كم واحدٍ حطوه في قبره وباقي له حقوق!!

[سعيد مقبل الأكلبي]

كم واحدٍ حطوه في قبره وباقي له حقوق=وكم واحدٍ راحت حقوق الناس في قبره معه
ياللي تبوق الناس وش رايك نسميك السروق=والا بعد ماودّك ان الاسم هذا تسمعه
لكن تعال نشوف وش فرق الكذوب من الصدوق=ويبين هرج الموقف الغصّاب من هرج السعه
يمكن تتوب من الجرايم حقّتك والا تفوق=والا مهفّ مقيط وارشا امقيط واللي يتبعه
بكره ليا باح الكلام ويبست ارياق الحلوق=ووقّف على بابك رسول الموت محدٍ يمنعه
الناس من حولك وكلٍ هابطٍ له بطن سوق=واقربهم اللي قام يدعي لك ويمشي مدمعه
وجاك الملك من بينهم يسوق فيك الموت سوق=وانته تعاين فيه لاكن مانت قادر تدفعه
هُم قام ينزع روحك اللي جوّدت معها العروق=وانّست حُر الموت في قلبك قبل لاينزعه
والتفّت الساقين والتمّت عراجين العذوق=وجا عند زورك من عظيم الكرب صوت وقربعه
وراح النظر يطرد ورا روحك ويلحقها لحوق=وقرّت عيونك في السما والروح راحت مسرعه
واصبحت في قبرك قبل لايبتدي وقت الشروق=من تحت سطح الارض في حفره قليلة لذرعه
يعني كذا خلاص ماتقدر تغش ولا تبوق=ولا يفيدك لا حلال ولا تفيدك مزرعه
راحت حقوق الناس في ذمَتْك طوقٍ فوق طوق=ياكيف بعد الموت حق الناس تقدر تِرْجعه
المال ياخذه الولد وان كان في قلبه عقوق=ينشد عن ايام العزا ثلاثةٍ والا اربعه
مادامت القوه ولا عمّر على الارض امخَلوق=الادمي مهما يطول العمر يلقى مصرعه
هذا كلام العقل والمنطق وثقنا به وثوق=وان كان راسك ما اقتنع به حاول انك تقنعه
والا ترا الذمة بريّة منك واصبحت امحَقوق=وان كان ودّك بالسلامة فاسمع الشور وطعه
بعض العرب لا شفت جَرْيه قلت عز الله سبوق=يطرد ورا الدنيا ولو حاش الذهب مايشبعه
عينه على اللي عند خلق الله وفي قلبه حروق=لو كان يقدر كان حتى الما عليهم يقطعه
مايدري انه لوقعد يجمع من المال ويحوق=مايجمع الا اللي كتب ربي له انه يجمعه
الله قِسَم الارزاق يوم اعطى المزايا والفروق=وما فيه نفس الا لها رزقٍٍ وفيها منفعه
والا من اللي علّم المولود لين اصبح يذوق=من علمه يلقى حليب امه ويقدر يرضعه
اللي يبي يرتاح في غير القناعة لا يتوق=يرضى بمقسومه ولا يتبع هواه ومطمعه
والرابح اللي راح في قبره وباقي له حقوق=ماراح في قبره وكل حقوق خلق الله معه

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[نجم الإبداع]

الله الله

صدقت ياسعيد

وصح لسانك على المصافحه الوافيه

لاهنت

تقبل مروري

وتقديري

[حرف وشعر]

الاخ الشاعر سعيد الاكلبي

قصيده محكمه وحكيمه

بارك الله فيك

اخوك محمد الشامسي

[احساس راقي]

ياسلام عليك
ابيات في غاية الروعه والابداع
نسئل من الله الهداية للجميع وان يختم لنااعمالنا بخير
بوركت اخي الكريم
تحياتي

[فارس القوافي]

الله الله على هذا الابداع

ياسلااام


صح لسانك لاهنت


دمت بخير

[منيع]

حكم وجزاله
بارك الله فيكم
تحياتي

[الـزلـزال]

سعيد الأكلبي
قصيده جزله ومتقنه وهادفه
من شاعر متميز وراقي في كل مايقدمه
أبدعت شاعرنا وليس بغريب عليك الأبداع والأتقان
فأنت أهل له
سررت بتواجدي بين حروفك المتقنه
صح لسانك ملايين ملايين
ولك فائق تحياتي وتقديري

[عدنان كريزم]

صح لسانك ولا هنت

[الخنساء]

المشاركة الأصلية كتبت بواسطة سعيد مقبل الأكلبي

كم واحدٍ حطوه في قبره وباقي له حقوق=وكم واحدٍ راحت حقوق الناس في قبره معه
ياللي تبوق الناس وش رايك نسميك السروق=والا بعد ماودّك ان الاسم هذا تسمعه
لكن تعال نشوف وش فرق الكذوب من الصدوق=ويبين هرج الموقف الغصّاب من هرج السعه
يمكن تتوب من الجرايم حقّتك والا تفوق=والا مهفّ مقيط وارشا امقيط واللي يتبعه
بكره ليا باح الكلام ويبست ارياق الحلوق=ووقّف على بابك رسول الموت محدٍ يمنعه
الناس من حولك وكلٍ هابطٍ له بطن سوق=واقربهم اللي قام يدعي لك ويمشي مدمعه
وجاك الملك من بينهم يسوق فيك الموت سوق=وانته تعاين فيه لاكن مانت قادر تدفعه
هُم قام ينزع روحك اللي جوّدت معها العروق=وانّست حُر الموت في قلبك قبل لاينزعه
والتفّت الساقين والتمّت عراجين العذوق=وجا عند زورك من عظيم الكرب صوت وقربعه
وراح النظر يطرد ورا روحك ويلحقها لحوق=وقرّت عيونك في السما والروح راحت مسرعه
واصبحت في قبرك قبل لايبتدي وقت الشروق=من تحت سطح الارض في حفره قليلة لذرعه
يعني كذا خلاص ماتقدر تغش ولا تبوق=ولا يفيدك لا حلال ولا تفيدك مزرعه
راحت حقوق الناس في ذمَتْك طوقٍ فوق طوق=ياكيف بعد الموت حق الناس تقدر تِرْجعه
المال ياخذه الولد وان كان في قلبه عقوق=ينشد عن ايام العزا ثلاثةٍ والا اربعه
مادامت القوه ولا عمّر على الارض امخَلوق=الادمي مهما يطول العمر يلقى مصرعه
هذا كلام العقل والمنطق وثقنا به وثوق=وان كان راسك ما اقتنع به حاول انك تقنعه
والا ترا الذمة بريّة منك واصبحت امحَقوق=وان كان ودّك بالسلامة فاسمع الشور وطعه
بعض العرب لا شفت جَرْيه قلت عز الله سبوق=يطرد ورا الدنيا ولو حاش الذهب مايشبعه
عينه على اللي عند خلق الله وفي قلبه حروق=لو كان يقدر كان حتى الما عليهم يقطعه
مايدري انه لوقعد يجمع من المال ويحوق=مايجمع الا اللي كتب ربي له انه يجمعه
الله قِسَم الارزاق يوم اعطى المزايا والفروق=وما فيه نفس الا لها رزقٍٍ وفيها منفعه
والا من اللي علّم المولود لين اصبح يذوق=من علمه يلقى حليب امه ويقدر يرضعه
اللي يبي يرتاح في غير القناعة لا يتوق=يرضى بمقسومه ولا يتبع هواه ومطمعه
والرابح اللي راح في قبره وباقي له حقوق=ماراح في قبره وكل حقوق خلق الله معه

صح لسانك واعتلا شانك

قصيدة جزلة تحكى واقع مؤلم

من شاعر متمكن جسد حقيقة

موجعه لاهنت ودام حرفك