الى منك بغيت الورد يذبل(بالصوت)

[الطائر المهاجر]

الى منّك بغيت الورد يذبل فاجمعه بالورد = تلاقي الشوك ينبت به ويفقد طيّب الريحه
وترى حصانين لو تربط بمربط تبتدي بالطرد= تنافر من بعضها لو بدا لك إنّها مريحه
ولا يدري بحر القيض من عاش العمر بالبرد= ولكن يوم يدري به إذا هبّت ملافيحه
ابونا آدم خلقه الله ومعه وحده فقط بالعدّ = فهو من صوّره يدري بتكوينه وتشريحه
فلا له غيرها انثى ولا لحوّاء سوى هالفرد= وعاشوا عمرهم اثنين للرحمن تسبيحه
وكتاب الله ماقال التعدد واجبٍ او قصد= فعلام البعض ياخذ مايبي من كل تلميحه
ولو هو عاصيٍ ربّه ودينه وا خذه كالسدّ= يحلّل كل ما حُرّم ولا فكّر متى الطيحه
شهاوي النفس واعقلها وفكّر بالعقل عن جدّ = مصيرك ويش لو تلقى شريكٍ من مشافيحه
ولو تدري بزوج اختك خطب وحده بقصد وعمد= اظنك ما تسامح بالأقل تسعى لتقبيحه
مضرّه اسمها الضرّه كخنجر نصلها بالكبد= وشرع الله ما حلّل ضرر يا كيفنا نبيحه

[عبدالرحمن الصباح]

ياسلام عليك يابوعبدالله كفيت ووفيت ماشالله عليك وضفت الشعر لكافة هموم المجتمع وهذه رسالت الشعر الساميه يعني يادكتور ماتشجعني على الثانيه تقبل ودي وتقديري استاذي الغالي

[الأموره]

الله ،، الله

سلمت يالشاعر ،،

صح لسانك و علا شانك ،،

الف شكر لك ،،

دمت برعاية الخالق ،،

[الطائر المهاجر]

شكرا اخي عبدالرحمن
على كريم المرور والتفاعل
لاهنت يالغالي
تحياتي الطيبة

[النهج المختلف]

ولو هو عاصيٍ ربّه ودينـه وا خـذه كالسـدّ
يحلّل كل ما حُـرّم ولا فكّـر متـى الطيحـه
شهاوي النفس واعقلها وفكّر بالعقل عن جـدّ
مصيرك ويش لو تلقى شريكٍ من مشافيحـه


الطائر المهاجر صح السانك ,,,
صادق يا ابوعبدالله ,,,
قصيدة رائعة من شاعر مبدع ومتمكن ,,,
لاهنت ولاهان راسك الجزل ,,,
تحياتي وتقديري ,,,

[الطامي]

الطائر
الله عليك ولك
والى منك بغيت الورد يذبل فاجمع الورد
كلام صحيح يامبدع
لاهنت وشكرا لك

[يوسف بن صالح]

الطائر المهاجر

صح لسانك و لاهنت

خل الناس تعدد يابن الحلال

مافيه بيت إلا وفيه خمس ولا ست بنات في سن الزواج

خل العالم تعرس ياخوك



لاعدمناك

[نجم الإبداع]

صح لسانك يابو عبدالله

وواله يازين الثنتين للمقتدر

لاهنت

فائق الاحترام

[علي محمد العتيبي]

ياسلام

ياسلام يابو عبدالله

قصيده هادفه

صح لسانك مليووون


اعجابي واحترامي

[مبروك بن ماضي]

استاذي النبيل الدكتور / عثمان العبدالله 00 حفظه الله
انت من يستطيع ان يجعل من الشعر سالة ساميه
ويفعلها بكل خبره واقتدار
سلمت يداك شاعرنا العلم
ودمت رمزاً من رموز الإبداع
سجل اعجابي الا محدووووووود بطرحك الممتع والمفيد
وتفضل بقبقول تحياتي الطيبه وفايق الاحترام والتقدير ،،