خيول الشعر ..

[حرف وشعر]

قلت انا يااخيل شعري فركبي =واطربي من كان يعجبه القصيد
واتركي من كان في فهمه غبي=وسفهي من كان في فكره بليد
وإصهلي يااااخيل شعري والعبي=دام ميدااانك علي القااف الجديد
الشعر يعطيك كل اللي تبي=لا عطيته في الجزااااله مايريد
والشعر بحر(ن) جرا به مركبي=والسواااحل عن نظر عيني بعيد
اكتب احروفي علي كيف اشنبي=واوزن ابيوتي علي كيف القصيد
وآتفنن في بحووور المذهبي=واقنص الضبي الحذوري والعنيد
وازهم الفكره واناديها اقربي=ثم ابلورها علي المعني الفريد
ياخيووول الشعر لالا تتعبي=لاركضت وياك في بحرن مديد
ولا تحني من عناااك وتنحبي=الشدايد تطلب الشخص الشديد
حرف شعري في المحبه يعربي=من زمن تبع وهارون الرشيد
كم تفاخر بالشعر من تغلبي=وكم تناجز بالشعر عبدن وسيد
وكم شااااعر قد حسب نفسه نبي=وكم شاعر قد حسب انه وحيد
وانااا شاااعر و المشاعر ملعبي=لا تجاااااكر بالشعر اهل القصيد
وانا مغرم والغراااام معذبي=وكم تعذب في الهوا من اجل غيد
وجمرتي في جوف قلبي تلهبي=مايطفيهااااا ولا برد الجليد
وتمت احروفي وخيلي مركبي=اقطع فجوجن بها في كل بيد

[الطائر المهاجر]

كتبت فأبدعت
جزلة من راس جزل وشاعر مبدع
صح لسانك ولا هنت
تحياتي الطيبة

[منيع]

ياسلام عليك وحواليك
مبدع وفنان
شكرا لك
تحياتي

[محمد العيسى]

صح لسانك قصيدة رائعة
يعطيك ألف عافيه على
هكذا نص تقبل تحياتي .

[داعي الشوق]

صح لسانك حرف

قصيده رائعه تحمل الكثير من عذوبة وجمال المفرده

اعجابي وكل التقدير

[حرف وشعر]

المشاركة الأصلية كتبت بواسطة الطائر المهاجر

كتبت فأبدعت
جزلة من راس جزل وشاعر مبدع
صح لسانك ولا هنت
تحياتي الطيبة

لاهنت يابعدي ،،

[نجم الإبداع]

صح لسانك يامحمد

ولاهنت

[بنت النور]

صح لسانك
ولا هنت
تحياتي لك

[الطامي]

صح لسانك
قصيدة رائعة وطيبه
لاهنت

[بنت النور]

ترفع لمزيد من الردود