حان الرحيل لزمرة الكلب بشاار

[صنداح الزلامى]

حان الرحيل لزمرة الكلب بشار=ساعة زمانن للطغاة محسوبه
ياسرع مايعلن بها في خبر سار=ان النذل بشار الابطال جوبه
جيش النظام انهارمن ضرب الاحرار= حربٍ على الطاغي توقد شبوبه
احرار ماعاشوا على الذل والعار=والنصر قادم يالحرار ابشروبه
والموت سنه والليالي لها اقدار=التضحيه ولا الحياة بعقوبه
اقضوا على الطاغي وشبوبه النار= يادوب حان الوعد بالنصر دوبه
وتفرح دمشق ويفرح اكبار وصغار= ويهان من هان الوطن ولعبوبه
ماهر وخوه وكل من لعبو ادوار= في سوريه وامن البلد شرشحوبه
ومن ناصر الظالم على قمع الاخيار=واللي رضو بالظلم والي مشوبه
يبعى لهم بيدين الابطال معبار= والنصر بامر لله هبة هبوبه
لابد من ساعة تضيقبها الابصار= على جميع للبلد خربوبه
شبيحة الطاغي تحت صالي النار=ثوار سوريه عدو واعتدوبه
جيش البواسل للمهمات مغوار= صهر الاسد وشوكته عيدوبه
هذا جزاءٍ للفار ومساعد الفار=والفيتو اللي ضدهم لو حوبه
خيارنا اللي مانبى غيره اخيار=للطاغي الي قام ينفخ ذروبه
نعطيه درسٍ يفرح قلوب والنظار= والنصر بالله والعرب والعروبه

[الطائر المهاجر]

جزل ومبدع
وشاعر كبير
صح لسانك مليار ولا تكفي
ولاهان راسك
تقبل اطيب تحياتي وتقديري

[كاسب نفسي]

والمـوت سنـه والليالـي لهـا اقـدار
التـضـحـيـه ولا الـحـيــاة بـعـقـوبـه

يذكرني بقول الشاعر .

(فإما حياتن تسر الصديق وإما ممات يغيض العدا)

لا يختلف على جزالتك احد ..
صح لسانك واعتلا شانك
تقبل مروري المتواضع

[الدامر]

للجزالة روعتها
صح لسانك وقلبك
ولاهان راسك
تحياتي

[داعي الشوق]

صح لسانك يا بو محمد

و ياليت الأحرار فهقوا يم اسرائيل

ولاهنت يالغالي

جزل يا صنداح و شاعر بمعنى الكلمه

ولاهنت

لافض فوك صنداح ،، ويعطيك العافيه

تحياتي

[عبدالإله]

صح لسانك وعلا شانك
على هذا المتصفح الراقي
خير المعاني واجزل الكلام
ولاهنت فكرا وحضورا

[عبدالله الشويمان]

صح السانك واعتلا شانك يا ابومحمد

قصيده جزله من راس جزل..ولاهو غريب عليك الجزاله..

دمت بخير وصحه وسلامه

[الفردوس]

رائعة بمعنى الكلمه
كل شكري وامتناني
مع خالص الود والتقدير

[الـزلـزال]

صنداح الزلامي

نص مميز ومتقن وجزل
من شاعر عودنا على جزاله حروف شعره وأتقانها
أبدعت وأمتعت شاعرنا الراقي المميز
دمت بكل الخير ودام لنا حرفك الراقي
صح لسانك ملايين ملايين
ولك فائق تحياتي وتقديري