![]() |
رقم المشاركة : 1 | ||
|
يا عساكر ، سلامي حضرو اصتفاف=الكتيبه نوينااا ، نحسب ، افرادها ــــــــــــــــــــيا رقيب ٍ ، تراقب ماعلينا خلاف=مير بعض الاوادم طول ارقادها اسمحلي يابو مسند لنقل ملخصها هنا وتحيتي لكم انت والمرشدي اخوك يوسف لاخلا ولاعدم
المصايب طواقي فوق روس الضعاف=والمنعـم منعـم ماطـرق بابـهـا عادة الناس تلقى بالمزاج اختـلاف=وكل واحد يسـوّق سلعـةٍ جابهـا فاهمن ماتقولـه دام بيتـك يشـاف=ماني مفتش هدوم الخلـق واثيابهـا وانت يالمرشدي جبت العلوم الطراف=يالله انـك تجـازي حيـه ودابهـا يامحمد شروط السعي غير الطواف=اي وحده تبـي هالحيـن نبدابهـا قالو الناس لاتسرق ترى ماتخاف=وانت ذيب عوى في راس مرقابها يالعتيبي ، وبطن العلم غير الغلاف=والعلوم السمينـه حـظ جلاابهـا زارعنلك بذور وحان وقف القطاف=ابك ربعك عتيبـه ليـه تغتابهـا يالمطيري ترا مافيه غير احتراف=والقوافي تشرف مـن تغنابهـا الجبال الرواسي مايجيها انجراف=ثابته مادرت باللـي تهقوابهـا العتيبي علامك ؟ نطح القاف قـاف=الامور الصعيبه كلنـا مـا نهابهـا ماعليكم قصور , ونعم، قومن شراف=مير البعض السوالف احسب احسابها الله اكبر تعالـي عالـمٍ بالخـواف=والصعيبه صعيبه وانتـه ادرابهـا المناطح يجي في وسط شبك الخراف=والقوافـي عوافـي ثـور اترابهـا الله اللي خلق خلقن بزين الوصاف=احدن عاف الصعاب وعاف ضرابها لا تخلط السوالف جعل عظمك تلاف=انت قلي علامك ؟ غاوي انشابهـا بعض الاجواد خشمه مايجيه العراف=وبعضها في ثواني صـب صبابهـا السوالف تطّول لو يطول المطـاف=وانت من روس قوم زايد اطلابهـا انت شخص ٍ نعزه مانجيبه كتـاف=عز ناس ٍ تحاتي ضيقت اصحابهـا لو تطول السوالف لا يجيك ارتجاف=انت من روس قوم ٍ خابر انسابهـا المعزه تبين لابدينـا الخـراف=والمحاصيل ترجع للذي جابهـا والحقيقه ترا مافيه سبعٍ عجاف=غير جا وبل مزنن سيل اشعابها لا توسوس تركد النوايـا نظـاف=الضنون الرديـه ويـش تبغابهـا العتيبي جزيل ٍ مير ماهو صياف=لو تعزواء بربعـه انخلـع نابهـا ماخبرنا الزرع يصير بعد القطاف=ولا طلبنا سوا اللي فيك نهقابها المطيري مطيري اسم مافيه كاف=مبلشن خلق ربي يمسك ارقابها امش قدمي وعينك لا تناظر خلاف=كل غلطه بلطما غصب تجزابهـا انت شاعر رومنسي للبنات للطاف=راح لليلـي اجامـل و اتهزابهـا لا مشينا سوا يصير فيـه ائتـلاف=خلـك بعيـد خلـك قبـل تبلابهـا القصايد وصوف احلى البنات النظاف=والسعيده قصيـد الجـزل يهنابهـا لو نشدنا جنابك ماتجيب اعتـراف=عقب هذي عتيبه ضاعـت ادابهـا القصايد صرافه وانت مانت بصراف=لا تقوم بقضيـه خسـرت اتعابهـا بالقصايد حويت الجزل بالاحتراف=والقبيله تنـزه ماحـدن عابهـا خلنا بالسريه والحدود والرهـاف=لا تقرب لها تضـرب بمشعابهـا الحقيقه ماذمك جزل بمعنى ومحراف=لعنبو لحية(ن) ماتحمـي اشنابهـا شد حيلك ياشاعر باقي عشرة الاف=على نص المسافه نـوخ اركابهـا خطنا ماسكينه مايجيـه انحـراف=والقوافي يروع ضـرب مخلابهـا نقسم اللي بقى من خطنا هاف هاف=واخر الدرب نعرف مـن تحلابهـا امسك ارضك ورميك مايصيب الهداف=وين ساري العتيبـي عقـب ولاابهـا قاسمك بين نصف وبين نصف ونصاف=انـت ودك تسـاوي الحـر بغرابهـا المطيري تردي عقب وصل الحواف=حط نفسه مكان الضيق واوزابهـا والله اني لاخلي دمع عينـه ذراف=عقـب ماكنـت ادراي واتلاهابهـا انتمناك دايـم ماتمنـى الـذلااف=خل عنك المطيري , عينك اقرابها والله لو البناخي ماحمى للميقـاف=كان سقنا القضيـه يـم طلابهـا ارحب ارحب تراني فوق راس السناف=والقبايـل انـا ويــاك نحمابـهـا البناخي يـردك عـن امـورٍ سفـاف=مايبـي تحلـق النـيران مشهابـهـا ماشي ٍ فوق 100 لا تلف انعطاف=امحقي يا دديسن عاشو . ركابها البناخي زميلك قال لي انـت داف=مير هاك المجالس ويـن نوابهـا المواتر جديده والمرجج خفاف=اشتر اللي بلابنزيم واجتابهـا البناخي هبيله وانت مثله تعاف=والعلوم الرديه انته اولى بهـا انت نازل بجون مابه إلا الجفاف=مير شد البيوت ومسس اطنابهـا حجتك بالقضيه مثل راع العـلاف=سارق ضيوف بيته ، عقب هلابها منزلي عاليٍٍ من فوق ذيك الضفاف=والبيوت الجزيلـه لابـسٍ كابهـا النذاله لها ناسٍ تجـي بالهـواف=وانت وحدك لها من بدت اعرابهـا لابس الكـاب منهوخلهاعنـك طـاف=افتهم ذا الاشـاره لاتجيـب اسبابهـا انت رجل ٍ طموحه يرضي شوق وعفاف=ميـر افطـن لنفسـك لاتثوراعصابهـا لابس الكاب عندك بالكويت استضاف=كل مـن جابهـا واللـي تربابهـا والحريّـم حريّـم مـي والا كفـاف=كـل حرمـه بشـرع الله نعنابهـا كان هذي علومك ابتعد انصـراف=نستحي من مشاريه العرب واعتابها بنشدك يا زميلي وألزمك بالحـلاف=احلف انك ماتجهل وين مضرابهـا عندنا فيه خدمه مثل خدمة قطاف=كان ودك تسجل اعـرب اعرابهـا الا انا بنشدك وابغى العلوم الظراف=كم عدد هالسريـه يـوم تهزابهـا كافنا شرك ابعد انت فيك إلتفاف=ددسنك يا عتيبي ولع اصطابها الجدر في يدينك انا معيا مغراف=انت قدم السريه قدوت احبابهـا دام عينك تشوف النور مابك خلاف=بس بعض المواتر ويـن يغدابهـا العدد ميتين وبينهـم لـوف لاف=وانت تحسب هشيمٍ ماتت اشعابها يالعتيبي تركد انت سيل ٍ جـراف=لا تعنـي زميلـك ثـم يعنابهـا انت رامي برميه مايضيع الاهداف=من ضميري تحيه تردف اعجابها يالمطيري قصيدك كل معناه واف=والصراحـه تشرفنـا بملعابهـا ودنا نختم الحفله ونعلن زفـاف=القصايد على اللي طب محرابها يامطوع حروف الشعر حاكم لقاف=انت ندن عنيـد ٍ كفـو تهنابهـا ماهي كلمة مجامل كلمة ٍ واعتراف=اشهد ان العتيبي خيرت اذيابهـا ألف شكر لكل من شرفنااا بتواجده المشرف لكم مني ارق تحيااا آخر تعديل محمد العيباني يوم 26-05-2007 في 04:50 AM.
|
||
![]() |
![]() |
رقم المشاركة : 2 | ||
|
؟ |
||
![]() |
![]() |
رقم المشاركة : 3 | ||
|
من يطول رقاده مندعس باللحاف = خايف البرد يسري لا لقى بابها |
||
![]() |
![]() |
رقم المشاركة : 4 | ||
|
هههههههههههههههههههههههههههههه هههههههههههههههههههههههههههههه هه
المصايب طواقي فوق روس الضعاف=والمنعم منعم ماطرق بابها عادة الناس تلقى بالمزاج اختلاف=وكل واحد يسوّق سلعةٍ جابها لاهنتو وصحة السنتكم اعجبتني محاورتكم وجت اللابيات كذا واصلوووووووووووووووووووووووووو وووووووا |
||
![]() |
![]() |
رقم المشاركة : 5 | ||
|
كمل يا عبدالله |
||
![]() |
![]() |
رقم المشاركة : 6 | ||
|
ابشر يابوعبدالله |
||
![]() |
![]() |
رقم المشاركة : 7 | ||
|
فاهمن ماتقوله دام بيتك يشاف=ماني مفتش هدوم الخلق واثيابها
وانت يالمرشدي جبت العلوم الطراف=يالله انك تجازي حيه ودابها |
||
![]() |
![]() |
رقم المشاركة : 8 | ||
|
هههههههههههه آخر تعديل محمد العيباني يوم 18-11-2006 في 09:19 PM.
|
||
![]() |
![]() |
رقم المشاركة : 9 | ||
|
سلمت
يامحمد شروط السعي غير الطواف=اي وحده تبي هالحين نبدابها
قالو الناس لاتسرق ترى ماتخاف=وانت ذيب عوى في راس مرقابها |
||
![]() |
![]() |
رقم المشاركة : 10 | ||
|
محمد العيباني |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 7 ( الأعضاء 0 والزوار 7) | |
|
|