سليمان الهويدي

[الطائر المهاجر]

- حياته ونسبه:
هو سليمان صالح على الهويدي ، يرجع نسبه مختصرا إلى العضدان من الجلال من الصقور من عنزة ، وهو من مواليد 1927 م ، ولد وترعرع في الكويت وبالتحديد في منطقة (قبلة) (سكة عنزة) (فريج سعود) ويحدد الموقع اليوم جنوب البنك المركزي و شمال مسجد البحر .
- مستواه التعليمي :
تلقى تعليمه عند الملا محمد الحميدي ، وينوبه بالتدريس سليمان الخنيني ، حيث تعلم العلوم الأساسية كالكتابة والقراءة والحساب وقراءة القرآن، ثم أكمل دراسته عند الشيخ يوسف حمادة .
وفي بداية شبابه ، انتقل مع أهله إلى منطقة (الشامية) حيث كانت (قلبان الهويدي) و هي عبارة عن مجموعة آبار ماء و مزارع تمتلكها عائلة الهويدي .
-أولاده :
له من الأولاد ثلاثة ، أكبرهم صالح ، ويليه مساعد ثم وائل ، ومن البنات خمس .
- هواياته:
بالإضافة إلى هواية الشعر التي صارت جزءاً كبيراً من حياته ، كان رحمه الله من عشاق رحلات البر ، كما كان يهوى الصيد والقنص وتربية الصقور ، ولقد تعلم الكثير أثناء رحلات الصيد ، و تعرف على الكثير من أهل البادية ، فهذه الرحلات أتاحت له فرصة إستكشاف بعض القصص والقصائد التراثية التي ندر تدوينها في تلك الأيام ، وكان أيضاً من بين الهوايات التي يحبها هواية تربية الخيول فكان رحمه الله يعشقها ويجيد ركوبها و قد اهتم بها.
- نبذه عن أعماله:
- في عام 1963 إلتحق في وزارة الأعلام بناء على طلب من الوزارة وكان رحمه الله والشاعر الكبير مرشد البذال يعملان كمشرفين على تراث البادية في إذاعة دولة الكويت إلى أن صنف الشاعر سليمان الهويدي مخرجا في الإذاعة.
- قدم الشاعر برنامج ( فنون من الصحراء).
- انتقل إلى تلفزيون الكويت عام 1964 و قدم برنامج (فنون من الصحراء).
- تصوير خارجي وسينمائي لعدة برامج تراثية.
- شارك في برنامج وثائقي عن الكويت الذي يتحدث عن نشأة الكويت و تطورها ، وكان هو المسئول عن الجانب الذي يمثل أهل الصحراء.
- كان المرحوم سليمان صالح الهويدي من أوائل المؤسسين لديوانية شعراء النبط ومارس نشاطه في الديوانية حتى عام 1991 وتفرغ بعد ذلك ليكون مرجعا لمن أراد الإستشارة أو الإستفسار .
- دواوينه :
- أصدر ديوانه الأول عام 1974 باسم (مجالس العرب).
- وفي عام 1983 أصدر الديوان الثاني الذي يحمل اسم ( ذكريات الصبا ).
- كان الشاعر يشرف بنفسه على إصدار دواوينه لكن لظروفه الصحية لم يتمكن من إكمال الإشراف على ديوانه الأخير والذي أكمله أبنائه وأصدر في عام 2002 وهو المرجع الرئيسي لقصائد الشاعر و يحمل اسم (رسم الكلام).
- (ديوان رسم الكلام)
كان رحمه الله ، يطلق على بعض أبياته الوصف ب (صورة) ، فمن خلال قراءة أو سماع قصائد الشاعر نلاحظ كيف كان يتميز بالوصف ، كما عرف عنه ، فعندما يصف شيء معين ، كان يرسم (صورة) تراها مخيلته ويعرضها لكي نراها تحت المستمعين أو القراء ومن هنا جاءت تسميته لديوانه الأشهر (رسم الكلام) .
- وفاته:توفي الشاعر في يوم الأربعاء 19/7/2000 رحم الله الشاعر وأسكنه فسيح جناته.

(منقول)

[الطائر المهاجر]

الزين بينة رسوم يا علي =وأن القمر غير النجوم اللي معه
والخيل اعرف اصيلها من تقبلي= واعرف عفري الظبا من مدمعه
والبيض شاسع فرقهن ولا تسألي=الزين يوهبه الكريم ويمنعه
الزين حلو دايم دله حلي =اللذ من طش السحاب ابمنقعه
والشين شين الله يعين المبتلي= أن قابلك تفرح متى الله يقلعه
وجدي على نجل العيون الاكحلي=النفس به مجبورة ومولعه
راعي ثمان مرهفات ذبلي =بيض تلالا حدر طرقة برقعه
غضن من الجنس اللطيف مكملي=الله واكبر يا جماله ما اروعه
زينة بلا مكياج وبليا حلي =زينه طبيعي ولا يستصنعه
احلى من العفري تهايا واجملي=النور بطخمته وسلبه مفرعه
وأن هج مع صيد الخلا ما يجلفي=مهو بعيد أن الجوازي تتبعه
والله ماعنك خفية يا علي = من يوم كلمته وانا قلبي معه

[الطائر المهاجر]

بصوت شنوف الهرشاني

الله مـن دنـيـا لدنـيـا ارمتـنـي= دنيـا معاليـق الفـوؤاد ااحرقتـهـا
امشـي لهـا طـوع ولا طاوعتنـي= صبـرت مانـي عـارف شاخرتهـا
لا قلت ابرفع مستـواي اخفضتنـي= وليـا صفـت لـي ساعـة كدرتهـا
ودي اصارحـهـا ولا صارحتـنـى = الـم شوفـاتـي وهــي فرقتـهـا
من عقـب مانـي صامـد بهذلتنـي=وكـل الرمـوز الخافيـات اعرفتهـا
ياقـل حيـاتـي بـهـا وامحتـنـي = واعـذاري اللـي تنطـق شتتـهـا
ما هي بعيـد متنهـا حـول منتـي =لو نهتني باقصى حشـاي اسمعتهـا
تصيبنـي غـشـوات لا قابلتـنـي= وإن دنقـت بقذيلـتـن وافهقتـهـا
الله اكـبـر كـنـهـا مالكـتـنـي = تفـرنـي كـفـرهـا لمنظـرتـهـا
أو خاتـم فـي اصبعهـا لاعبتـنـي = أن مـت تتحمـل خطـاي ارقبتهـا
لا شتـد غيظـي يمهـا حايلتـنـي = وكـل الدمـوع الاولات امسحتـهـا
بلعـون فايقـة الجمـال اخلجتـنـي= واعمري اللي ضـاع علـى بختها

[الطائر المهاجر]

حظـي اللـي كـل ماقلـت اعـتـدل = فيـه كـبـوه مايبـشـر بالـفـلاح
كل ماحاولت انهض به فشل = مثل هرش ثاوي وسط الامراح
او كما ورع يخطى ماكمل = يقضبون ايديه وان هدوه طاح
والمعاذ الله عن فقد الامل = لو رسب نبي نتفاول بالنجاح
والقناعة كنز وافرللـرجال =ومن يطالع رزق غيره مااستراح
اطـرد الأوهـام عـنـك والكـسـل = واعـرف الدنيـا مـن أولهـا كفـاح
لا تقول بالأمس يضـرب بـي مثـل= انت ابـن اليـوم واللـي أمـس راح
لا تخطـي حرمـة النـاس وتزل= وكن على حقـك أحـد مـن السلاح
والمقـل يـذل لــو إنــه بـطـل=مايطيـر الطيـر إلا فــي جـنـاح
والدراهـم غطـت عيـوب الخـبـل= ارتفـع صيتـه وهـو مابـه صـلاح
زلتـه لـو انـهـا كـبـر الجـبـل =اشطبوهـا عنـه فـي كـل ارتيـاح
والرجال اللـي لهـم طيـب وفضـل = ذكرهـم مـن مجتمعنـا الـيـوم زاح
واضحـة بصماتهـم فـوق السجـل = يوم وقت السيـف الارخـم والرمـاح
جاهدوا لاجل الوطـن جيـش ورجـل=بساعة حرجه يصيـح بهـا الصيـاح
ذكرهـم قـام يتـلاشـى وارتـحـل= صـار ماضيـنـا ورا ذاك السـنـاح
ول يـا وقـت التعـاسـه والـدجـل = مايعيـش اللـي يتعامـل بالنـصـاح
جـاز لـلـي لا حـيـا ولا خـجـل= كـل شـي يستـوي عنـده مـبـاح
والتكبـر والغـرور مــن الجـهـل= وغيبة الغافل هـي المـوت الذحـاح
لا تعـرض نفسـك لـدرب الـوحـل =وكن حذر واحرص على الدرب السماح
واجتمـع بأهـل التراحـم والوصـل=حيـث رفقتهـم تزيـدك بانـشـراح
واستعيـن بخالقـك عــز وجــل=الله مايعطـي مـن ايديـن شـحـاح
ثم صلى الله علـى اللـي لـه نـزل=عظمـة الـقـرآن ودون بالصـفـاح

[الطائر المهاجر]

صاحبي لو طال وقتـى مـا نسيتـه =من يقول أنسى حبيـب مـا نسانـي
صار لي أكثر من شهر ما عاد جيته=والبطى والبعد ما مـن فيـه امانـى
ما هقيت انـا نتفـرق مـا هقيتـه= أولا هقيـت أنـه يغيرنـا الزمانـى
اتـذكـر سـاعـة فيـهـا لقيـتـه =وأتذكـر بـرد مـاه اللـى عطانـى
واتذكـر وقفتـي بشـبـاك بيـتـه = خاطرى ما طاب مـن ذاك المكانـى
عفت زين البيض جمله مـا بغيتـه=مـا بقلبـي غيـر ذاك المودمانـى
لـو يقربـه البكـاء والله بكيـتـه = من خبر حي بكـى لـه حـي ثانـى
ليـت كلمـة ليـت تنفعنـي ياليتـه = عاذلـى مـن أولـه ليتـه نهانـى
حملوني عـداى ذنـب مـا جنيتـه= وقولونـي قـول مـا قالـه لسانـى
والكـلام اللـي اموجهلـي نفيـتـه=ماعلينـا مـن فـلان ومـن فلانـى

[الطائر المهاجر]

عشقت القمر حيث القمر ينبعث به نور = واخص الليالي البيض تزهاه ويزهنه
واحب الهوى لاهب من خايع ممطور = وريح النفل حيث النفل طيب الخنه
واحب الجماله والجماله عمل مبروك = واحب الغناه وعز نفسي عن المنه
واحب الصراحه والصراحه بها مسرور = حيث الصراحه تقطع الشك والظنه
واحب الكريم اللي يفرج عن المعسور = اليا من عطى حتى اهله ما دروا عنه
احب الرجال العارفه واكره المغرور = من اغتر في بعض المظاهر يغرنه
سقا الله ليال ماضيه قبل هدم السور = نحفر العدود ونشرب الماء من الشنه
نشوف البنات اليا اوردن كنهم الحور = مهار مشاويلن بالاعياد معتنه
على الماء تشوف بيوتهم كنهن القور = كثير القبايل تقطن العد بالكنه
على البال ذكراها ياليت الليالي دور= ياليت الليالي ماخذنه يجيبنه
تذكرت شيبان لنا يوم حنا بزور = يحثوننا بالطيب والفرض والسنه
لوعاشوا حياة قاسيه في بحر وبرور = عسى الله يعوضهم بمافات بالجنه
لو دورن مضى من بينهم وين ذاك الدور = زمان مضى له ذكريات يحلنه
يوم الذهب مايلبسونه بدون خصور = جمال النسا ماهو من السوق يشرنه
فقدنا حياة البدو مع شوفة المظهور = ولا عاد به بدو ولا الطرش له حنه

[الطائر المهاجر]

بصوت شنوف الهرشاني

الا واهـني الي رصـيده ملايـين =وامضاه في راس القلم يقبلونه
وبواخره تمشي بكل البلادين =ومصادره من كل شكلٍ نمونه
وعنده عيالٍ صالحين ورشيدين =لا غاب والدهم هم يمثلونه
بيته يعانق شاهقات الضلاعين =تلقى الحمام مبيضٍ في ركونه
وديوانه اكبر مابنى بالدواوين =مفتوحٍ واجواد العرب يدلونه
فيه الخدم متكاملين ومطيعين =من جاء لهالديوان بيباشرونه
ولا صارت الريضان مثل البساتين =ماطاب من ريضانها ينزلونه
تلقى الخزاما والنفل والرياحين =تطرب له الورقه وتزعج فنونه
مع لابةٍ تنطح وجيه الشياطين =عزٍ لهم وهم يتفادون دونه
هذي الحياة الي لها الناس شفقين =من غر منها يا حياة المهونه
اشوى من الي ياخذ الدين بالدين =وطّلابته راس الشهر يبلشونه
ومع الفقر عنده بزور ونساوين =يبون حاجتهم ولا يعذرونه
يقضي معاشه مامضى الشهر يومين =الفقر شيبّه وشيب عيونه
عايش ولكن عيشة الفقر مسكين =كنّه مصخن وهو مابه صخونه
يا الله ياقابل صلاة المصلين =انك تقوم بعوننا ثم عونه

[الطائر المهاجر]

لاجزى الله حمامه فوق الابـراج ناحـت=اشغلتني ولا ادري وش بلاهـا تنوحـي
سامره ليلها فـي برجهـا مااستراحـت=لوهي تندب لهـا حـيٍ لـزومٍ بيوحـي
ذكرتنـي ليـال بـاول العمـر راحـت=قبل تظهـر مغاتيـرٍ بوجهـي تلوحـي
آه يافرصتـي ضيعتهـا يـوم تـاحـت=احسبـن الليالـي الممتعـه ماتـروحـي
كبدي اللـي تشـادي دلـةٍ يـوم فاحـت=سج عنها المقهوي فـوق جمـر تفوحـي
رفت العين وأذني خمس مرات صاحـت=وقام قلبي يهوجس بالهنـوفٍ الطموحـي
ان ذكرته ولـو بيدينـي اوراق طاحـت=حيث حبه مشاركنـي بعقلـي وروحـي
عنز ريمٍ على عرق النفـود استضاحـت=جفله مع ضباب الصبح حس السروحـي
وعين شيهانـةٍ راجـت بجـوٍ وماحـت=خمرّن الحبـاري يـوم جتهـن تموحـي
كل الأسرار لك يا صخيف الروح باحت=وان حكوا لي بغيرك ماني بسمع ولا اوحي

[الطائر المهاجر]

ليت من يدري عن الزين وشلونه=فــــاقده من مـــــدة ايام ما جاني
طمنوني عنه يا اللي تمرونه=جعل سيد البيض ماهو بمرضاني
ان نشد يا بعد عيوني عيونه=خبروه انه بلا قلب خلاني
خبروه اني اقاسي من طعونه=لا تشاوي الجرح الاول ظهر ثاني
وان سكت علامه الغيظ مظمونه=شوف منهو حاكيله و زعلاني
فيه ناسٍ طبعهم ما يخلونه=حاضرين للفتنة فلان وفلاني
والحكي لو هو شويه يزيدونه=يدعون اصحاب لا شك عدواني

[الطائر المهاجر]

راعي الموتر الي فوق خط السريع = خافضٍ سرعته يمشي عدالٍ عدال
يتمشى على كيفه وصدره وسيع = ياحلو الموتر اللي في قيادة غزال
قلت وقف دقيقه مير عيا يطيع = قال ماني بعرفك روح يابن الحلال
جيت يمه وصفينا نتبارى جميـع = ماحصل لي معاه الا كلام ارتجال
قلت كانك غشيم بالبلد ذي تضيع = والخطوط السريعه يقلعنك طوال
قال منت بوكيل لي ولا انت بشفيع = وش يهمك اروح يمين والا شمال
قلت خوفي تضيع هالجمال البديع = ماكو مثلك على هالمستوى والجمال
العيون النواعس طب قلب الوجيع = نظرةً منك تنفعني على كل حال
والبنات النواعم يهلكن الرضيع = وانتي اخفيف ظل ولا معاك احتمال
قال لي معك امانه وانت سدٍ منيع = انا ابشرك توه مامشت لي عيال
وانحرف عجل واقفى موتره له لميع = يمكن انه زعل ولا عطاني مجال
راح مني فوات الحرص يابن اللميع = كل ربحي ياسالم ذكريات وخيال