اترك النوم..واصحى ..وعظ ( بالصوت)

[الطائر المهاجر]

بصوت المنشد خازباز

اترك النوم واصحى كان تبغى النجاة = دام تقدر قبل مايوم شمسك تغيب
الزمن لو ضحك لك واسعدتك الحياة= يوم لابد يقلب لا تردى النصيب
ما بيدك تحكّم بالألم والعناة = ولا بيدّك ترد الموت لوك طبيب
ولا بيدّك تؤخّر لحظتك والممات = طفل والاّ شبابٍ او وصلت المشيب
مثل ما جيت ترحل ما تسرّك غناة = تترك الجاه والأولاد واغلا حبيب
لا يغرّك شبابٍ مثل خضر النبات = كم شبابٍ تعرفه راح مابه معيب
الأمانه تعود لصاحبه بالوفاة = وانت امانه تعود لخالقك دون ريب
وانت تدري سبب خلقك يقين وثبات = لا يغرك زمانٍ لو ضحك ما يطيب
ادري انك تقول الوقت وقت الغواة= ولو رفضتَ تساير عشت مثل الغريب
لكن اللي بعقله عارفٍ للسواة = فاهمٍ للنهايه بالإشاره لبيب
كيف تنسى الهٍ يعلم الخافيات = وكيف تخشى العباد ولا خشيت الرقيب
من معك دوم في صحوك وحتى السبات= يسمعك لو رجيته دايمٍ لك قريب
لو ذنوبك كبر ثهلان والا السراة = تنمسح في ثواني بدعوتك "يامجيب"

[الطائر المهاجر]

لكل قصيدة وقتها
ونحن على بعد بضع ساعات من رمضان
فأرجو ان يكون لكلماتها أثرها

[الطامي]

مثل ما جيت ترحل ما تسـرّك غنـاة
تترك الجـاه والأولاد واغـلا حبيـب
لا يغرّك شبابٍ مثـل خضـر النبـات
كم شبـابٍ تعرفـه راح مابـه معيـب
الأمانـه تعـود لصاحـبـه بالـوفـاة
وانت امانه تعود لخالقـك دون ريـب
،،،،،،،،،،،
لااله الا الله محمد رسول الله
الطائر
صح السانك الين ترضى ولاهان الملحن خاز باز
رائعة وهادفه مهل من متعض
شكرال ك وكتب الله لك الأجر

[فارس القوافي]

الله واكبر

الله واكبر

كل عام وانتم الى الله اقرب


صح لسانك ياعود

لاهنت


يعطيك العافية


دمت بخير

[جهاد الشعلان]

الله الله

صح لسانك على هالتحفه الرائعه

عسى الله ان ينفع بها

وتجدها في ميزان حسناتك يوم لقاءه

تقبل مروري طائرنا العزيز

[منيع]

ابيات رائعة وفي وقتها
تسلم يادكتور وكل عام وانتم بخير وعافية
تحياتي

[عبدالله الشويمان]

الله الله

صدقت يا ابو عبدالله

قصيده جزله تذكيريه الله يثيبك عليها..

صح الساانك ولا هنت..

[عبدالعزيز العمار]

بارك الله فيك دكتورنا الفاضل وجزاك خير الجزاء

نسأل المولى عز وجل أن يجعل ماكتبته في موازين اعمالك يوم تلقاه

ونسأله تعالى أن يبارك لنا ولك في آخر ليلة من شعبان ويبلغنا رمضان

وأن يعيننا على صيامه وقيامه وأن يكتب لنا ولك الأجر والثواب اللهم آمين

صح لسانك ولاهنت مع وافر التحايا والتقدير

[نجم الإبداع]

الله يبلغنا واياك رمضان

وصح لسانك وفكرك

مصافحه روحيه

راقيه

لاهنت

مودتي

[عبدالله راشد الثويني]

الله عليك يابو عبدالله

أحرف تسطر بماء الذهب

سلمت هالانامل وصاحبها ولا عدمنا تواجدك شاعر فحـل يجبر القارىء على الإنصات

تسلم ولا هنت

والله يعيد جميع المسلمين على شهر البركات ويجعلنا وإياكم من المقبولين

تقبـّـل تحيتي