لكن تدري بس انا ابلزم الصمت

[علي محمد العتيبي]

مصافحه جديده ومتواضعه

مرروها برفق

،
،

يالايمي كثر العتب يهدم البيت = والكاظمين الغيظ فازوا بعد صمت
وان كنت انا مخطي علشان خليت = بعض الوجيه السود في منقع الحمت
انا ليا شفت الهلايم تعديت = واوميت باليمنى عليهم وسلمت
ماداني المبدول والعفن والميت = واستغفر الله ماقصد الكبر والشمت
لكنّ مبدا واحدٍ يمقت الهيت = انا على كسب الجمايل تيممت
مع الوفا والجود غصباً تخاويت = على دروب المرجله ماتلعثمت
الطيب غايه للفضيله يبا الفيت = والاّ الرذيله عن مواجيبها شمت
والصدق عزّ وفي محيطه تساميت = مكارم الاخلاق في سوقها سمت
مااسمع من الواشي ولا فيه لديت = واليا تكلّم بالردى ماتكلّمت
واليا همزني قلت له هاه ماوحيت = لكنّ تدري بسّ انا بلزم الصمت

[حي الضمير]

يشرفني ان اكون اول من يتشرف بالرد على هذه القصيده الشامخه
لشاعرنا القدير علي العتيبي واقول الف صح لسانك ياعلي
قصيده رائعه وجزله كعادتك يامميز

[منصور العبدالله]

كما يشرفنى الحضور وبالصف الاول

جزله من راس جزل

صح لسانك وعلا شانك


تحياتى

[عبدالله الشويمان]

كفو كفو يا اخ علي

وصح السانك يا الغالي

قصيده رائعه وجزله وهي عادتك الجزاله دائماً

دمت بخيلا ولا هنت

[الطامي]

انا ليا شفت الهلايم تعديت
واوميت باليمنى عليهم وسلمت
ماداني المبدول والعفن والميت
واستغفر الله ماقصد الكبر والشمت
لكنّ مبدا واحدٍ يمقت الهيت
انا على كسب الجمايل تيممت
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
علي محمد العتيبي
صح السانك واعتلا شانك
كلام جميل طيب
وكفؤ ابو محمد
لاهنت وشكرا لك

[النهج المختلف]

صح السانك ياعلي لاهنت ,,,
قصيدة طيبة من شاعر وافي ,,,
بيض الله وجهك ,,,تحياتي وتقديري ,,,

[سناعيس]

مع الوفا والجود غصباً تخاويت
على دروب المرجله ماتلعثمت
الطيب غايه للفضيله يبا الفيت
والاّ الرذيله عن مواجيبها شمت

صح لسانك ياعلي
على هذه الرائعة والجزله
افتخار واعتداد بالنفس لائق عليك
وكفو الله لايهينك

تحياتي

[حمود السكراني]

صح لسانك


.....

[عبدالعزيز العمار]

الغالي علي العتيبي//

صح لسانك ويسلم راسك ...

قصيدة وافية الجزالة من شاعر رائع ومتمكن ..

تقبل مروري وتحياتي...

[صوت الإحساس]

صح صح صح لسانك وفكرك



كفوا يالسمي




لله درك



لك صادق الود


وفائق الاحترام