عذر المصلّــــــــي

[فارس القوافي]

خلّي الخواطر لعــنبوها الخواطر = اقسي وخلّي كلّ خاطر يولّي
ولا تحسبي للي صدق بالمشاعر = ارميه لهمومه وخلّـــــــيه خلّي
وان كان كابر من فراقك وكابر = يكذب ودمعـه فوق خدّه يهلّي
الروح بعدك واصله للحنـــــاجر = ريقه نشف ويتلّ بالحكــــي تلّي
واليوم خلّك ودّعك راح ســــــافر = ترك لك الراحه وخذ جرحه اللي
اللي ذبح قلبه وسوّاه شـــــــاعر = يكتب حروفه وبجروحك يحلّي
مع السلامه راح خلّك وهـــــاجر = ماباقـــي الاّ حرفه اللي يسلّي
وان جاز لك ذكراه في يوم باكر = خلّيه ذكرى فوق صدرك تعلـّي
وان مات لا تنسين حزن المقــابر = ابكي على موته وبالـــدمع بلّي
بلّي خدودك وامسحي دمع عاذر = عذرك وكان ابحق عذرالمصلّي
اللي ترك فرضه ولا هو بكـــافر = نسى صلاته مادرى انّه مُخلّي

[ترانيم المطر]

لي شرف معانقة هذه الدره الشامخه
لقد حلقت في سماء الإبداع وحلقنا معك من خلال هذه الفارهه

لله درك ولنا دررك

لي عوده لإرواء الذائقه

فإلى أن يحين تقبل من التحيه أغلاها

ودمت بود

[عبدالله الشويمان]

صح السانك يا اخ خالد

قصيده رائعه من شاعر رائع وجزل

لا هنت لا هنت

تحياتي

[منيع]

ابداع وتميز
بارك الله فيكم
تحياتي وتقديري

[داعي الشوق]

صح لسانك يالشاعر

قصيدة جميلة و رائعة

كـ حضورك الرائع دائما

سلمت و صح لسانك يا فارس القوافي

مع التقدير لك

،،،،،،،،،،،،،،،،،

[مبروك بن ماضي]

اخوي المبدع :
الشاعر / فارس القوافي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[عبدالإله]

صح لسانك

جمعت العذوبة والابداع هنا

أشهد انك شاعر قرم

سلامي لك

مع تحياتي

@@@@@@@

[عدنان كريزم]

صح لسانك ولا هنت يالغالي

[عذب القوافي]

صح لسانك أخي / خالد قصيده جميله

لله درك يالغالي ,,,,,,

[الطامي]

خالد
صح السانك ملايين
جزلة وهادفه
لاهنت