لـبيــه يانـجـد

[عبدالرحمن بن زهير]

ابيات بمناسبة اليوم الوطني ودام عزك ياوطن...

لبيه ياصـدر الريـاض ومحانيـه=يـا مـن حـنـيـت بكـل عطفك علينا
يا عاصمة حب الوجود وموانيـه=يا نجد ياحصن البـلاد الـحصيـنا
ياقلب مـوطنا الكبــير بـمـراميـه=يا مـن فـتـح قـلـبـه لجـل يحتوينا
منك ابتداء عبدالـعـزيز بمساعيه=وارسى قـواعـد قـبـلة المسلمينا
بالعقـل والـحـكمه وفـكرا يقـديه=اسـس لـعـزتـنـا كـيـان يـحـمـيـنا
ترعرع الأمـن ونـشاء بين اياديه=واطـفـى لهـيـب الـشـر والمفسدينا
وساد الرخا عقب الهجيروعواتيه=يـوم ارحلت عنا عجاف السنينا
الله يـجـعـل قـبـره اللـي دفـن فيه=روضـه مـن الجنه وسط ياسمينا
ويحفـظلـنا من نفتخر به ونغـليه=بـومتعب اللي يـزرع الـحب فينا
ذرب الفعول وكـل شعـبه يزكيه=والـديـن والـتـاريـخ والـشـاهـدينا
الطـيـب فـعـله والـتسامح مباديه=والـحـلـم نـهـجـه واعـدل العادلينا
سيف"ن" شطير بوجه منهو يعاديه=واعداء دين الحق والطامعينا
كف"ن" يصافحها وقلب"ن" يداويه=ريف الضعيف وكافل المعسرينا
ولـوقلت مهما قـلـت مـاني موفيه=يقـصـر كـلام المدح مهما حكينا
والموطـن اللي لمنا فـوق اراضيه=مـهـمـا بـذلـنـا حـقـه اكبر علينا
ارواحنا تـرخـص مـن اجـله ونفديه=ويـفـداه ما نـمـلك وكل الثمينا
من حـقنا نـعـشـق وطــنا ونـحـمـيه=واذا زهـــدنا فـيـه لا خيـر فـيـنا

[الطامي]

ع بن زهير
صح السانك وقلبك
رائعة جدا
لاهنت اخي

[عبدالرحمن بن زهير]

هلا وسهلا يالطامي شكرا على مرورك

[فارس القوافي]

مرحبا بك مليووون

صح لسانك ولا هنت

وكل عام والوطن بخير


دمت بعز

[حي الضمير]

دام عزك ياوطن
وصح لسااانك
قصيده جزله وافيه والوطن يستحق

[الطائر المهاجر]

سلمت
وصح لسانك وفكرك
وكل عام وانتم بخير
تحياتي

[داعي الشوق]

يا مرحبا بك اخي عبدالرحمن

والحمدلله على السلامه

و صح لسانك ملايييين

دائما حضورك رائع و مميز يالشاعر

ابدعت و سطرت هنا اجمل المعاني

لله دررررك ايها المبدع

و صح لسانك مدد

ولاهنت

[منيع]

ابداع وتميز والوطن يستحق الكثير
شكرا لك
تحياتي لكم

[الخنساء]

صح لسانك مليووووون

قصيدة جزلة من شاعر متمكن

سلمت ودام حرفك

[بنت النور]

صح لسانك واعتلى شأنك
نص رائع من شاعر رائع
لاهنت
تقديري
واحترامي