بـد ر ا لد جـى

[محمد بن عمار]

السلام عليكم ...
من جديدنا

مثل طير بكف طفل ٍ ، شايف أنواع العذاب = ذايق ٍ الموت حسره ، والطفل لاهي ويلعب
لا الطفل له ، عقل يدرك إن في تركه ثواب = ولا جناح الطير مبسوط ٍ يرفرف به و يهرب

من هنا المدخل لعلو ذوائقكم الباسقة
لأرتقاء اول درجات سلم الإبداع الذي
لايضاهيه الاّ شموخكم المتألق ...

ويل قلب ٍ ضامته دنياه في عز ّ الشباب = ما حصل لي في العمر لو ساعة ٍ أسعد و أطرب
راح عمري ما هناني طعم زادي والشراب = و ماصفا وقتي ولا يوم استطيع آكل وأشرب
عقب ما العين أ وترت قوس المنايا والنشاب = أطلقت سهم اللواحظ ، مشعل ٍ بالقلب كهرب
طحت أنا في موقفي من حيرتي و الإضطراب = آتألـّم ، و آتأمـّل في صوابي ، منه وأعجب
مثل طير بكف طفل ٍ ، شايف أنواع العذاب = ذايق ٍ الموت حسره ، والطفل لاهي ويلعب
لا الطفل له ، عقل يدرك إن في تركه ثواب = ولا جناح الطير مبسوط ٍ يرفرف به و يهرب
مع شبيه الريم كم لي ، أشتكي طول الغياب = عقب ما قفّا وأنا روحي لحوض الموت تسحب
صار حبّه مع مرور الوقت أوهام وسراب = من بعد ما كان مشهور ٍ ، به الأمثال تضرب
ياملاك الحسن يابدر الدجى ، خلف السحاب = نوّر أيامي بنورك ، قبل نور العين ، يذهـب
كل ما هجرك تزايد ، زادني البعد ، إ كتئاب = ما خبرنا احد ٍ على فرقا حبيبه نال مكسب

مودتي لتواصلكم السخي
17/6/1431 هـ

[زهرة اللوتس]

صح لسانك ونبضك
لاهنت
لي عودة تليق بها
تحية طيبه

[عبدالرحمن الصباح]

ابداع كالعاده صح السانك وعلا شانك جزله من شاعر جزل ومتمكن

[همس الورد]

صح لسااااااااانك و صح بدنك

بووووووووح رائع

تحيتي وتقديري

[عبدالعزيز العمار]

ابن العم الشاعر محمد بن عمار

صح لسانك وجاد بيانك

الجزالة والإبداع ملازمين لك ....

صح قلبك وفكرك ...

تقبل مروري وخالص تحياتي ....

[داعي الشوق]

ويـل قـلـب ٍ ضامـتـه دنـيـاه فــي عــز ّ الشـبـاب = ما حصل لي في العمر لو ساعة ٍ أسعد و أطرب

صح لسااانك

يالشاعر محمد بن عمار

معاني جميلة

و تصوير رائع

وقاف كايف

و صح لسانك مليوون

و لاهنت

[الـزلـزال]

محمد بن عمار

نص رائع وجميل

من شاعر متميز ورائع في كل مايقدمه

ابدعت وأمتعت شاعرنا رعاك الله وسلمك

دمت ودام حرفك المميز

صح لسانك ملايين ملايين

ولك فائق تحياتي وتقديري

[الطائر المهاجر]

الله عليك يابو عبدالعزيز
مبدع دائما
صح لسانك مليار ولا تكفي
لاهنت
تحياتي

[عبدالعزيز ابراهيم المنصور]

محمد بن عمار
صح لسانك
كما عودتنا على الجمال
سلمت ولاهنت
دمت بخير

[احمد القاسم]

صح لسانك . ربي يسعدك على هذا الابداع اللامحدود

تحياتي وخالص ودي