ازعل بكيفك .... لين مقدر اراضيك

[الطيف المسافر]

ياعل مايرضون لي يزعلونك

نصافحكم من جديد بالود والشوق لكم ولمنتداكم هذا وان غبت فأنتم
معنا في الحل والترحال ومع هذه المتواضعه اتمنى ان تنال اعجابكم

ازعل بكيفك لين ماقدر اراضيـك=ياعل مايرضون لي يزعلونك
حاولت انسى بس ماني بناسيـك=ومابي اكون ضعيف قدام عينـك
واحد تحب اثنين ماهمنـي فيـك=ثلاث اربـع حبهـم لـو يبونـك
ونا... ولو اني على النفس ابديك=لكن مقدر امنعك مـن شطونـك
انته مزاجي تجاري اللي يجاريك=ولامن اخذت كفايتك قلت,هونـك
تاخذ حسب افكارهم لي تماشيـك=وتترك بقاياهم ولو هـم يجونـك
ابا اعترف لك ان محدٍ يضاهيـك=بطيب قلبك وحسن زينك ولونـك
وبا اعترف لك ان حضرة معاليك=فنـان وبفّنـك بتأسـر زبونـك
وبا اعترف لك ان نفسي اخاويك=لكن تمنع ثمـة اسبـاب دونـك
وبا اعترف لك لو بيكثر محبيـك=ماظن تلقى محبتي لـي تصونـك
وبا اعترف لك انني جد هاويـك=لكن قلبي محكمّه فـي شؤونـك
ماحب استرسل واصيغ الدواليـك=واني بك العاشق ومغرم فتونـك
طبعي كذا ان جيت يامرحبا فيـك=وان رحت حيابك وتسلم عيونـك
بهدوء جيتك دون ادعيك واطريك=وبهدوء برحل دون حسك يخونك

دمتم بخير

[منصور العبدالله]

طبعي كذا ان جيت يامرحبا فيـك
وان رحت حيابك وتسلم عيونـك
بهدوء جيتك دون ادعيك واطريك
وبهدوء برحل دون حسك يخونك




القدير عبد الكريم


تشرفت بالمصافحه الاولى لرائعتك

تحياتى ياقدير وصح لسانك

[ماجد الزيد]

الاخ الشاعر عبدالكريم الف صح لسانك على هالنص
ابدعت

[سعيد الصاعدي]

الاخ الفاضل / الطيف السافر
صح لسانك وعلى شانك
مبدع ياعبد الكريم
سجل الحب والاعجاب
أخـــــــــوك
س / ص

[عبدالله الشويمان]

صح السانك اخوي الطيف المسافر

قصيده رائعه وجزله من شاعر جزل..

دمت بخير وصحه وسلامه ويا مرحبا فيك عودا حميدا يا الغالي

[داعي الشوق]

يالشاعر عبدالكريم

[blink] وصح لسانك ،[/blink]

جزاله ومعنى وابداع ،،،

[منيع]

حاولت انسى بـس مانـي بناسيـك
ومابي اكون ضعيـف قـدام عيونـك

احسنت اخي الكريم
ابيات رائعة
تحياتي لك

[حي الضمير]

رااااائع واطربتنا شعر ياعبدالكريم
والحقيقه ابدعت وامتعت القراء
والف صح لسااااانك يامميز

[ابومياس]

الطيف المسافر


صح لسانك وبيض الله وجهك


نص طيب من وجه طيب

دمت بخير

[محمد عبدالله البدراني]

العزيز الموقر الطيف المسافر سلمه الله


مليووووووووون صح السانك


لاهنت ياعبدالكريم وبارك الله فيك وبجديدك


ننتظرك لاتبطي علينا بالجديد


تحياتي