|
الشعر المنقول(خاص بالشعر النبطي) يشترط كتابة اسم صاحب القصيدة الصريح |
![]() |
|
أدوات الموضوع |
![]() |
رقم المشاركة : 1 | ||
|
السلام عليكم ورحمة الله وبركاته
بين صمت الريح وازعاج السكون = أنولد طفلٍ على صـدر السحـاب طاح في قطره وشالتـه العيـون = ونام في صدري سؤوال بلا جواب له ثمان سنين كاين مـن يكـون؟ = ماقِدرت اسلاه .. والقرب اغتراب في شحاحاته عطا كثر المـزون = في عطاءه بخل يرويني سـراب به كثير اوصاف من عقل الجنون = لو كذب صادق ولو أخطا صواب القسى طيبه وبجروحـه حنـون = في وضوحه غامضٍ وقت العتاب ماعرفته .. واعرفه لا ما يخـون = اجهله واقراه فـي عينـي كتـاب في سطوره حب محبوس بسجون = يجمع إلهامي ويكتبنـي خطـاب اكرهه واعشقه عشقٍ مـا يهـون = اغتني به فقر وارضى به عـذاب 0 0 0
ياقساة الحظ والناس وزماني = ياخسارة عمر ما جاله نصيب كلّما عدّلت ميله طاح ثاني = وكلّما ظنّيت يا ظنّي تخيب وش بقى لي فالزمن ياعمر فاني = كل أيامي عبوسه ما تطيب ياسواد الوقت ياقتل الأماني = ياشروق الشمس من وجه المغيب يانهاية صبر يا يأسٍ براني = ياطفوله شيّبت قبل المشيب آه منّي كم على شاني أعاني = وآه منّك انت يا أغلى حبيب وآه من دمعي إذا صحت وبكاني = يحرق اوجاني ولا يوقف نضيب ما بكت عيني لغيرك يا أناني = وما نبض قلبي لناسٍ من قريب لو شكيت الهم وعيونك تراني = كان دمعك من عنا همّي يجيب كم سؤالٍ بات في صدري ودهاني = ما لقيت الحل واكثرت النحيب هزّني في بعدك الشوق وحناني = وارتعش كلّي وكلّي بك صويب كم اجيلك شوق واحساس وأغاني = وانت تتناسى وكنّي لك غريب قبل اموت ارجوك إرجع لي ثواني = بس أبي كلمه قبل أرحل واغيب قول احبك بس وانساني عشاني = قولها أرجوك يالصمت الرهيب 0 0 0
بسم الله الرحمن عـلاّم الاسـرار = علّمنـي اقـرى وابتـدي بالكتابـه عقب التحيّه جيت ياساكـن الـدار = اكتب بيوت الشعر فـنّ وخطابـه من غلبي اكتب بين صفحاتي اشعار = مضمونهـا ظلـمٍ وحـزن وكآبـه صبرت لين الصبر ولّد بي النـار = سكت لين القلب همّـه غـدى بـه وجيت بعزيمة جامحه كلّها اصـرار = فيني ثقه فينـي ركـود ورحابـه اسوق شعري مثل قطرات الامطار = اقفي سحابه ثمّن ارجـع سحابـه بكتب رساله للـذي يطعـن العـار = يآصله علمي لجل يرجع صوابـه آنا عريبة جد من نسـل الاحـرار = ابوي شيـخٍ مـا قفـل يـوم بابـه ماهمّني الجاهل ولو صار ما صار = ولا همّنـي قولـه ولا حـدّ نابـه ان كان حبره غير عن كلّ الاحبار = حبري عفافي يوم ربي حمـى بـه هو يحسبنّي ماشيه درب الاخطـار = أو يحسبنّي معجبـه فـي جنابـه لا والله الاّ خاب ظنّـه والاعـذار = يموت في غيّه ودربٍ مشـى بـه ان كان طيبي صار له ظلّ وستـار = والله لابطّل طيب واشعـل حطابـه اكبر عيوبي طيبتي بيـن الاشـرار = امشي على النيّه واعدّي الخطا بـه 0 0 0
يالّلي بشباك جاري لا تناظرني = ترى قليبي له اشواقه وله ناسه ارجوك تبعد ولا تحلم تسايرني = مالي بحبك وشيطانك ووسواسه عندي حبيبٍ بكل الحب حاصرني = لو مال قلبي كشف لعبي بإحساسه تفداه روحي على كل شي يآمرني = والله مآريد غيره يافدى راسه فيه الوفا غير والأخلاق تجبرني = اصون حبه ولو فيني قوى بآسه اصيل نسلٍ وفيه اوصاف تسحرني = معدنْه غالي ولا ينقاس مقياسه هذا حبيبي وتكفى لا تناظرني = قلبي يحبه وهو اهله وهو نآسه 0 0 0
مـسافره لـــبعد مدى لآخر مسافات الحــــيـاه = بـروح لـــبعد نقطةٍ فيها تكون نهــــــــــايتـي بآخذ معي في رحلتي دمعٍ خـــــضْب زايد أذاه = واوراق ذكرى شاحبه مكتوب فيها روايـــــتي بشوف كم لحظة فرح بترتسم فوق الــــــــشفاه = واعدّ أيام الحـــــــــزن الّي بدت ببدايـــــــــتي بـسرح بفكري واندفن في ليل يجهلني خفـــــاه = بـشوف بعيوني أنا ومن أنا وش غايـــــــــــتي بغوص في صمتٍ جمع قلبي وعقلي في سـماه = واكتب على لوح الزمن إسمي ونزف حكايتي واشتاق لـــيامٍ مضت وابكي على قلبٍ خــذاه = واعضّ اصابيع الندم واكسر غموض إمرايتي واحزن على عمر الوفا الّي تربّى في عطــــاه = وذاك الشـموخ الّي انكسر وارخيت منّه رايتي تحياتي |
||
![]() |
![]() |
رقم المشاركة : 2 | ||
|
الفاضل / فارس القوافي |
||
![]() |
![]() |
رقم المشاركة : 3 | ||
|
الله الله يا فارس |
||
![]() |
![]() |
رقم المشاركة : 4 | ||
|
قمة الإحساس المتوهج الصادر في مايبدوا |
||
![]() |
![]() |
رقم المشاركة : 5 | ||
|
منقول رائع
والف شكر |
||
![]() |
![]() |
رقم المشاركة : 6 | ||
|
الله يرحمها |
||
![]() |
![]() |
رقم المشاركة : 7 | ||
|
فارس القوافي |
||
![]() |
![]() |
رقم المشاركة : 8 | ||
|
صح السانها..والله يغفر لها ويرحمها |
||
![]() |
![]() |
رقم المشاركة : 9 | ||
|
صح لسان الشاعر ة |
||
![]() |
![]() |
رقم المشاركة : 10 | ||
|
اللهم آمين |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
قصيدة الموت والرثاء بين فدوى طوقان والخنساء | أمير الإحساس | منقول الأدب العربي | 15 | 16-12-2010 06:50 AM |
قصيدة الموت والرثاء بين فدوى طوقان والخنساء | أمير الإحساس | منقول الأدب العربي | 15 | 16-12-2010 06:50 AM |
محاورات مطلق الثبيتي | الطائر المهاجر | محاورات خارجيه | 24 | 09-12-2010 01:26 AM |
قصائد باتحاد الكتاب تناجي الذات والوطن | محمد عبدالله الخولي | الصحافة والعلاقات العامه | 3 | 08-04-2009 06:19 PM |
خلف الكواليس وأبعاد نايف المطيري بطريقه غريبه وبشهادة إحدى مقدمات البرنامج؟؟؟ | مهدي الحبابي | الصحافة والعلاقات العامه | 1 | 26-08-2007 11:52 AM |