الشوق ماله لذّة ٍ بالمناديب

[شجاع عمر الأكلبي]

جديدة الليلة

وجدي على شوفك بليا مكاتيب=وأعطيك علمي دون ودّه وهاته
الشوق ماله لذّة ٍ بالمناديب=يفقد مع المندوب لذّة شفاته
عساي لاوصفت في وصفك آصيب=أخاف لا أظلم وصف روض ومهاته
أنتي شذى للطيب وأزكى من الطيب=والورد كلّـه منـك يأخـذ حلاتـه
وأنتي كما بدر الدجى والمشاهيـب=والريم يأخذ من صفاتـك صفاتـه
وأنتي الحلا ياسيد كل الرعابيـب=وأنتي ملاك الحسن وأنتـي قناتـه
شيهانة ٍ من رأس عالي المراقيـب=الطيب ساسـه والشهامـة عباتـه
نسل الرجال اللي تروّي المحاديب=وكل ٍ يخضّب من عدوّه شباته
وأنتي مناة اللي يوفـي المطاليـب=كل العلـوم الغانمـة مـن سماتـه
شيخ ٍ وينطح كايدات المواجيب=لافاز بك فأنتي مناه وغناته

[حي الضمير]

رائع ياشجاع والحقيقه ابدعت بالحيل
وليس بمستغرب ذلك من شاعر متمكن
والف صح لسااااانك على هالقصيده الراقيه

[محمد عبدالله البدراني]

العزيز الغالي شجاع عمر الاكلبي سلمه الله


مليون صح السانك ياشجاع


وحقيقه ان هالبيت يكفي :

نسل الرجال اللي تروّي المحاديـب
وكل ٍ يخضّب مـن عـدوّه شباتـه


عاد وشلون وانت سبقته ببيوت فيها قمة الوصف ماقول الا الله يعين عشاقها ...


ووفيت وكفيت وعزالله ابيات كايفه صح


لله دررررررررررررررك


تحياتي
مع اسمى ايات الشكر فائق الاحترام واطيب المنى رعاك الاله

[هاجس نجد]

المشاركة الأصلية كتبت بواسطة شجاع عمر الأكلبي

جديدة الليلة

وجدي على شوفك بليا مكاتيب=وأعطيك علمي دون ودّه وهاته
الشوق ماله لذّة ٍ بالمناديب=يفقد مع المندوب لذّة شفاته
عساي لاوصفت في وصفك آصيب=أخاف لا أظلم وصف روض ومهاته
أنتي شذى للطيب وأزكى من الطيب=والورد كلّـه منـك يأخـذ حلاتـه
وأنتي كما بدر الدجى والمشاهيـب=والريم يأخذ من صفاتـك صفاتـه
وأنتي الحلا ياسيد كل الرعابيـب=وأنتي ملاك الحسن وأنتـي قناتـه
شيهانة ٍ من رأس عالي المراقيـب=الطيب ساسـه والشهامـة عباتـه
نسل الرجال اللي تروّي المحاديب=وكل ٍ يخضّب من عدوّه شباته
وأنتي مناة اللي يوفـي المطاليـب=كل العلـوم الغانمـة مـن سماتـه
شيخ ٍ وينطح كايدات المواجيب=لافاز بك فأنتي مناه وغناته

أخوي الغالي / شجاع عمر الأكلبي

صح لسانك مليون ولا يسدون

قصيدة من العيار الثقيل

في الوزن والقافية و الوصف

ماشاء الله عليك مبدع في جميع المجالات والطروق

تسلم ويسلم فكرك يا أبو عمر

تقبل تحياتي وتقديري لشخصك الكريم

أخــــــوك

سعـد عبـد الله العبيــد

[حوريه]

رووووووعه من شاعر أرووووووع

صح لسانكـ

وفكركـ

ونبض قلمكـ

دمت ودسلمتـــــ..........

[الطائر المهاجر]

تميز في الإبداع
جزله من راس جزل
صح لسانك
ولاهنت
تحيتي واحترامي

[الـزلـزال]

شجاع عمر الأكلبي

عساي لاوصفت في وصفك آصيب=أخاف لا أظلم وصف روض ومهاته

عز الله هالمزيونه مايستاهلها إلا شيخ وأنت شيخها

وشيخ القصيد


أبدعت أبدعت في الوصف


لله درك ثم لله درك


وصح لسانك ملايين على هذا الأبداع


لك أرق تحيه

[الصريح العتيبي]

أنتي شذى للطيب وأزكى من الطيب
والورد كلّـه منـك يأخـذ حلاتـه


الاخ الشاعر القدير/شجاع الاكلبي
صح لسانك واعتلى شانك
جزل وعساك على القوة دايم
دمت بخير حال

[مبروك بن ماضي]

الأخ العزيز الشاعر / شجاع عمر الأكلبي
بقدر روعتك يكون الشعر ..
لك ولقلمك كل التحية والتقدير
صح لسانك وجاد بيانك
ولا تحرمنا من ابداعاتك المتميزه
دمت بخير حال
أخوك / بن ماضي

[الخنساء]

صح لسانك الشاعر شجاع
لاهان راسك قصيدة رائعة
سلمت وسلم شعرك
دمت بخير