مبطي وانا ادور على ارضاه شفقان.........

احمد المرعشي · 02-01-2008, 12:12 AM

السلام عليكم ورحمة الله وبركاته

احبتي الكرام اتمنى ان ينال هذا النص المتواضع على اعجابكم واستحسانكم

يامنوة افكاري وقلبـي والاعيـان=يانور عينـي يابعـد كـل غالـي
ودي بشوفك لكـن الوقـت مـالان=مـالان وعيـا لاايترفـق بحالـي
وانهد حيلي والسبب زود الاحـزان=وانته في بعدك داله القلـب سالـي
وصرت انشد الجيران ماشفتو افلان=اللي شغل فكـري وعقلـي وبالـي
ولهان ودي ياغناتي لـي ازمـان=اشوف زولـك يـا حياتـي قبالـي
من شان اريح قلب مغرم وهيمـان=هيمـان لكـن للاسـف ماتبـالـي
هيمان في حبك ولاتعرف احسـان=افراقنا كنت احسبـه شـي محالـي
لني انا مخلـص وحبيـت بجنـان=واعطيت حـبٍ كـان جـداَ مثالـي
حبٍ تعلا فـوق هامـات الامـزان=ماقـدره والله سـيـد الغـوالـي
الغالي اللي كان وسط الحشـا كـان=سيدعلـى قلـبِ المعنـا ليـالـي
من سبتـه والحـال والله مـازان=ومن كثر جوره ضاق صدر الشمالي
مبطي وانا ادور على ارضاه شفقان=وازريت احصل مطلبي وشف بالـي
ذوقني انواع العنا اشكـال والـوان=وزادها الوقت الردي مـا صفالـي
خلاص منه اليـوم لاشـك قنعـان=بنساه وبنسى اللي معه قد جرالـي

وسلامتكم........

صوت الإحساس · 02-01-2008, 12:26 AM

صح لسانك من عندي إلى مكانك

نص سلس عذب

جمال خالي من التعقيد

لك خالص الشكر والتقدير على روعة حضورك

ماجد المهدي · 02-01-2008, 12:35 AM

صح لسانك يا احمد

قصيدة جزله جميلة من شاعر جزل

تحياتي لك بالتوفيق

ماجد المهدي

فهدالمطلق · 02-01-2008, 12:38 AM

احمد المرعشي
جميله جدا الابيات
جميله في نظمها وقافيه عذبه
صح لسانك اخي والله يعافيك
خلاص منه اليـوم لاشـك قنعـان000بنساه وبنسى اللي معه قد جرالـي
والله النسيان نعمه اذا حصل
تقبل تحياتي