اللوم = فالرجل بالمال يعلونه
في وقت شطب على السلوم= والحر في فقر يرهونه

[ابو أنس]

درب المرابح ترى ملزوم=عسر الخساير تجي دونه
والورد مطلب لكل القوم=لكن به الشوك وسنونه

[الطائر المهاجر]

اللي تعود على اليشموم = يزعل اليا من يحرمونه
ومن قال انا ماهر فالعوم= البحر ما يقبل ظنونه