حنيت لك

[حمود السكراني]

انا أشهد ان قلبي لطاريك فزي=يوم ان قالوا جالسٍ في حراويك
حنيت لك رد الجليس المقزي=وينك ووين اللي على البعد يرجيك
ضحكت له كاالقانع المستعزي=واخفيتها بالصدر عن قول وشفيك
عزاه يا فقد الخوي المعزي=اللي لياكثرة همومك يعزيك
ماهو الخوي اللي جداه التهزي=يضحك بشوفك طاوي الهم طاويك
شي ٍ يجوز وليا حصل لك يجزي=وشيءٍ لاحل ابداخل القلب يقزيك
هزي سموم الوجد للقلب هزي=لوفيه لوف الملح من خشم بلجيك
هزيه نارٍ وسط صدري توزي=وقودها أشواقٍ بقلبي تناديك
عليك ياللي هاجسه كل حزي=لوقلت أبنسى قال ماني بناسيك
روابعٍ مع كل بابٍ تدزي=ماكني الا شابك أيدُي بيديك
واتل قلبي ياقوام أمتوزي=ولاجديلٍ كنه الليل غاشيك
ولانهيدٍ تو بالصدر نزي=ولامبيسم كاالخويتم محليك
ياغايتي لك بيرق الوجد رزي=بين الحنايا واوجع المنشغل فيك
تقول من شريان دمي يمزي=يلج في وسط الضماير ونبكيك
مالي بجرحٍ بالمعاليق لزي=الا رجاء ربٍ من البعد يدنيك

[الطائر المهاجر]

سلمت
وصح لسانك
ولاهان راسك
جزلة وطيبة من شاعر متمكن
تحياتي

[عزيزه العزيزه]

الله عليك يا شاعر مبدع صح لسانك
ويعطيك الف صحه وعافيه

[حمود السكراني]

الطائر المهاجر شرفت


أخيك مشكور يالغلا

[حمود السكراني]

العزيزة مشكوووووورة شرفتي


أخيك بمرورك الرائع كل التقدير

[صنداح الزلامى]

بعيد المدى


الف الف


صحة للساااانك


مبدع وهذا لايستغرب منك


الابداااع انت اهل له



سجل اعجابي واحترامي

[عبدالعزيز ابراهيم المنصور]

كلمات جميلة ونص رائع أشكرك على هذه الاحاسيس دمت مبدع دمت بخير

[عبدالعزيز البليهد]

صح لسانك واعتلا شانك

ولاهنت على هالابداع

[منيع]

ابيات رائعه ومميزة
شكرا لك ولحرفك الراقي
تحياتي لكم

[عمر ال شيبي]

صح لسانك لا هنت ابد