جيته من الباب جيته

[شاكـر محمـد]

انا كذا جيته من الباب جيته=وقلبي تعلّق به بلا سابق انذار
فيه الوصوف اللي عليها انتحيته=دلوع وحبّيب وبعيونه اسرار
ولمّا تأملته عدامي لقيته=غرقان في حبه وقاطع به أسفار
مذكراته حب وانا قريته=حروف تنبت بالغلا ورد وازهار
وروحه على حبه غدت مستميته=انا اشهد انه بالهوى مخلص وبار
عز الله اني للمحبه سريته=وعز الله ان الحلم في لحظه انهار
وقْفت في دربي وانا ما بديته=يا ليت من يدّه تناولت تذكار
رقّته شدتني وعليها اشتهيته=وأما الغنج غرر خيالي وله طار
اعرف تفاصيله وانا ما رأيته=لو بوصفه لاضيّع صغار وكبار
ادري عنه وش لون يجلس ببيته=ومسكته للمرسم وتنسيق الافكار
واوضاع نومه لا هجع في مبيته=وعطره وضحكاته وترديد الاشعار
احب من حبه ودونه فديته=يهناه هذا الحب ويزيده إعمار
ويهنا الذي حبه بحبه وليته=حب الدوام ولا تقربه الاخطار
وقلبي عليّ ارضيه لني بليته=في حب واحد عايش الحب باصرار

[رووبين]

شآآكَرِ مَحِمَدِ

صَحِ لسٌانكَكِ

آبيٌآآتِ رِآآئعِةُ

يعِطْيكَكِ آلعآآفيِةٌ

[الطائر المهاجر]

بوح رائع من شاعر رائع
لاهنت ولاهان مغليك
صح لسانك مليون
تحياتي العطره

[عاشقة السحاب]

صح فكرك ونبضك

رووعه

[عبدالله الشويمان]

صح السانك يا اخ شاكر

نص رائع وانت اروع

لا هنت لاهنت

[الـزلـزال]

شاكر محمد

نص رائع وجميل
من شاعر رائع ومتميز فيما قدمة لنا
أبدعت وأمتعت شاعرنا
دمت ودام حرفك لنا

صح لسانك ملايين ملايين

تقبل فائق تحياتي وتقديري

[سعود بن سنيد]

صح السانك يا شاكر

نص رائع وانت اروع

لا هنت لاهنت



تقبل تحياتي

[الطامي]

شاكر
صح السانك ملايين
رائعة جدا
لاهنت اخي

[منيع]

كل الروعة والابداع
شكرا لك
تحياتي

[داعي الشوق]

صح لسانك شاكر

ابدعت يالمبدع كعادتك عندما تحضر

لاهنت و طاب حالك

مع تحياتي لك