وش رايك تتبرع باعضائك !!

[أم ريما]

السؤال وبكل بساطه
ايش رايك بالتبرع بالاعضاء
وهل انت مؤيد لهذه الفكره ؟؟

بالنسبة لي انا ترددت كثير بعدين قلت وش استفيد من اعضائي بعد موتي
ليه ما اتبرع فيها واكسب اجر ناس محتاجين لها

وعملت البطاقه ووقعت عليها وخليتها في شنطتي بس شافها زوجي ورفض
وقطعها ورماها قال انا ما اسمح

اللي يبي يتبرع
كل اللي عليكم تسوونه انك تروحون للمستشفى وتطلب بطاقة التبرع
ويكتبون اسمك وتوقع عليها
وخلاص تخلي البطاقه معاك او ترفعها في اي مكان بس اهم شئ انك تعلم المقربيين لك بمكانها في حال انك توفيت دماغيا لا سمح الله او اي وفاة عادية


لانك بهذه الطريقة تقدم حياة جديدة باذن الله لشخص كان قريب من الموت

يعني لو فكرتوا فيها

وش الاحسن ؟؟

1>>>ان اعضائك تتعفن في القبر وياكلها الدود؟؟
وانت عارف انة فيه اشخاص محتاجين لكليتك او قلبك وهم يصارعون الالم اثناء انتظارهم لمتبرع



2>>>او انك تتبرع باعضائك بعد ماتموت(بعد عمر طويل)؟؟

وتكون عبارة عن صدقة جارية الى يوم القيامة


وش رايكم في الموضوع ؟؟

[الطائر المهاجر]

الإنسان في الأرض امانة يستردها خالقها وصاحبها متى شاء
فكيف تتصرف فيما لانملك ؟ ، ليس من حقنا ذلك ،

[بنت العز]

انا من جهتي ودي احصل على هالبطاقه

لكن هل يجوز اني اتبرع بها

او كما قال العود هي امانه ويستردها الخالق

[أم ريما]

والله ما ادري يا بنت العز اختلفت الفتاوى فيها

لكن كثير يسونها لو حرام كان منعوها ولا ؟

[أم ريما]

الطائر المهاجر ابونا

وجهه نظر جيده واحترمها

[عبير الورد]

والله مااقدر اتخيلني ميته واحد اعضائي فوق الارض


تسلمين ويعطيك الف عافية

[سناعيس]

بس شافها زوجي ورفض
وقطعها ورماها قال انا ما اسمح
ام ريما شكله مخطط على كليتك تبرعي بها بس لايهمك هههههههه
انا بالنسبه لي ماعندي مانع بس يكون متفق مع الشرع
ومن وجهة نظر شخصيه بحته ان الاعضاء سواء كانت في القبر او تبرع بها
لشخص آخر لانقاذ حياته هي ايضا ملك للخالق
تحياتي

[الطامي]

ام ريما
الأمر لله اولا واخيرا
وجسم ابن ادم ليس ملكه
وقد اختلف في التبرع اهل العلم فمنهم من يجيز ذلك ومنهم من تحفظ عليها والبعض منهم معارض
معارض
شكرا لكي على الموضوع

[أم ريما]

المشاركة الأصلية كتبت بواسطة سناعيس

بس شافها زوجي ورفض
وقطعها ورماها قال انا ما اسمح
ام ريما شكله مخطط على كليتك تبرعي بها بس لايهمك هههههههه
انا بالنسبه لي ماعندي مانع بس يكون متفق مع الشرع
ومن وجهة نظر شخصيه بحته ان الاعضاء سواء كانت في القبر او تبرع بها
لشخص آخر لانقاذ حياته هي ايضا ملك للخالق
تحياتي

ههههههههههه يمكن

شكرا لك على وجهة نظرك يعطيك العافيه على الرد والتفاعل

المشاركة الأصلية كتبت بواسطة الطامي

ام ريما
الأمر لله اولا واخيرا
وجسم ابن ادم ليس ملكه
وقد اختلف في التبرع اهل العلم فمنهم من يجيز ذلك ومنهم من تحفظ عليها والبعض منهم معارض
معارض
شكرا لكي على الموضوع

شكرا لك اخوي الطامي

يعطيك العافيه صحيح صار عليه اختلاف هالموضوع

[نفحات حساسة]

انا اوفق بهالشئ

يعني لو انت ميت ميت..وغيرك فيه امل لحياته

منت معطيه ..امل يحي فيها ولك اجره