عبدالله الحمدان وبن منشار 7/7/1430هـــ

[نجم الإبداع]

ع)تقدم يافلاح وعلم اللي تقلب النيات = تراني شاعر وسط المواقف يحسب احسابه
ف)هلا بالصاحب الي مايعرف الزور واللفات =ولايقدر يخالف يوم مايبغونه انسابه
ع)انا ماهمني فالبنت لوراحت ولوماجات = انا ماجيت ادور غير رجلٍ يفتل اشنابه
ف)تركد يابن مذكر لاتثير الحرب والغارات = ترى بعض المعارف مالها دفتر وحسابه
ع)تراني مطرد المقفي ولاني للعرب شمات = احب اهل الوفاء والطيب واللي فاتحٍ بابه
ف)اعرفك زين وادري حول راسك ياخوي لفات = ولو حاولت تلعب جاتك الروعات منصابه
ع)انا لامٍ زعلت اصير كني هادم اللذات = سوات الطير يوم انه عشاه براس مخلابه
ف)انا خابرك تسقي الزرع ميرك ماتبي الفزعات= ولوّك صحت فينا كان جينا اليوم طلابه
ع)يدور الوقت والايام ترجع والعشاء مافات = وراع القرص مات وكب قرصه ماتهنابه
ف)عسى الله يارفيقي بالليالي يرحم الحالات = ومن دور على اهل الطيب ماحارت به اعتابه
ع)ولولا اهل الوفا ماجيت زاير عندكم بالذات = لان المنتدى هذا يشرف من تقدابه
ف)عسى الباري يجملنا معك ياراعي القالات = ومثلك نفتقد له لو يطوّل عننا غيابه
ع)احب اهل الفطاحل والفطاحل وايضاً الخفرات = واحب الشاعر اللي مثلكم شعره يغنابه
ف)احبك خالقك ياصاحب الرميات والطولات = وحنا لك معزه عندنا ياصاح ومهابه

[الطائر المهاجر]

سلمتوا
محاورة من العيار الثقيل
من فحلين في المحاورة
شكرا لكما لإمتاعنا
مع أطيب تحياتي

[الطامي]

صح السنتكم جميعا
رائعة جدا
لاهنت

[حي الضمير]

ابدعتم وامتعنم ياشعار
وصح السنتكم

[عبدالله مذكر العقيلي]

شكرا على المرور

الله لايهينكم

[فارس القوافي]

الله الله

ابداع

صحت الالسن

لاهنتم


دمتم بخير

[عايد ربيع الحويطي]

محاوره من العيار الثقيل


يعطيك العافيه

[نفحات حساسة]

قمه الابداع..
صح السانكم جميع.. ولاهنتو

[عالي مستواها]

الله الله
صحت السنتكم ولا هنتو
امتعتونا بمحاروه رائعه
يعطيكم العافيه

[اللويحق]

سلمت يداك
على ما املاه فكرك
تحياتي