ملحمة غامد الهيلا

[الكرستال]

1 بديت باسـم الخالـق الرحمانـي
منـزل الاعــراف والعمـرانـي
2 الـواحـد الـلـي لا إلاه غـيـره
دايـم وغيـره كـل شـي فانـي
3 عالم بما تخفي هجوس الهاجـس
ومقدر مـا كـان لـو مـا كانـي
4 يجـازي المذنـب بقـدر ذنـوبـه
والتايـب إجـازيـه بالغفـرانـي
5 الواحد اللي رحمتـه قـد وسعـت
ما قد خلق من الانس ومن الجاني
6 اطلبه يلطف بـي ويرحـم حالـي
لا منهـا لفـت بـي الاكفـانـي
7 واسألـه يغفـر زلتـي وذنوبـي
في موقف بـه لادامـي عريانـي
8 اليا نفـخ فالصـور اخـر نفخـه
ونصب السراط وقـرّب الميزانـي
9 يوم اجتماع الخلق يـوم المحشـر
يـوم يشيّـب هولـه الغـرانـي
10 اليا نزع مـن كـل مالـك ملكـه
وبقـي الامـر للواحـد الديـانـي
11 وصـاروا فريقيـن بليـا ثـالـث
خـلـود بجـنـات او نيـرانـي
12 ياربي انـا اطلبـك تعفـو عنـي
واسالـك الغفـران والرضـوانـي
13 اغفـر لـي وللمسلميـن اخوانـي
وإلطف بنا يـا مكـوّّن الاكوانـي
14 وخلاف هـذا للهجـوس مسبـب
كلمـه وهـزّة شعـري وّجدانـي
15 محـاوره سمعتـهـا واتعـجـب
من بو جميل ومعه شاعـر ثانـي
16 بدبهـا ابــو جمـيـل مغـنـي
على البحـر والـوزن والالحانـي
17 يقول فيهـا انـت جـار الغامـدي
والغامـدي ياصاحبـي قومـانـي
18 لكن لابـس ثـوب ماهـو ثوبـه
وان كان ما تفهم فانـا الفهمانـي
19 لحـق قبيلـه كاملـه باكملـهـا
تقول فـي عقلـه خلـل وجنانـي
20 حقيقه ان هـذا الكـلام اغضبنـي
وبقيـت مـن دوافعـه زعـلانـي
21 كلمـه بليـا داعــي يدعيـهـا
فاظـة بـلا معنـى ولا عنوانـي
22 ثارة بي الغيـره علـى شاعرهـا
لانهـا مـا جـت مـع البيبانـي
23 ولو ان فالميقاف شاعـر غامـدي
ان كان عن بـدع المثـل كفانـي
24 ولوانها من شاعـر مـا يحسـب
والله ما احرّك بالقصيـد السانـي
25 ولا التفت صوبه ولا اسمع علمـه
واحـط كلماتـه تحـت حذيانـي
26 لكنهـا مـن شاعـر لـه وزنـه
ابـو جميـل معـرب الجـدانـي
27 مـن شاعـر مواقفـه معـروفـه
تطـرب لسمـع اشعـاره الاذانـي
28 شاعر وشيخ وفالمواقـف فـارس
وشـرواه مـا ينصـاع للدادانـي
29 شاعر ما يبـدي بالكـلام الـذارف
مثل ابن عون ومحسـن الهزانـي
30 وابـن ربيعـه والقثامـي مخلـد
وبندر ابـن سـرور و الوقدانـي
31 وكم غيرهم من الرجال اهل الشيـم
شعار وزحـول وطـوال ايمانـي
32 ما لحقـوا الغيـاب فـي منطقهـم
وقصيدهـم مـن غالـي الاثمانـي
33 فان كانهـا كبـوة جـواد وعـدة
مسمـوح فيهـا يارفيـع الشانـي
34 ما نواخـذ العقـال بـاول غلطـه
نـزل عنهـا ونرفـع النيشـانـي
35 وان كانها على الهـدف مقصـوده
فقدامـك الميـدانـي يحميـدانـي
36 با اعلمك مـن هـم قبايـل غامـد
في ما مضى او حاضـر الازمانـي
37 غامد قبل الاسلام اصـل ومنسـب
اخبارهم سـارت بهـا الركبانـي
38 غامد هل الهيـلا وسـاس الهيـلا
اسـم بـداه الحـاكـم اليمـانـي
39 اطلقـه يـوم الوقفـه المشهـوره
ومثبتـه فالمعـجـم الصنعـانـي
40 الجـد الاول بالنـسـب مـوثـق
عمر ابـن عبـدالله ابـن كهلانـي
41 مكتوب ومـدون بكتـب السيـره
ثابت الـى يعـرب ابـن قحطانـي
42 وبـلاد غامـد بالحـدود مثبـتـه
حقيقـة مـا جـا لهـا نكـرانـي
43 من الشمال ارض البقـوم تحدنـا
مع ارض بالحارث ومـع زهرانـي
44 ويحدنا من الشرق سبيع مع اكلـب
وصوب الجنوب خثعم لنا جيرانـي
45 وزهران صوب الغرب حـد ثابـت
حـدود مرسومـه وعلـم بـانـي
46 هذي حـدود الارض يـا جاهلهـا
واما الفعـول يجـي لهـا تبيانـي
47 حنـا لنـا وقفاتنـا المشـهـوده
نقـود الجمـوع ونمـن الحدانـي
48 ونكـرّم اللـي للمكـارم نــاوي
ونحشّّـم الجيـران والظيفـانـي
49 من ضافنا بالجـود نكـرم شاربـه
يلقى الكرم والطيـب والسفطانـي
50 نبـداه بالترحيـب قبـل يسـلـم
طبيـعـة للغـامـدي عنـوانـي
51 وعاداتنـا بيـن المـلا محمـوده
وانجـازي الاحسـان بالاحسانـي
52 واليا شكا الضيـم ونصانـا زابـن
يبشـر بقيـف يحتمـون العانـي
53 مبدا الدخل والملزمـه مـن غامـد
بالعـزم والاصـرار والقرعـانـي
54 دخيلنـا نمنـه بيـن اخصـامـه
ونـظلله فـي ظلنـا مـا يهانـي
55 واللـي تعـدى فالمواقـف حــدّه
ناسمه بالميسـم علـى الحجانـي
56 جـزا لـه وردع بعـد لامثـالـه
لأخطـا الدليـل وكشّـر النيبانـي
57 وان ثارة الهيجا ودعـى داعيهـا
وتنكبوا البنـدق علـى الامتانـي
58 حنا هل الوقفـات واهـل الشيمـه
وقت اللـزوم ونطحـة العدوانـي
59 لطامـة العايـل كعـام المعتـدي
ليا قرّب المقبـس مـن الصوانـي
60 وجيراننـا منـا مـا لقيـوا زلّـه
نـدرا بهـم مـن ايـة الابدانـي
61 ولا جهلنـا يـوم كــل جـاهـل
ولا نقبـل العـالات والحقـرانـي
62 ويـوم الله ارسـل للعبـاد محمـد
وانزل عليـه الوحـي والفرقانـي
63 جا وفد غامـد فالسنـه العاشـره
بالحـد والتحديـد فـي رمضانـي
64 الى رسـول الله وهـو فـي مكـه
يرفـع لـواء الاسـلام والإمانـي
65 وصرنا ظمن جيشه وظمن اصحابه
نروي الحديـث ونتلـوا القرانـي
66 ونجاهد اهـل الشـرك ونحاربهـم
ونحطّـم الاصـنـام والاوثـانـي
67 وبعده مع ابو بكر بحـرب الـرده
سـارة جحافلنـا الـى نجـرانـي
68 نجاهـد المرتـد عـن ديــن الله
ونحارب اهل الكفـر و الطغيانـي
69 وفالقادسيه قيـف غامـد حاضـر
ويحمل لوانا الاعـرج الضبيانـي
70 ومنا الامام بشير شيـخ البصـره
شهيدنـا فـي ملتقـى اصفهانـي
71 وجندب ابن كعب الفقيـه الفـارس
اللـي بسيفـه جنـدل الكهـانـي
72 وابن اخـوه اللـي تغمّـد سيفـه
وفك اسر عمه واهلـك السجانـي
73 ومنا الحكم وصخر وروح ومـدرك
وجندب ابـن عبـدالله وسفيانـي
74 صحابـة منّـا يجمّـل صيتـهـم
وبذكرهم جـزل القصيـد اغرانـي
75 وحنـا ليامنـه دعانـا المـوقـف
نرسي كما يرسي جبـل عيسانـي
76 عشنا كرام نفـوس مـن ماضينـا
ولا سلبنـا رعـيـة الرعيـانـي
77 شهامـة عـن غيرنـا تميـزنـا
يشهد بها القاصـي لنـا والدانـي
78 ولا نعتدي فالمعتـدي مـا يربـح
في اغلب امـوره هـو الخسرانـي
79 لكـن ليـا منّـه غزانـا غـازي
نكسر شموخه كسـرت العيدانـي
80 وحنا لحكم التـرك مـا استسلمنـا
ويثبت كلامـي موقعـة رغدانـي
81 يوم التقيناهـم بخشـوم البنـدق
وراحت جنايزهـم كمـا الكثبانـي
82 جا كسرهـم علـى يديـن الغمّـد
وعادوا على العقـاب بالخسرانـي
83 هـذي حقايـق بالدليـل مثبـتـه
في كتـب ابـن نعيـم والدارانـي
84 والواقـدي وابـن سعـد دونـهـا
وابن الجلال خصص لهـا ديوانـي
85 ومحمـد الجاسـر اشـار اليـهـا
ومـا ذكـر فالمجتازمـا يخفانـي
86 وان كان عندك شـك فيمـا قلتـه
سال الجعيـدي واسـأل الشيبانـي
87 ربعك ويعطونك خبـر لـو موجـز
عن ما حصل في سالف العيمانـي
88 وسال العوارف من كبـار عتيبـه
وتلقى الكلام اللي علـى برهانـي
89 عتيبه اللـي طيبهـم نشهـد بـه
ونعـم بكـم يـا لابـة العتبانـي
90 قبيـلـة تاريخـهـا ينصـفـهـا
غنيـة عـن مدحـي وقيفـانـي
91 لكـن واجبهـم علـيّ امدحـهـم
مدح يليق بهـم علـى الاوزانـي
92 بـدت بحلـف بيـن روق وبرقـا
بقيـادة ابـن حميـد والربيعانـي
93 وعلّت على روس القمـم رايتهـا
زحـول قـوم وفاللقـا فرسانـي
94 راياتهـا بالعـز دايــم عالـيـه
وترسي في الموقف كما الضلعانـي
95 وحنا وعتيبه مـا تزعـزع صفنـا
ولا نستمع فـي هرجـة الفتانـي
96 اصل العروبـه والشـرف يجمعنـا
وصرنا في الشرع الحنيف اخواني
97 واليـوم حنـا يالزلامـي وانـتـم
في ظـل هيبـة قايـد الاوطانـي
98 في حكم ابو متعب عسى الله يحفظه
ويحفظ لنا نايـف مـع سلطانـي
99 ملوكنا اللـي نلتجـي فـي ظلهـم
من دوننـا مـا صكّـوا البيبانـي
100 في ظلهم نعيـش بافضـل نعمـه
فـي نعمـة الامـن مـع الإمانـي
101 فـي ظلهـم كـل القبايـل هيـلا
من طارفة عرعـر الـى جيزانـي
102 ومن حد الاردن في شمال المملكـه
الى حدهـا مـع سلطنـة عمانـي
103 نجدد لهم في كـل وقـت البيعـه
مشايـخ وشيـب مـع شبـانـي
104 ونعلن لهم منـا الـولا والطاعـه
ونقـر لهـم بالشكـر والعرفانـي
105 والله ينصرهـم وينصـر دينـهـم
علـى جميـع الخلـق والاديانـي
106 والله يرحـم مـن جمـع وحدتنـا
اللـي بسيفـه جنـدل الشجعانـي
107 عبدالعزيـز اللـي رفـع رايتـنـا
وتشهد بطيـب افعولـه العربانـي
108 شيّـد لنـا مجـد عظيـم بـاهـر
مفاخره بنيـت علـى السيسانـي
109 كم من زحول وقفـوا فـي دربـه
علـى جثثهـم حامـة الغربانـي
110 غدّا الكواسـر فالضحـى قادتهـم
واتباعهـم عشاهـم السرحـانـي
111 بالعزم والتصميم مـا جـا مثلـه
ليـث فعولـه تذهـل الاذهـانـي
112 ضحى بروحه دون حكـم اجـداده
واستل بسيفه راس ابن عجلانـي
113 ورفع علمها فوق قصـر المصمـك
اشعـاره النخلـه مـع السيفانـي
114 ندعـوا لـه الله يرحمـه ويثيبـه
وعسى له بجنـة عـدن مسكانـي
115 وتـم الكـلام النسجـت احروفـه
بالمسـك واليشمـوم والريحانـي
116 مبرهـن مدلـولـه و مفهـومـه
ومزخرفـه باللـول والمرجـانـي
117 واللي يخالف علمـي ومضمونـه
ويجـي بعلـم ثابـت الاركـانـي
118 علم على قـول وفعـل ومبرهـن
ما هو بقـول افـلان والا افلانـي
119 انـا معـه والشـك عنـا زايــل
وعذري عن التقصير والنقصانـي
120 والله رفـع عـن عبـده الملامـه
فالسهـو مـع الشـك والنسيانـي
121 وعلم بلا برهان مـا احسـب لـه
ولا يـحـرّك كـفـة الميـزانـي
122 ورفعت نيشـان القصيـد وقـدره
ولا ني بداني به مع اللـي دانـي
123 يشوقني بدع المثـل واطـرب لـه
وانقى من اجزال الهجوس اسماني
124 وانا مع ربعـي واعـرف حقوقـي
ولا حـدن عـن ماقفـي عدانـي
125 وافخـر بخدمـة قادتـي وبـلادي
لو ما اكل إلا مـن لحـم ذرعانـي
126 ماني كما اللـي فالغنـى يشريهـا
ويبيعهـا لا مـن غـدا جيعانـي
127 اضحي بمملك مـن اجـل ابـلادي
واقولهـا فـي سـر وإلا علانـي
128 وابا انهـي الكلمـه كمـا مبداهـا
باسـم الإه الخالـق الرحمـانـي
129 وصلى الله البـاري صـلاة دائمـه
على النبـي فالبـدع والختمانـي
130 عـدد ايــات الله ومخلوقـاتـه
وعدد ما ناض البـرق بلامزانـي
الشاعر// الكبير عمير بن حزام الغامدي

[الطامي]

الكرستال
صح السان الشاعر
ولاهان من نقلها هنا
شكرا لك

[عبير الورد]

صح لساااااان الشاعر ونعم بقبيلة غامد ولاتهون باقي القبايل
وتسلم يمينك على النقل المميز

[داعي الشوق]

القصيدة منشوره في موقع بإسم الشاعر مسفر الصفا

و في موقع آخر بإسم الشاعر عمير حزام ،

ياليت أخي كريستال تـتــأكد لمن ،،

ومشكوور

***************

[الكرستال]

الطامي عبير الورد سعود العتيبي
شكرا لكم ويشرفني موروركم


الاخ سعود القصيدة
للشاعر عمير بن حزام الغامدي
والشاعر مسفر الصفا كتبها في الموقع
حتى يجاريها
وقد وضح اسم عمير
وشكرا

[نفحات حساسة]

صح السان شاعرهااا

وسلمت على نقلك..ونعم بالغمد..

[صعبة المنال]

يسلموا على النقل

صعوووب

[عمر ال شيبي]

سلمت وشكرا لك

[الكرستال]

نفحات حساسه
صعبة المنال
عمر ال شيبي
يشرفني تواجدكم وردودكم الرائع

[الخنساء]

صح لسان الشاعر

قصيدة جزلة من

سلمت ودام حرفك