|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
طفح كيل الغثاء وأزدادة الحاله وعفت الدور= شكيت وكل من يسمع معاناتي قفل بابه
وأنا ماني على هالحال ياسيد العرب مجبور=ولكني أداري غلطة التاريخ وعتابه عرفت أني بعد هالعمرهذا طحت بالمحظور=شعور داخلي حسيت أن القلب ينتابه ورحت أشيل بيديني بقايا خاطرن مكسور=ولا أحاسب بها مخلوق وحولها على حسابه لأن الغلطة العظمى بدت بي من ثلاث شهور=بعد ماساقت الدنيا على البين وغرابه صدفت اللي سباني بالعيون السود أطفى النور=وهي أصلاً قبل هذا لك الله حيل جذابه تفرقع في كعبها البرسلان وتسحب الطابور=وشقاني وغيري الف من بعدي تشقا به مشيت وصرت في جنبه وقلت الله بدر بدور=وناظر في طرف عينه وحرك صوبي أهدابه عرفت انه شبكني في شباكه شبكة العصفور=واني طحت يومنه رمى بالقلب مخلابه يحط ايده على خده واناظر له وانا مبهور=اصابع كفها الخمسة تنام بحكم سبابه اتابعها كأني في حراستها غصب مجبور =واتابع خطوة اقدامي وراها انتظر جابه لحتى راح من سوقه و وقف جنب ذاك السور=وهي اصلاً بوقفتها يبين الوضع مرتابه وانا مريت جنبه لين شفت المكحلات الحور=وهو حسبي عليه الله ذبحني بشيلة انقابه وقالت شف عباتي كنها بتطيح غصب وشور=وانا بافر فرة عرض مذهوله وكذابه وفعلاً طبق الموقف وجا شلالها المنثور=وغطى جسمها كله وضاع الجسم بثيابه على ملبوسها الراقي وتصميمه على الديكور=تصاميمه بيد مهندس الديكور يحظى به بدا صدره وانا وان جيت اشبها بحيرة قور=هذيك اللي بجاكرتا وهي بالحيل خلابه تقاسيم التصاميم الجميلة تحتضنها زهور=وعودة من حلا جسمه على الوقفه تثنابه وحسيت ان الوطى كله يهز وان الارض تدور=وغبت وغابت الدنيا ولا ادري القلب وش صابه وراحت يوم مرتني وقالت هيه يالمطيور=جعلت الناس تنظر لي وانا ماني بلعابه ولكن لأجل عينك ياأنيق الحرف رحت أدور=لأجل أحرك أحساسك وبشعارك تغنابه وأبي تعرف بأن الوصل مني حلمك المبتور=لأنك في زمن صامت حضوره يقتل غيابه وياحساس الشعر ياروعته يابداعه المشهور=وياقمت شموخ الحرف والجمله تفيابه مشت مثل الغزال وجسمها الباهر بدا مستور=هذاك اللي يسوق الموت الأحمر عند طلابه حياتي والشقى يرسم معالم حلمي المذعور=على زحمة زمن صامت من اجل الزين واسبابه وانا اول كنت اداري خطوتي وابعد عن المحذور=لاني كنت متوقع يكشر وقتي بنابه مشيت بخطوتي وادوس بالغلطة بدون شعور=لان العذر دايم صح للي فاقد صوابه ورحت اسحب معاناتي واهز برأسي المغرور=كأني من نجا من الموت بعد سنين بالغابه على رذ السحابة والنسيم وجوها الممطور=مشى مع درب وانا بدرب كلاً دور احبابه =الشاعر/ إبراهيم بن غضيان الشراري |
||
![]() |
![]() |
رقم المشاركة : 2 | ||
|
بـدا صـدره وانـا وان جيـت اشبهـا بحـيـرة قــور |
||
![]() |
![]() |
رقم المشاركة : 3 | ||
|
يحـط ايـده علـى خـده واناظـر لــه وانــا مبـهـور |
||
![]() |
![]() |
رقم المشاركة : 4 | ||
|
ياسلام عليك |
||
![]() |
![]() |
رقم المشاركة : 5 | ||
|
الله الله يابراهيم الشراري على هذه الرائعه. وانا اوافق راي الدكتور. واقول |
||
![]() |
![]() |
رقم المشاركة : 6 | ||
|
ياسلام عليك شاعر بمعنى الكلمة جزلة بالحيل صح السانك ملايين طال عمرك |
||
![]() |
![]() |
رقم المشاركة : 7 | ||
|
|
||
![]() |
![]() |
رقم المشاركة : 8 | ||
|
ابراهيم الشراري
نص مميز ورائع وجميل من شاعر متميز ورائع في كل مايقدمه لنا أبدعت وأمتعت شاعرنا رعاك الله دمت ودام لنا حرفك الراقي صح لسانك ملايين ملايين ولك فائق تحياتي وتقديري |
||
![]() |
![]() |
رقم المشاركة : 9 | ||
|
ياسلام ياسلام ياسلام لله درك لله درك لله درك ياشيخ |
||
![]() |
![]() |
رقم المشاركة : 10 | ||
|
قصيدة كتبت بمداد من نور الإبداع |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
الغباء موهبة | الأموره | وسع صدرك | 17 | 15-12-2010 11:58 AM |