جيت يامنصور واهل الفطاحل دونها

[نجم الإبداع]

ياسلامي للذي باللقاء رميه تمام=وان رمى الغزلان رميه يصيب اعيونها
جيت يالطامي وعذرت في سرب الحمام=والقوافي ماتحب الذي ينسونها
خابر المجلس وراعيه جعله مايظام = مار وشبه ماعطى للعرب كيلونها
لو تجي في تالي الليل ماودك تنام = والعرب به ماترد السلام اش لونها
ليلة البارح سرى الليل مابين الركام= اتمشى في ذرى الديره والمس نونها
شفت خلاني الذي فارقوني بالزحام= بين لوعات وقصص للهوى يحكونها
الحقيقه شاب راسي من انواع الهيام=شفت ظهر البارجه قبل شوف بطونها
هات يامنصور بالهون واحكمها سلام=من حكم قصر الفطاحل وخافي بونها

[الطامي]

بن منشار
ارحب يالرجل
لاهنت وصح السانك
وابشر بالسعد واستلم ؟؟؟؟؟؟؟؟؟
تم اظافة قصيدة بن منشار ليسهل للمطلع المتابعه لها

ياسلامي للـذي باللقـاء رميـه تمـام= وان رمى الغزلان رميه يصيب اعيونها
جيت يالطامي وعذرت في سرب الحمام = والقوافـي ماتحـب الـذي ينسونهـا
خابر المجلس وراعيه جعلـه مايظـام = مار وشبه ماعطـى للعـرب كيلونهـا
لو تجي في تالي الليـل مـاودك تنـام = والعرب به ماترد السـلام اش لونهـا
ليلة البارح سرى الليل مابين الركـام = اتمشى في ذرى الديره والمس نونهـا
شفت خلاني الذي فارقونـي بالزحـام = بين لوعات وقصص للهوى يحكونهـا
الحقيقه شاب راسي من انواع الهيـام = شفت ظهر البارجه قبل شوف بطونها
هات يامنصور بالهون واحكمها سـلام = من حكم قصر الفطاحل وخافي بونهـا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟ =؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مرحبا بك يابن منشار ذا رد السلام = يا زميلي والقوافي لها قانونها
يافلاح القرم ياشوق مردوع الوشام = والمعاني الطيبه عادتك ترهونها
راعي المجلس بخيص بدربه والمقام = غيرعذره ذا المكينه ولع غليونها
نمهله له فترة ثم ننشد بالعلام = خاف والاخاف والا الحلوق ودونها
لاتلوم الناس في ذا ماهي تبغي كلام = كيف تبغ الرد والكل مع شيطونها
وكان جاتك ذكرياتٍ لهاعدة عوام = جرصوتك مثل سرحان جيب الحونها
ولاتلوم اللي تولع مع ضبي العدام = قسمة الله والمخاليق مايوحونها
كان شاب الراس منك من اسباب الغرام = غيركم ايشوف بقعا اتكش اسنونها
تم قافي يابن منشارفي عالي السنام = والمعذره كان زليت في مضمونها

[سناعيس]

فلاح بن منشار
منصور المري
الكل منكم صح لسانه
والضاهر ان الذيب بالقليب
والدلو ما امتلأ
هههههههههههههههه
تحياتي

[الطامي]

ارحب ياسناعيس
يابن اخي لاتبوق ولا تاخاف
ولايروح ضنك بعيد
بن منشار يشكي الهواء والغرام بالأضافه الى الطائر اللي سكر الشات بالأضافه الى انه دخل الشات وسلم ولا احد جاوبه ؟؟؟؟؟؟؟؟؟؟؟؟ هذا كل مافي الأمر
واخبرته انه مثل غيره بالغرام والطائر نسأله عن اغلاق الشات وكذلك اخبرته ان اللذي مر عليه من سهر الليالي من الغنادير مر على غيره من الناس .
شكرا لمرورك

[العيناء العامريه]

صح لسانكم جميع

شعرائنا الكبار

[نجم الإبداع]

عشت ياراعي الوفاء ذا ضوى لي بالظلام=بالفراسه يعرف الصايبه وظنونها
هيض الهاجوس يومه يبين للكرام = مقصد الشعار في سالفه يروونها
صاحبي وش فيه يلفي تقل صابه زكام=ليش ماينقض وينقّضْ بين الحونها
اشهد ان النت فتنه لها فينا ضرام = خلت الصاحي يجامل معا مجنونها
لو بغيت العشق ضغطه بقوقل عالحرام=انك الــ توصل لما تشتهي من هونها
اعشق الكلمه ومالي من اهل الارتطام = الذي لاشاف فكره يهد احصونها
ماخبرنا الذيب سرحان يرضى بالخطام = والقليب اهل المزارع به يسقّونها
والله اني ماقصد الا الوفاء واصبح ملام=ليش نكتب دام نحتار لايشوفونها

[نجم الإبداع]

اهلا وسهلا اخوي سناعيس

زارتنا البركه

وجهك ابض وانا اخوك

ومنصور اعطاك جوابي
ماشاء الله عليه


وتحيه وترحاب

باختنا العيناء العامريه

تشرفنا بحضوركم


لاعدمناكم

[الطامي]

ابن منشار
لاهنت وصح السانك
واعلمك غداً ان شاء الله بما خلف الكواليس
شكرا العيناء على المرور

[الطامي]

فلاح بن منشار
لاهنت يالغالي
استلم منك ومني

عشت ياراعي الوفاء ذا ضوى لي بالظلام= بالفراسـه يعـرف الصايبـه وظنونهـا
هيض الهاجـوس يومـه يبيـن للكـرام = مقصد الشعـار فـي سالفـه يروونهـا
صاحبي وش فيه يلفي تقل صابـه زكـام = ليش ماينقض وينقّـضْ بيـن الحونهـا
اشهد ان النت فتنـه لهـا فينـا ضـرام = خلت الصاحـي يجامـل معـا مجنونهـا
لو بغيت العشق ضغطه بقوقل عالحـرام = انك الـتوصل لما تشتهي مـن هونهـا
اعشق الكلمه ومالي من اهـل الارتطـام = الـذي لاشـاف فكـره يهـد احصونهـا
ماخبرنا الذيب سرحان يرضـى بالخطـام = والقليب اهـل المـزارع بـه يسقّونهـا
والله اني ماقصد الا الوفاء واصبح مـلام = ليـش نكتـب دام نحتـار لايشوفونهـا
""""""""""""""""""""""""""""""""=""""""""""""""""""""""""""""""""""""
مرحبا بك يابن منشارعدنا لك اهمام = والمعاني الطيب جبتها بضعونها
كل رجل له مهابه وعزه واحترام = وانت فوق الراس ثبت ساس اركونها
من يبي درب السلامه يقديها سلام = ماتهمه طرقعة صيفها بمزونها
ماعلينا لوشرحنا ابيوت الأصتدام = بينا؟؟ خوف يتجمل بها ملسونها
والعشق من بادي الوقت يومه بالتزام = الملوح مات منه بغير اطعونها
كب قوقل واقفل النت ماهي بالمرام = خلها بالراس للراس وشوف اعيونها
والرجل لاصار ذيبٍ تعادو له فيأم = غيرة او بغض كنه العمى وطاعونها
ودام دربك واضحٍ بالمقاله والمقام = ماعليك من الخفافيش مع شارونها

[نجم الإبداع]

الله الله

صح لسانك يامنصور

وراجع لك انتظرني

لاعدمتك