بـيـتـ طـيـنـ ...!

[عيادة الجهيلي]

كن قلبي بيت طين وكل ماوسطه خراب
انهدم حوشه على الروشن وطاحت هيبته
وانفتح بابه على طرد الهبايب والسراب
والدرايش سكّرت بعض النظر في خيبته
إنبنى في صحصح(ن) مافيه غير الاغتراب
غير رمث(ن) داخله شاف القهر من ريبته
وفيه عصفوره على المرزام تشكي للسحاب
من عطش جذع المقام اللي ضمى من شيبته
هذا قلبي مالقى في سور محرابه عتاب
انتهت حتى الأماني ما تواصل طيبته
آآآآه ياقلبي رواك الحزن ورويت العذاب
كيف تروى من عذاب الحزن قبل مصيبته
ان فتحته صار صدري من معاناتي كتاب
وإن تركته مالقيت اللي بكى في غيبته

[داعي الشوق]

صح لسانك مليوون

ابيات ضافيه ووافيه ولاهنت يالشاعر

و طابت ايامك

[عيادة الجهيلي]

ياتاج راسي ياسعود ياتاج راسي انت الله لايهينك يالغالي

[بنت النور]

صح لسانك مليون ما يكفون
[روعـه] بكل مآتحمله الكلمه من معنـى ..

لاهنت يالذوق

[الطائر المهاجر]

وفيه عصفوره على المرزام تشكي للسحاب
من عطش جذع المقام اللي ضمى من شيبته
طيبه من طيب
صح لسانك وقلبك
ولاهنت
تحياتي

[عبدالله الشويمان]

صح السانك يا اخ عياده

ابيات جزله يا الجزل

دمت بخير ولا هنت

[منيع]

ياسلام عليك
مبدع وجميل ورائع
شكرا لك

[الطامي]

الجهيلي
صح السانك ملايين
ابيات طيبة جدا
شكرا لك

[نجم الإبداع]

صح لسانك ياعياده

مصافحه راقيه

لاهنت

[ساهر الليل]

صح لسانك وفكرك عياده

نص جميل بجمال حضورك المميز

يدوم نبضك وحرفك الراااائع

تحياتي لك