يتمسكن بوجهك ومستقعدن لك !!!

[احمد الجريفاني]

غيرْت بسمك ليتك مغيٍر طباع=يللي تنادي كل من شفت : (خلًك)
من ما يعرفك ينخدع فيك في ساع=قبل يخطْبك جاب مآذون ملًك
ما يدري انك (ضبع) من غابة جياع=آخر ضحايا نزوتك عزوةٍ لك
طبع (البهيمه) لا كلت حد الاشباع=(تجْتر) والعالم تحسبه (تعلًك)
معدنك (صفر) ودايم الصفر لماًع=احيان شكل الكاذبه ما يدلٍك
ما تاصل (الالماس) لو تسرع اسراع=حدك (كرستال) افتهم ناصحٍ لك
تقول انا (هايم) وفي قلبي اوجاع=كذوب واللي شاهدن فيك ظلًك
سألت عنك وقالو احذره طمًاع=يتمسكن بوجهك ومستقعدن لك
مريض نفس تعيش في وهم وصراع=ذليت عالم جعل ربي يذلًك
ما زلت (عانس) والسبب كذب وخداع=حتى ولي امرك من الكذب ملًك
افعالك السودا هوت فيك با القاع=ما دمت كافر با القوانين خلًك
تقول شكلي موت وعيوني اوساع=(عريْب) تشبهني اذا جايزٍ لك
فيني جمال وفيني اغراء وامتاع=خلْ البنات وضمني عشقتن لك
تحسب قلبي للكذوبين ينصاع= ربي رحمني فكني منك كلًك
لو تبدي اعذارك فلاني بسمًاع =ولو تطلب الغفران ماني (محلٍك)

[منيع]

ياسلام عليك
مبدع وموجع
شكرا لك
تحياتي

[مشعل التريباني]

اهلا هلا هلا
بالطش والرش ابوفراس احمد الجريفاني
صح لسانك مبدع في جميع اغراض الشعر
لكن ماتحس انك قسيت عليها شوي هههههههههه
ارحمها يارجل الله الله الله ماروعك يابو فراس

[حي الضمير]

ياسلام ابدعت وامتعت شاعرنا

ومدد صح لسانك

[هترل]

صح لسانك يالجريفاني مدد
ابدعت وامتعت لاهنت

تحياتي وتقديري

[ابراهيم غضيان الشراري]

الله الله الله

صح الله لسانك ياأحمد.

تحياتي وتقديري.

[الخنساء]

معـدنـك (صـفـر) ودايــم الصـفـر لـمـاًع

احــيــان شــكـــل الـكــاذبــه مـــــا يــدلٍـــك

ما تاصل (الالماس) لو تسـرع اسـراع

حــدك (كـرسـتـال) افـتـهـم نـاصــحٍ لـــك

صح لسانك مليوووووووووووون

قصيدة جزلة من شاعر متمكن

سلمت ودلم حرفك

[داعي الشوق]

يا مرحبا يا بو فراس
و الحمدلله على السلامه
وينك يا رجل ؟

وصح لسانك و طاب حالك و بالك

شاعر جزل و معروف بالجزاله و اعلامي مميز

حياك الله يالغالي

و دمت بخير

و يا هلابك من جديد

[الراقي]

سلمت وصح السانك
ولا هان راسك

لك ارق التحايا

[الـزلـزال]

أحمد الجريفاني

نص رائع وجميل
من شاعر متميز ورائع في كل مايقدمه لنا
أبدعت وأمتعت شاعرنا الراقي
دمت بخير وسلام ودام لنا حرفك الراقي
صح لسانك ملايين ملايين
ولك فائق تحياتي وتقديري