لاصار لك عندالرجاجيل حاجه

[ابراهيم غضيان الشراري]

مع التحية والتقدير :
إلى بوصلة الوفاء00 وقبلة التواضع 00 سعادة العقيد/محمد بن جزاءالعياضي الحربي قائد قوة أمن الطرق بالجوف.. لمن يعرفة0 أما لمن لايعرفة فهذه القصيدة خير من يقوم بتعريفة.

لاصار لك عندالرجاجيل حاجه= ادخل ترا باب الأجاويد مفتوح
تلقى عقب ضيق الخفوق إبتهاجه=طيب ووفاءوقفة رجاجيل ومزوح
ولا الردي من دون بابه سياجه=منفي عن علوم المراجل ومنزوح
وراع الردا عند المواقف دجاجه=يخاف من ضله ولا منه مصلوح
كثير هرج وصرقعات ولجاجه=وأذا نخيته صار جسمن بلا روح
وأنازبنت الي طليقن حجاجه=قرم الرجال الي بالافعال ممدوح
المرجله والطيب ساس إنتهاجه=من طيب نفسه شيد لشخصه صروح
هيبة رجل مافيه ميل وعواجه=حلو النباء والمنهج الي به وضوح
سمح المحيا ماحوته السذاجه=من لابة فيها الردي دوم مذبوح
قبيلة والطيب منها خراجه=ميزان عدل وعدلهم طب مجروح
منهم (محمد بن جزاء) بالمواجه=صفحة وفاء ماعاد تحتاج لشروح
ماغرة المنصب ونجمة وتاجه=متواضع والطيب فجر به البوح
يشرب قراح الماء ويترك هماجه =يجي على حشمة وبالحشمة يروح
أبو( فهد) طب العليل وعلاجه=أخوي لاجار الزمن وأعلن النوح
أن أظلمت دنياي يشعل سراجه=راعي مواقف يحفظة منشي الروح
أهدي له اللول المصفى وعاجه=من قلب شاعر للرجاجيل ممنوح
=الشاعر: إبراهيم بن غضيان الشراري

[منيع]

ابيات اكثر من رائعة وراعي الطيب يستاهل
شكرا لك
تحياتي لكم

[طوفـــان]

صح لسانك على هالقصيدة الطيبة ..

جزله وموجهه لشخصٍ يستاهل ..

بارك الله فيك أخي الشاعر ابراهيم الشراري على طرحك الرائع


تحياتي

[الطائر المهاجر]

قصيدة وفاء من وفي لمن يستحق الوفاء
والنعم بالرجل فالرجاجيل من ذكرهم الطيب
يخـاف مـن ضـلـه = يخاف من ظله
ضله= بمعنى اغواه
صح لسانك
ولاهنت
تحياتي

[عاشقة السحاب]

صح لسانك

عاشقة

[الطامي]

الشراري
صح السانك ملايين
وكفو المادح والممدوح
يستاهل الحربي كل خير
مانعرفه الا بذكره الطيب
لاهنت

[داعي الشوق]

ابو غضيان صح لسانك و طاب حالك

و يستاهل المدح راعيه

وفيت و كفيت يالنشمي

و صح لسانك يالشاعر

و لاهنت

[نجم الإبداع]

صح لسانك يا ابراهيم

وونعم بك وبالعقيد محمد ويستاهل المدح

لاهنت

تقديري

[هترل]

صح لسانك يابراهيم مدد
انت وافي وقصيدك وافي ويستاهل راعي الطيب المدح واكثر


تحياني ونقديري

[مشعل التريباني]

ونعم بالاجاويد من حصل شي يستاهله
اخوي ابراهيم غضيان الشراري
صح لسانك وبيض الله وجهك على اظهار
ثنا الاجواد ومايمدح الطيبين الا الطيب وانت كذلك