الميدان ياحميدان

[الطائر المهاجر]

ليلة الجمعه وكلٍ رايقٍ باله = والقمر طالع وانا بالبر وحداني
فوق طعس بين قافه وفنجاله= والهوى نسناس حرك بعض وجداني

[الطيف المسافر]

خلنا في قضيتنا نكون زماله=ونتفق في حل واحد ماله ثاني
العرب ان كانوا من الرحاله!!=وين ضاعوا يعرب وعدناني؟؟؟

[الطائر المهاجر]

جدك الهندي فتح يوم بقاله = وجدي عراقي لفى عبر الازماني
يعرب اللي بالمشي ضيع ظلاله = لين صار اليوم خدام امركاني

[الطائر المهاجر]

الظاهر صاحبنا ترك الملعبة
غيره .... وين النشاما

[عبدالله راشد الثويني]

لمحـت زول الذيـب صـف دلالـه=وطيب الهبوب لمجلسه وداني
قلت اسأله كيفه وكيف احواله=على عجل ،والعذر للنعساني

[الطائر المهاجر]

يامرحبا بالسمح طيب فاله = ترحيبة العرباني للعرباني
طيف المسافر ابتدا مواله = عن العرب غنى بعذب الحاني
ونا ابرهن له بثقل احماله = مابه عرب فالكل في خذلاني
قحطان هندي جالي بنعاله = وعدنان بابل جابته كلداني
واليوم يشكي العرب من اذلاله= ومبسوط يخدم زمرة العدواني

[ابومياس]

يالمهاجر خل عنك العرب مالة = مابهم متعدلٍ قاصي اوداني
اصبحوا ياصاحبي قوم محتاله= راح عدنان وايضا راح قحطاني

كن الطاروق تغير بالاخير

[الطائر المهاجر]

يبدو لي انك صح يابو مياس
من بعد دخول الطيف المسافر تغير الطاروق
ورحت اتبعه من دون ما ادري
وانت رجعته لأصله
شكرا لك
تحياتي

[متعب المتعب]

المشاركة الأصلية كتبت بواسطة الطائر المهاجر

ليلة الجمعه وكلٍ رايقٍ باله = والقمر طالع وانا بالبر وحداني
فوق طعس بين قافه وفنجاله= والهوى نسناس حرك بعض وجداني

ليلة الجمعه وكلٍ حاضن عياله=وانت قاعد بالخلا ليه طرباني؟
انتبه من ذيبن امعط وخياله=يذبحونك وانت في البر هيماني

[الطائر المهاجر]

لو يجي الذيب الامعط اكرب حباله= واتعشى عليه ان صرت جوعاني
ذاك اول يهاب الناس لظلاله = واصبح اليوم مثله مثل خرفاني