أقبل العيد ما فصلت ثوب جديد(بالصوت)

[الطائر المهاجر]

بصوت المنشد خاز باز


بصوتي

اقبل العيد ما فصّلت ثوبٍ جديد = دام هالعيد مثل العام .. كله سواء
ثوب واحد يكفّي دام ماني وحيد= مثل غيري من اللي بالحزن انكوى
كلما راد يفرح حسّ مثل الوقيد= داخل الجوف ماله لاعلاج ودواء
شايف الدين يشكي والمذله تزيد= والطواغيت تكثر في زمان الغواء
خلو العيد للي يستحق النشيد = من رفض ذل وقته ما مشى بالهوى
يبذل اللي بوسعه ماخضع كالعبيد= قدّم النفس شمعه تحترق وانطوى
تعطي النور للي تايهٍ او شريد = مالقى الدرب لو ضايقه ريح الشواء
خلوا العيد للي باع نفسه شهيد = يرجي العفو والغفران فيما نوى
لاتقولون ميّت حي يرزق أكيد = خالدٍ في جنانٍ وردها ما ذوى
دام هالموت واقع عنه ما من محيد= عزة النفس اسمى من حياة الثوى
من طلب للشهاده عاش عمرٍ مديد= ومن رضى بالمذله مات فيما اهتوى
دام صرنا طوايف.. افعل اللي تريد= يازمان التشرذم يحكمك من قوى
يتبعه كل ذيلٍ طامعٍ في الرصيد = في حياة دنيّه لاهثٍ ما ارتوى
لين صرنا نحارب بعض لاجل الضديد= كالغنم لاتناطح تجهل اللي عوى
لو تشوفه يلغّف بعضها من بعيد = تحسب إنّه تركها ماعليها نوى
لا متى ما نفكر قبل يومٍ شديد = يغرق المركب اللي فيه نبحر سواء
عيد مانيب يمّك لاتجي من جديد = ارفضك دام ديني في الدروب التوى

[نجم الإبداع]

الله الله

يابو عبدالله

صح لسانك

وكل عام وانت بخير

الله المستعان


لاهنت


تقبل مروري
وودي

[بنت القصيد]

صح الله لسانك يا الدكتور
بيض الله وجهك قصيده تلامس جروح منطويه في قلوب من فقدوا الغوالي في السنين الماضيه
يعطيك العافيه ولا هان راسك

تقبل مروري
بنت القصيد .........

[النداوي]

شايف الدين يشكي والمذلـه تزيـد
والطواغيت تكثر في زمـان الغـواء
خلو العيـد للـي يستحـق النشيـد
من رفض ذل وقته ما مشى بالهوى

لشكوى لله
كفيت ووفيت
لاهنت
تحيتي واجلالي

عيد مانيب يمّك لاتجي مـن جديـد
ارفضك دام ديني في الدروب التـوى



الله عليك يا أبو عبد الله
قوية وجزلة
ومؤثرة بالحيل
صح لسانك ودام بوحك
تقبل تحيتي

فديتك ربي







وفديت هالجزاله





استاذ وانا اخوكـ






صح لسانك ولاهنت






وصح هالبوح يابعدي






سجل اعجاابي






تحيتي

[سناعيس]

الطائر المهاجر
صح لسانك وبيض الله وجهك
على هذه الجزله
ولابد للشمس أن تشرق من جديد
تحياتي

[الخنساء]

اقبل العيد ما فصّلـت ثـوبٍ جديـد
دام هالعيد مثل العام .. كلـه سـواء
ثوب واحد يكفّـي دام مانـي وحيـد
مثل غيري من اللي بالحزن انكـوى
كلما راد يفرح حـسّ مثـل الوقيـد
داخل الجوف مالـه لاعـلاج ودواء
شايف الدين يشكي والمذلـه تزيـد
والطواغيت تكثر في زمـان الغـواء
خلو العيـد للـي يستحـق النشيـد
من رفض ذل وقته ما مشى بالهوى
يبذل اللي بوسعه ماخضـع كالعبيـد
قدّم النفس شمعه تحتـرق وانطـوى
صح لسانك مشرفنا
قصيدة جميلة ورااائعه لاهان راسك
سلمت وسلم شعرك
كل عام وانت بخير

[عيد مشعل]

صح لسانك

وعلى شانك


وسلم فكرك وبنانك

قصيده قمة الجزاله

وكل عام وانت بخير

ومن ابداع الى ابداع

الشاعر الطائر المهاجر

هاجرت بنا بعيدا

في افاق الابداع والتميز

لين صرنا نحارب بعض لاجل الضديد
كالغنم لاتناطح تجهـل اللـي عـوى

صح لسانك