شباب حايل والنخوه في مواجهة السيل والموت

[الطامي]

عذرا لم تفلح محاولاتي في تحميلها على الفطاحله او قوقل فاضطررت الى اليوتوب



السلام عليكم
لقدرايت ماحل بهذه العائلة المنكوبه وغيرها الكثير الا ان ماحصل من موقف لأبطال صارعو الموت لأنقاذ المرأة وزوجها ،،، اولا من السياره وثانيا من جرف السيل العارم لهو اكبر شهادة بالتاريخ بانهم ونحن ابناء الجزيرة العربيه نفعل مالم يفعله الأخرين .
فقد خاطرو بأنفسهم وأرواحهم اولائك الفتية الذين لأعرفهم الا انني احسبهم والله حسيبهم انهم من اهل الخير والنخوه وفقهم الله الى الخير دائما وحعل ماقدموه ونووه في ميزان حسناتهم الى يوم القيامه لأعرفهم واتمنى التعرف عليهم لأكافئهم على مافعلو من بطولة شهد لها قاصي الناس ودانيهم ومكافئتي لهم قبلة على رئووسهم واقلطهم على قليل من كثير يستحقونه انا ومن مثلي يعجبه صنيعهم .

سلامي عليكم ياهل حايل عدد مالاح = برَاق من القبله وسيلٍ تحدرا
الى غلمة وقت الشدايد وصوت صياح = نسوالموت قالوكل شيٍ مقدرا
على من فتح باب وقفى بسيل وراح=على من فزع له عنده الموت ماطرا
يفداهم اللي واقف وهرجته الامداح = ماضف وجهه واسستر كنه مادرا
على الوجه البيض اقلدهم جديد اوشاح=وادمَس الحاهم بالشحم واتبخترا
على الراس اقبلهم جميعاً مع الامداح = هل النخوة اللي كل شخصٍ بها درا
واحيي وجيهٍ قدرها الهيل لامن فاح = مع العود الازرق فوق جمرٍ يبخرا
سلامي عليهم مع المقبل مع من راح= بريح من الكادي وعودٍ وعنبرا

[ابومياس]

الطامي اهلا وسهلا

الف شكر على هذه اللفته الرائعة منك

وصح لسانك وبيض الله وجهك

دمت بخير

[نجم الإبداع]

صح لسانك وبنانك

وجزاك الله خير يامنصور

قصيده تعبر عن موقف انساني جميل

لاهنت

تقبل مروري

وتقديري

[علي خلف المحمد]

أخوي منصور انا أول مرة اشوف بشدة هالسيل بالمملكة وشجاعة اهل الجزيرة ونخوتهم ماهي

بغريبة ولا هي بجديدة والله يكثر من امثالهم ويجعل شباببنا وشباب المسلمين سباقين دوم

للخير طال عمرك والله مشهد مؤثر ومُشرف من شباببنا الله يحفظهم

وصح لسانك يا الغالي أبيات تترجم الموقف وتفخر بشجعانا

[زهرة اللوتس]

سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة

[سناعيس]

العزيز الطامي
صح لسانك وبيض الله وجهك
قصيدة تنم عن معدنك الطيب وحياة ضميرك
ومشاعرك تجاه اخوانك من شباب حائل
هي مشاعر كل مسلم وعربي تجري فيه الشهامة والتضحيه مجرى الدم
لاهنت ولله درك

تحياتي

[الطامي]

ابو مياس
صح بدنك
ولاشكرا على واجب تجاههم
وشكرا لك ولمرورك ولتعليقك لطيب
لاهنت

[الطامي]

فلاح
صح بدنك
ولاشكرا على واجب تجاههم
وشكرا لك ولمرورك ولتعليقك لطيب
لاهنت

[الطامي]

زهره
صح بدنك
ولاشكرا على واجب تجاههم
وشكرا لك ولمرورك ولتعليقك لطيب
لاهنت

[الطامي]

سناعيس
صح بدنك
ولاشكرا على واجب تجاههم
وشكرا لك ولمرورك ولتعليقك لطيب
لاهنت