كم كلمة قالت تراني خطيره

[الطائر المهاجر]

كم كلمة قالت تراني خطيره = دعني وشاني كان تبغى السلامه
لا تندفع من دون فكر وبصيره= وتخم ما تلقى ولو هو قمامه
فالوقت غير الوقت في كل سيره=وقتٍ به الدولار يمسك زمامه
ازين لك اصقه ابكم في مسيره= لا يصيدك اللي يكتسب بالنمامه
للدار حق وواجبات كثيره= فحافظ عليها لا تجيك الندامه
دامك بأمن فنعمةٍ ذي كبيره= ناظر لحولك من عراق وشامه
مابين جوع وقتل في كل ديره = والاّ مشرد لاجيٍ في خيامه
وحذراك ممن باع عقله لغيره= يخدعه تاجر دين باحلى كلامه
ينفذ اوامر صادره من مديره = من كل عادي شان يبلغ مرامه
ضرب الشعب في بعض حتى تهجيره= وتقسيم داره مالحقه الملامه
يهيمن على ثرواتها والذخيره = ويحط من يبغى يتولى الزعامه
يخدمه حتى لو يموّت ضميره= طبلٍ اناني لو كبير الجهامه

[الطامي]

ازيـنـك اصـقـه ابـكــم فـــي مـسـيـره = لا يصـيـدك الـلـي يكتـسـب بالنـمـامـه

اي والله
وصح السانك
رائعة كروعة شاعرها
ولاهنت

[منيع]

اجدت واصبت
دمت رائعا يادكتور
تحياتي لكم

[بنت النور]

صح لسانك عددبلامدد
لاهنت

[داعي الشوق]

صح لسانك وفكرك ومعناك

ابدعت ولاهنت

الله يحفظ بلادنا من شر الأشرار

[الطائر المهاجر]

شكرا الطامي
على كريم المتابعه
لاهنت
تحياتي

[علي القرني]

الله الله على شعر الجزاله ونمير الحكمه
قصيدة توزن بالذهب

احترامي

[الطائر المهاجر]

شكرا اخي علي
على كريم المتابعه
لاهنت
تحياتي

[الطائر المهاجر]

شكرا منيع
على كريم المتابعه
لاهنت
تحياتي

[الطائر المهاجر]

شكرا داعي
على كريم المتابعه
لاهنت
تحياتي